WWE 'ਲੇਡੀ ਖਲੀ' ਨੇ ਕਿਹਾ-ਗੁੜੀਆ ਦੇ ਕਾਤਲਾਂ ਨੂੰ ਦਿਓ ਫਾਂਸੀ

ਨਵੀਂ ਦਿੱਲੀ—ਡਬਲਿਊ.ਡਬਲਿਊ.ਈ ਦੇ ਵੱਲੋਂ ਲੇਡੀ ਖਲੀ ਕਵਿਤਾ ਦਲਾਲ ਨੂੰ ਤਿੰਨ ਸਾਲ ਲਈ ਪਹਿਲਵਾਨ ਲਈ ਚੁਣਿਆ ਗਿਆ ਹੈ ।  ਜਿਸ ਖੁਸ਼ੀ 'ਚ ਉਹ ਜੁਲਾਨਾ ਪਹੁੰਚੀ ਹੈ । ਇੱਥੇ ਉਨ੍ਹਾਂ ਨੇ ਆਪਣੀ ਕਾਮਯਾਬੀ ਦਾ ਜਸ਼ਨ ਤਾਂ ਮਨਾਇਆ ਪਰ ਹਿਸਾਰ ਦੇ ਉਕਲਾਨਾ 'ਚ ਹੋਏ ਹਿਸਾਰ ਗੁੜੀਆ ਰੇਪ ਕਾਂਡ ਤੋਂ ਦੁੱਖੀ ਨਜ਼ਰ ਆਈ । ਉਨ੍ਹਾਂਨੇ ਕਿਹਾ ਕਿ ਇਹ ਇੱਕ ਮਨਭਾਗੀ ਘਟਨਾ ਹੈ, ਇਸ ਤਰ੍ਹਾਂ ਬੱਚੀਆਂ ਅਤੇ ਔਰਤਾਂ ਨਾਲ ਕੁਕਰਮ ਕਰਨ ਵਾਲਿਆਂ ਨੂੰ ਸਿੱਧਾ ਫ਼ਾਂਸੀ ਦੇ ਦੇਣੀ ਚਾਹੀਦੀ ਹੈ । 
ਉਨ੍ਹਾਂ ਨੇ ਕਿਹਾ ਕਿ 5 ਸਾਲ ਦੀ ਕੁੜੀ ਨਾਲ ਜੋ ਹੋਇਆ ਉਹ ਬਹੁਤ ਹੀ ਗਲਤ ਹੋਇਆ ਇਸ ਤੋਂ ਪਤਾ ਚੱਲਦਾ ਹੈ ਕਿ ਦੇਸ਼-ਪ੍ਰਦੇਸ਼ 'ਚ ਲੜਕੀਆਂ ਸੁਰੱਖਿਅਤ ਨਹੀਂ ਹੈ । ਮਹਿਲਾ ਸੁਰੱਖਿਆ ਲਈ ਸਰਕਾਰ ਦੇ 'ਧੀ ਬਚਾਓ ਧੀ ਪੜਾਓ' ਵਰਗੇ ਬੈਨਰ ਸਿਰਫ ਕਾਗਜਾਂ 'ਚ ਹਨ । ਉਨ੍ਹਾਂ ਨੇ ਕਿਹਾ ਕਿ ਦੇਸ਼ 'ਚ ਅਜਿਹੇ ਘਿਨਾਉਣੇ ਕੰਮ ਕਰਨ ਵਾਲੇ ਦੋਸ਼ੀਆਂ ਨੂੰ ਤੁਰੰਤ ਫ਼ਾਂਸੀ ਦੇ ਦੇਣੀ ਚਾਹੀਦੀ ਹੈ, ਤਾਂਕਿ ਭਵਿੱਖ 'ਚ ਅਜਿਹੀ ਘਟਨਾਵਾਂ ਤੋਂ ਬਚਿਆ ਜਾ ਸਕੇ ।  
ਕਵਿਤਾ ਦਲਾਲ ਨੇ ਦਿੱਲੀ ਦੇ ਨਿਰਭੇ ਕਾਂਡ ਦਾ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਨਿਰਭੇ ਕਾਂਡ ਦੇ ਦੋਸ਼ੀਆਂ ਨੂੰ ਸਰਕਾਰ ਨੇ ਹਾਲੇ ਵੀ ਜੇਲਾਂ 'ਚ ਰੱਖਿਆ ਹੈ, ਜਦੋਂ ਕਿ ਅਜਿਹੇ ਦੋਸ਼ੀਆਂ ਨੂੰ ਜਵਾਈ ਬਣਾਕੇ ਰੱਖਣ ਦੀ ਬਜਾਏ ਤੁਰੰਤ ਫ਼ਾਂਸੀ ਦੇ ਦੇਣੀ ਚਾਹੀਦੀ ਹੈ । ਦੂਜੇ ਦੇਸ਼ਾਂ 'ਚ ਅਜਿਹਾ ਕਾਨੂੰਨ ਹੈ ਤੇ ਸਾਡੇ ਦੇਸ਼ ਦਾ ਕਾਨੂੰਨ ਢੀਲਾ ਹੈ । ਉਨ੍ਹਾਂ ਨੇ ਕਿਹਾ ਕਿ ਹਿਸਾਰ 'ਚ ਹੋਈ ਘਟਨਾ ਤੋਂ ਅਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਹੁਣ ਔਰਤਾਂ ਅਤੇ ਬੱਚੀਆਂ ਸੁਰੱਖਿਅਤ ਨਹੀਂ ਹਨ, ਅਤੇ ਇਨ੍ਹਾਂ ਦੀ ਸੁਰੱਖਿਆ ਲਈ ਸਰਕਾਰ ਨੇ ਕੋਈ ਠੋਸ ਕਦਮ ਵੀ ਨਹੀਂ ਚੁੱਕੇ ਹਨ। 
ਉਨ੍ਹਾਂ ਨੇ ਨੇ ਆਮਜਨ ਨੂੰ ਸਲਾਹ ਦਿੰਦੇ ਹੋਏ ਕਿਹਾ ਕਿ ਅਜਿਹੇ ਦੋਸ਼ ਰੋਕਣ ਲਈ ਸਰਕਾਰ ਦੇ ਨਾਲ ਲੋਕਾਂ ਨੂੰ ਵੀ ਪੂਰੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ । ਲੋਕਾਂ ਨੂੰ ਆਪਣੇ ਘਰ 'ਚ ਅਜਿਹਾ ਮਾਹੌਲ ਪੈਦਾ ਕਰਨਾ ਚਾਹੀਦਾ ਹੈ ਕਿ ਉਨ੍ਹਾਂ ਦੇ ਘਰਾਂ ਦੇ ਬੱਚੇ ਘਰ ਦੀਆਂ ਔਰਤਾਂ ਦੇ ਨਾਲ-ਨਾਲ ਬਾਹਰ ਦੀਆਂ ਔਰਤਾਂ ਦੀ ਵੀ ਇੱਜਤ ਕਰਨਾ ਸਿੱਖਣ । ਉਨ੍ਹਾਂ ਨੇ ਕਿਹਾ ਕਿ ਅਜਿਹੀ ਘਟਨਾਵਾਂ ਦਾ ਇਕ ਕਾਰਨ ਇਹ ਵੀ ਹੈ ਕਿ ਅੱਜ ਦੀ ਜਵਾਨ ਪੀੜ੍ਹੀ ਨਸ਼ਿਆਂ ਦੇ ਵੱਲ ਜ਼ਿਆਦਾ ਰੁੱਖ ਕਰਨ ਲੱਗੀ ਹੈ ਜਿਸ ਦੀ ਵਜ੍ਹਾ ਨਾਲ ਅਜਿਹੀ ਘਟਨਾਵਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ । 
ਡਬਲਿਊ.ਡਬਲਿਊ.ਈ. ਨਾਲ ਤਿੰਨ ਸਾਲ ਦਾ ਕੰਟਰੈਕਟ
ਉਨ੍ਹਾਂ ਨੇ ਆਪਣੇ ਬਾਰੇ 'ਚ ਦੱਸਦੇ ਹੋਏ ਕਿਹਾ ਕਿ ਉਨ੍ਹਾਂ ਦਾ ਡਬਲਿਊ.ਡਬਲਿਊ.ਈ ਨਾਲ ਤਿੰਨ ਸਾਲ ਦਾ ਕੰਟਰੈਕਟ ਸਾਈਨ ਹੋਇਆ ਹੈ । ਉਨ੍ਹਾਂ ਦਾ ਇਹੀ ਟੀਚਾ ਹੈ ਕਿ ਭਾਰਤੀ ਕੁੜੀ ਰਿੰਗ 'ਚ ਜਾ ਕੇ ਦੀ ਡਬਲਿਊ.ਡਬਲਿਊ.ਈ ਦੀ ਬੈਲਟ ਲਗਾਏ ਅਤੇ ਦੇਸ਼ ਦਾ ਨਾਮ ਰੋਸ਼ਨ ਕਰੇ । ਇਹ ਉਨ੍ਹਾਂ ਦੀ ਜਿੰਦਗੀ ਦਾ ਸਭ ਤੋਂ ਅਹਿਮ ਪਲ ਹੋਵੇਗੇ । ਉਨ੍ਹਾਂ ਨੇ ਦੱਸਿਆ ਕਿ 15 ਤੋਂ 18 ਜਨਵਰੀ 'ਚ ਉਹ ਵਿਦੇਸ਼ 'ਚ ਜਾਵੇਗੀ । ਹਰਿਆਣਾ ਸਰਕਾਰ ਵਲੋਂ ਸਨਮਾਨ ਨਹੀਂ ਮਿਲਣ 'ਤੇ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹਲਕੀ ਨਰਾਜਗੀ ਤਾਂ ਹੈ, ਪਰ ਉਨ੍ਹਾਂ ਨੇ ਮੰਗਣ ਦੀ ਆਦਤ ਬਹੁਤ ਪਹਿਲਾਂ ਹੀ ਛੱਡ ਦਿੱਤੀ ਹੈ । ਉਥੇ ਹੀ ਹਰਿਆਣਾ ਸਰਕਾਰ ਨੂੰ ਖਿਡਾਰੀਆਂ ਵੱਲ ਧਿਆਨ ਦੇਣ ਦੀ ਗੱਲ ਕਹੀ ।