ਇਸ਼ਾਂਤ ਭਰਾ ਨੇ ਵਾਧੂ ਹੁਨਰ ਲਈ ਰਫ਼ਤਾਰ ਨਾਲ ਸਮਝੌਤਾ ਨਾ ਕਰਨ ਨੂੰ ਕਿਹਾ : ਮਯੰਕ ਯਾਦਵ

ਬੈਂਗਲੁਰੂ, (ਭਾਸ਼ਾ) ਪ੍ਰਤਿਭਾਸ਼ਾਲੀ ਤੇਜ਼ ਗੇਂਦਬਾਜ਼ਾਂ ਨੂੰ ਅਕਸਰ ਆਪਣੀ ਗੇਂਦਬਾਜ਼ੀ ਵਿਚ ਵਿਭਿੰਨਤਾ ਪਾਉਣ ਲਈ ਰਫ਼ਤਾਰ ਘਟਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ ਪਰ ਆਪਣੀ ਤੂਫ਼ਾਨੀ ਗੇਂਦਬਾਜ਼ੀ ਕਾਰਨ ਮਯੰਕ ਯਾਦਵ ਬਹੁਤ ਚਰਚਾ ਵਿੱਚ ਹੈ, ਉਸ ਦੇ ਸੀਨੀਅਰ ਦਿੱਲੀ ਟੀਮ ਦੇ ਸਾਥੀ ਇਸ਼ਾਂਤ ਸ਼ਰਮਾ ਨੇ ਵਾਧੂ ਹੁਨਰ ਜੋੜਨ ਲਈ ਰਫ਼ਤਾਰ ਨਾਲ ਸਮਝੌਤਾ ਨਾ ਕਰਨ ਦੀ ਸਲਾਹ ਦਿੱਤੀ ਹੈ। ਮਯੰਕ ਨੇ ਰਾਇਲ ਚੈਲੰਜਰ ਬੈਂਗਲੁਰੂ (ਆਰ.ਸੀ.ਬੀ.) ਦੇ ਖਿਲਾਫ 156.7 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਗੇਂਦਬਾਜ਼ੀ ਕੀਤੀ, ਜੋ ਕਿ ਆਈ.ਪੀ.ਐੱਲ. ਦੇ ਮੌਜੂਦਾ ਸੀਜ਼ਨ ਦੀ ਸਭ ਤੋਂ ਤੇਜ਼ ਗੇਂਦ ਹੈ। ਮਯੰਕ ਨੇ ਫਿਰ ਭਾਰਤ ਲਈ 100 ਤੋਂ ਵੱਧ ਟੈਸਟ ਮੈਚ ਖੇਡ ਚੁੱਕੇ ਇਸ਼ਾਂਤ ਅਤੇ ਇਕ ਹੋਰ ਤੇਜ਼ ਗੇਂਦਬਾਜ਼ ਨਵਦੀਪ ਸੈਣੀ ਤੋਂ ਮਿਲੀ ਸਲਾਹ ਦਾ ਜ਼ਿਕਰ ਕੀਤਾ। 

ਉਸਨੇ ਜੀਓ ਸਿਨੇਮਾ ਨੂੰ ਕਿਹਾ, "ਮੈਂ ਦਿੱਲੀ ਵਿੱਚ ਜਿੰਨੇ ਵੀ ਗੇਂਦਬਾਜ਼ਾਂ ਨਾਲ ਗੱਲ ਕੀਤੀ, ਉਨ੍ਹਾਂ ਵਿੱਚੋਂ ਇਸ਼ਾਂਤ ਭਾਈ ਅਤੇ ਸੈਣੀ ਭਾਈ ਨੇ ਮੈਨੂੰ ਕਿਹਾ ਕਿ ਜੇਕਰ ਮੈਂ ਕੁਝ ਨਵਾਂ ਜੋੜਨਾ ਚਾਹੁੰਦਾ ਚਾਹਾਂ ਤਾਂ ਵੀ ਮੈਨੂੰ ਉਸੇ ਰਫਤਾਰ ਨਾਲ ਗੇਂਦਬਾਜ਼ੀ ਕਰਨੀ ਚਾਹੀਦੀ ਹੈ।" 'ਜੇਕਰ ਮੈਂ ਆਪਣੀ ਗੇਂਦਬਾਜ਼ੀ 'ਚ ਕੋਈ ਨਵਾਂ ਹੁਨਰ ਜੋੜਨਾ ਚਾਹੁੰਦਾ ਹਾਂ ਤਾਂ ਇਹ ਆਪਣੀ ਰਫਤਾਰ ਨੂੰ ਬਰਕਰਾਰ ਰੱਖਦੇ ਹੋਏ ਕਰਨਾ ਚਾਹੀਦਾ ਹੈ। ਮੈਂ ਅਜਿਹਾ ਕੋਈ ਹੁਨਰ ਨਹੀਂ ਚਾਹੁੰਦਾ ਜਿਸ ਵਿੱਚ ਮੈਨੂੰ ਆਪਣੀ ਗਤੀ ਨਾਲ ਸਮਝੌਤਾ ਕਰਨਾ ਪਵੇ।'' ਆਰਸੀਬੀ ਖ਼ਿਲਾਫ਼ ਚਾਰ ਓਵਰਾਂ ਵਿੱਚ 14 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲੈਣ ਵਾਲੇ ਮਯੰਕ ਨੇ ਕਿਹਾ ਕਿ ਉਸ ਦਾ ਧਿਆਨ ਹਮੇਸ਼ਾ ਵਿਕਟਾਂ ਲੈਣ 'ਤੇ ਰਹਿੰਦਾ ਹੈ। ਉਸ ਨੇ ਕਿਹਾ, ''ਮੇਰਾ ਧਿਆਨ ਸਪੀਡ 'ਤੇ ਇੰਨਾ ਜ਼ਿਆਦਾ ਨਹੀਂ ਹੈ ਜਿੰਨਾ ਵਿਕਟਾਂ ਲੈਣ 'ਤੇ ਅਤੇ ਵਿਕਟਾਂ ਲੈ ਕੇ ਟੀਮ ਨੂੰ ਯੋਗਦਾਨ ਦੇਣਾ। ਹਾਲਾਂਕਿ ਗੇਂਦਬਾਜ਼ੀ ਕਰਦੇ ਸਮੇਂ ਮੈਂ ਇਹ ਗੱਲ ਆਪਣੇ ਦਿਮਾਗ 'ਚ ਰੱਖਦਾ ਹਾਂ ਕਿ ਜਦੋਂ ਵੀ ਮੈਂ ਗੇਂਦਬਾਜ਼ੀ ਕਰਦਾ ਹਾਂ ਤਾਂ ਉਸ ਦੀ ਸਪੀਡ ਚੰਗੀ ਹੋਣੀ ਚਾਹੀਦੀ ਹੈ। ਮਯੰਕ ਨੇ ਕਿਹਾ, ''ਮੈਚ ਤੋਂ ਬਾਅਦ ਮੈਂ ਹਮੇਸ਼ਾ ਲੋਕਾਂ ਨੂੰ ਪੁੱਛਦਾ ਹਾਂ ਕਿ ਮੈਚ 'ਚ ਸਭ ਤੋਂ ਤੇਜ਼ ਗੇਂਦ ਦੀ ਰਫਤਾਰ ਕਿੰਨੀ ਹੈ ਜਾਂ ਕਿੰਨੀ ਸੀ ਪਰ ਮੈਚ ਦੌਰਾਨ ਮੈਂ ਸਿਰਫ ਆਪਣੀ ਗੇਂਦਬਾਜ਼ੀ 'ਤੇ ਧਿਆਨ ਦਿੰਦਾ ਹਾਂ।''