ਜ਼ਵੇਰੇਵ ਨੇ ਕੁਆਲੀਫ਼ਾਇਰ ਟੀਆਫੋ ਨੂੰ ਹਰਾ ਕੇ ਪੰਜਵਾਂ ਏ. ਟੀ. ਪੀ. ਖ਼ਿਤਾਬ ਜਿੱਤਿਆ

ਵਿਏਨਾ- ਐਲੇਕਜ਼ੈਂਡਰ ਜ਼ਵੇਰੇਵ ਨੇ ਅਸਟਰੇ ਬੈਂਕ ਓਪਨ 'ਚ ਅਮਰੀਕੀ ਕੁਆਲੀਫ਼ਾਇਰ ਫ਼ਰਾਂਸੇਸ ਟੀਆਫੋ ਨੂੰ 7-5, 6-4 ਨਾਲ ਹਰਾ ਕੇ ਸੈਸ਼ਨ ਦਾ ਪੰਜਵਾਂ ਤੇ ਕੁਲ 18ਵਾਂ ਏ. ਟੀ. ਪੀ. ਖ਼ਿਤਾਬ ਆਪਣੀ ਝੋਲੀ 'ਚ ਪਾਇਆ। ਜਰਮਨੀ ਦੇ ਚੌਥੀ ਰੈਂਕਿੰਗ ਦੇ ਖਿਡਾਰੀ ਜ਼ਵੇਰੇਵ ਇਸ ਤਰ੍ਹਾਂ 2021 'ਚ ਨਾਰਵੇ ਦੇ ਕੈਸਪਰ ਰੂਡ ਦੇ ਬਾਅਦ ਟੂਰ 'ਤੇ 5 ਟੂਰਨਾਮੈਂਟ ਜਿੱਤਣ ਵਾਲੇ ਦੂਜੇ ਖਿਡਾਰੀ ਬਣ ਗਏ। ਜ਼ਵੇਰੇਵ ਨੇ ਕਿਹਾ ਕਿ ਸੈਸ਼ਨ ਅਜੇ ਤਕ ਮੇਰੇ ਲਈ ਸ਼ਾਨਦਾਰ ਰਿਹਾ ਹੈ। ਮੈਂ ਦੁਨੀਆ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟ - ਓਲੰਪਿਕ - 'ਚ ਜਿੱਤ ਦਰਜ ਕੀਤੀ ਤੇ ਫਿਰ ਦੋ ਏ. ਟੀ. ਪੀ. 500 ਤੇ ਦੋ ਮਾਸਟਰਸ ਟੂਰਨਾਮੈਂਟ ਜਿੱਤੇ।