ਯੁਜਵੇਂਦਰ ਨੇ ਦੀਪਕ ਚਾਹਰ ਨੂੰ ਕਿਹਾ- ਬਹੁਤ ਹੀ ਬੇਸ਼ਰਮ ਇਨਸਾਨ, ਜਾਣੋ ਪੂਰਾ ਮਾਮਲਾ (ਵੀਡੀਓ)

ਸਪੋਰਟਸ ਡੈਸਕ— ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਹੋਈ ਟੀ-20 ਸੀਰੀਜ਼ ਨੂੰ ਭਾਰਤ ਨੇ 2-1 ਨਾਲ ਜਿੱਤ ਲਿਆ ਹੈ। ਇਸ ਜਿੱਤ ਨਾਲ ਟੀਮ ਇੰਡੀਆ 'ਚ ਜਸ਼ਨ ਦਾ ਮਾਹੌਲ ਹੈ। ਇਸ ਮੁਕਾਬਲੇ 'ਚ ਦੀਪਕ ਚਾਹਰ ਨੇ ਸ਼ਾਨਦਾਰ ਹੈਟ੍ਰਿਕ ਦੇ ਨਾਲ 6 ਵਿਕਟਾਂ ਲਈਆਂ ਅਤੇ ਯੁਜਵੇਂਦਰ ਚਾਹਲ ਦਾ ਰਿਕਾਰਡ ਤੋੜਦੇ ਹੋਏ ਟੀ-20 'ਚ ਸਭ ਤੋਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਜਦਕਿ ਬੱਲੇਬਾਜ਼ਾਂ 'ਚ ਸ਼ੇਅਸ ਅਈਅਰ ਨੇ ਔਖੇ ਸਮੇਂ 'ਚ ਨਾ ਸਿਰਫ ਟੀਮ ਨੂੰ ਸੰਭਾਲਿਆ ਸਗੋਂ 3 ਗੇਂਦਾਂ 'ਤੇ 3 ਛੱਕੇ ਜੜ ਕੇ ਧਮਾਲ ਕੀਤਾ। ਇਸ ਜ਼ਬਰਦਸਤ ਪ੍ਰਦਰਸ਼ਨ ਅਤੇ ਟੀਮ ਦੀ ਜਿੱਤ ਦੇ ਬਾਅਦ ਦੋਹਾਂ ਦਾ ਸਾਹਮਣਾ ਚਾਹਲ ਟੀ. ਵੀ. 'ਤੇ ਹੋਇਆ। ਇਸ ਸ਼ੋਅ ਦੇ ਦੌਰਾਨ ਕੁਝ ਅਜਿਹਾ ਹੋਇਆ ਜਿਸ ਦੀ ਕਿਸੇ ਨੂੰ ਉਮੀਦ ਨਹੀਂ ਸੀ।

ਚਾਹਲ ਨੇ ਦੀਪਕ ਦੀ ਜਾਣ-ਪਛਾਣ ਕਰਾਉਂਦੇ ਹੋਏ ਕਿਹਾ ਕਿ ਇਨ੍ਹਾਂ ਨੇ 6 ਵਿਕਟਾਂ ਲਈਆਂ ਅਤੇ ਹੈਟ੍ਰਿਕ ਵੀ ਲਾਈ ਅਤੇ ਮੇਰਾ ਹੀ ਰਿਕਾਰਡ ਤੋੜ ਦਿੱਤਾ। ਇਸ ਦੇ ਅੱਗੇ ਯੁਜਵੇਂਦਰ ਚਾਹਲ ਨੇ ਦੀਪਕ ਚਾਹਰ ਨੂੰ ਕਿਹਾ ਕਿ ਬਹੁਤ ਬੇਸ਼ਰਮ ਇਨਸਾਨ ਹੋ ਯਾਰ। ਜਦਕਿ ਚਾਹਰ ਨੇ ਕਿਹਾ ਕਿ ਇਹ ਮੇਰੇ ਲਈ ਬਹੁਤ ਹੀ ਚੰਗੀ ਫੀਲਿੰਗ ਹੈ। ਤੁਸੀਂ ਘਰ 'ਚ ਬੈਠ ਕੇ ਸੋਚੋਗੇ ਤੇ ਕਦੀ ਇਹ ਨਹੀਂ ਸੋਚ ਸਕੋਗੇ ਕਿ ਕੌਮਾਂਤਰੀ ਟੀ-20 'ਚ 7 ਦੌੜਾਂ ਦੇ ਕੇ 6 ਵਿਕਟ ਲਵੋਗੇ। ਜੇਕਰ ਤੁਸੀਂ ਗਲਤੀ ਨਾਲ ਸੋਚ ਵੀ ਲਿਆ ਕਿ 5 ਵਿਕਟ ਲਵਾਂਗਾ ਤਾਂ ਦੌੜਾਂ ਘੱਟੋ-ਘੱਟ 20-25 ਹੋਣਗੀਆਂ।

ਇਸ ਤੋਂ ਬਾਅਦ ਅਈਅਰ ਨੇ ਵੀ ਦੀਪਕ ਨੂੰ ਰੋਕਦੇ ਹੋਏ ਕਿਹਾ ਕਿ ਇਸ ਲਈ ਮੈਨੂੰ ਵੀ ਕ੍ਰੈਡਿਟ (ਸਿਹਰਾ) ਦਿੱਤਾ ਜਾਣਾ ਚਾਹੀਦਾ ਹੈ ਕਿਉਂਕਿ ਪੰਜਵਾਂ ਕੈਚ ਮੈਂ ਲਿਆ ਹੈ। ਇਸ ਤੋਂ ਇਲਾਵਾ ਅਈਅਰ ਨੇ ਵੀ ਵੀਡੀਓ 'ਚ ਤਾਸ਼ ਦੇ ਪੱਤਿਆਂ ਦੇ ਨਾਲ ਇਕ ਜਾਦੂ ਵੀ ਦਿਖਾਇਆ, ਜਿਸ 'ਚ ਉਹ ਚਾਹਲ ਅਤੇ ਚਾਹਰ ਤੋਂ ਇਕ-ਇਕ ਪੱਤੇ ਨੂੰ ਚੁੱਕਣ ਨੂੰ ਕਹਿੰਦੇ ਹਨ ਅਤੇ ਉਸ 'ਚੋਂ ਛੱਕੇ ਵਾਲਾ ਹੀ ਪੱਤਾ ਨਿਕਲਦਾ ਹੈ।
 

WATCH: Hat-trick of sixes, Hat-trick of wickets & a card trick to top it up. This is yet another Chahal TV special. 😎😎 @deepak_chahar9 @ShreyasIyer15 @yuzi_chahal - by @28anand

Full Video here 👉👉 https://t.co/2Ni3uCykZT pic.twitter.com/HsBGoK0CHf

— BCCI (@BCCI) November 11, 2019

ਇਸ ਮੁਕਾਬਲੇ ਦੀ ਗੱਲ ਕਰੀਏ ਤਾਂ ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 175 ਦੌੜਾਂ ਦਾ ਟੀਚਾ ਬੰਗਲਾਦੇਸ਼ ਦੇ ਸਾਹਮਣੇ ਰਖਿਆ ਸੀ। ਜਦਕਿ ਇਸ ਦੇ ਜਵਾਬ 'ਚ ਮਹਿਮਾਨ ਟੀਮ 144 ਦੇ ਸਕੋਰ 'ਤੇ ਮਿਸਟ ਗਈ। ਚਾਹਰ ਨੇ 6 ਤਾਂ ਸ਼ਿਵਮ ਦੁਬੇ ਨੂੰ ਤਿੰੰਨ ਸਫਲਤਾਵਾਂ ਮਿਲੀਆਂ।