WC 2023: AUS ਨੇ ਸ਼ੁਰੂਆਤੀ ਟੀਮ ਐਲਾਨੀ, ਕੁਝ ਖਿਡਾਰੀਆਂ ਦੀ ਚੋਣ ਨੇ ਕੀਤਾ ਹੈਰਾਨ
Monday, Aug 07, 2023 - 07:40 PM (IST)
ਮੈਲਬੌਰਨ (ਆਸਟਰੇਲੀਆ) : ਆਸਟਰੇਲੀਆ ਨੇ ਇਸ ਸਾਲ ਭਾਰਤ ਵਿੱਚ ਹੋਣ ਵਾਲੇ ਆਈ. ਸੀ. ਸੀ. ਪੁਰਸ਼ ਕ੍ਰਿਕਟ ਵਿਸ਼ਵ ਕੱਪ ਲਈ 18 ਖਿਡਾਰੀਆਂ ਦੀ ਆਪਣੀ ਸ਼ੁਰੂਆਤੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਵਿੱਚ ਕੁਝ ਹੈਰਾਨੀਜਨਕ ਚੋਣ ਸ਼ਾਮਲ ਹਨ। ਗੈਰ-ਕੈਪਡ ਲੈੱਗ ਸਪਿਨਰ ਤਨਵੀਰ ਸੰਘਾ ਅਤੇ ਤਜਰਬੇਕਾਰ ਹਰਫਨਮੌਲਾ ਐਰੋਨ ਹਾਰਡੀ ਦੀ ਚੋਣ ਹੈਰਾਨੀਜਨਕ ਹੈ ਜਦੋਂ ਕਿ ਟੈਸਟ ਸਟਾਰ ਮਾਰਨਸ ਲਾਬੂਸ਼ੇਨ ਨੂੰ ਆਸਟਰੇਲੀਆ ਦੀ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।
ਆਸਟ੍ਰੇਲੀਆ ਦੀ ਸ਼ੁਰੂਆਤੀ ਵਿਸ਼ਵ ਕੱਪ ਟੀਮ : ਪੈਟ ਕਮਿੰਸ (ਕਪਤਾਨ), ਸੀਨ ਐਬੋਟ, ਐਸ਼ਟਨ ਐਗਰ, ਅਲੈਕਸ ਕੈਰੀ, ਨਾਥਨ ਐਲਿਸ, ਕੈਮਰਨ ਗ੍ਰੀਨ, ਐਰੋਨ ਹਾਰਡੀ, ਜੋਸ਼ ਹੇਜ਼ਲਵੁੱਡ, ਟ੍ਰੈਵਿਸ ਹੈੱਡ, ਜੋਸ਼ ਇੰਗਲਿਸ, ਮਿਸ਼ੇਲ ਮਾਰਸ਼, ਗਲੇਨ ਮੈਕਸਵੈੱਲ, ਤਨਵੀਰ ਸੰਘਾ, ਸਟੀਵ ਸਮਿਥ ਸਮਿਥ, ਮਿਸ਼ੇਲ ਸਟਾਰਕ, ਮਾਰਕਸ ਸਟੋਇਨਿਸ, ਡੇਵਿਡ ਵਾਰਨਰ, ਐਡਮ ਜ਼ਾਂਪਾ।
ਇਹ ਵੀ ਪੜ੍ਹੋ : ਪਾਕਿਸਤਾਨੀ ਕ੍ਰਿਕਟ ਟੀਮ ਨੂੰ ਮਿਲੀ ਮਨਜ਼ੂਰੀ, ਭਾਰਤ 'ਚ ਕ੍ਰਿਕਟ ਵਿਸ਼ਵ ਕੱਪ ਲਈ ਆਉਣਾ ਯਕੀਨੀ
ਆਸਟ੍ਰੇਲੀਆ ਵਨਡੇ ਕ੍ਰਿਕਟ ਇਤਿਹਾਸ ਦੀ ਸਭ ਤੋਂ ਸਫਲ ਟੀਮ ਹੈ, ਜਿਸ ਨੇ ਆਪਣੇ 60 ਫੀਸਦੀ ਤੋਂ ਵੱਧ ਮੈਚ ਜਿੱਤੇ ਹਨ, ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਰਿਕਾਰਡ ਸੱਤ ਵਾਰ (1975, 1987, 1996, 1999, 2003, 2007 ਅਤੇ 2015) ਵਿੱਚ ਹਿੱਸਾ ਲਿਆ ਹੈ ਅਤੇ ਰਿਕਾਰਡ ਪੰਜ ਵਾਰ (1987,1999, 2003, 2007 ਅਤੇ 2015) ਵਿਸ਼ਵ ਕੱਪ ਜਿੱਤੇ ਹਨ।
ਆਸਟ੍ਰੇਲੀਆ ਪਹਿਲੀ (ਅਤੇ ਇਕੱਲੀ) ਟੀਮ ਹੈ ਜੋ ਲਗਾਤਾਰ ਚਾਰ ਵਿਸ਼ਵ ਕੱਪ ਫਾਈਨਲਜ਼ (1996, 1999, 2003 ਅਤੇ 2007) ਵਿੱਚ ਸ਼ਾਮਲ ਹੋਈ ਜਿਸ ਨੇ ਵੈਸਟ ਇੰਡੀਜ਼ (1975, 1979 ਅਤੇ 1983) ਦੇ ਲਗਾਤਾਰ ਤਿੰਨ ਵਿਸ਼ਵ ਕੱਪ ਫਾਈਨਲਜ਼ (1999) ਵਿੱਚ ਖੇਡਣ ਦੇ ਪੁਰਾਣੇ ਰਿਕਾਰਡ (1999, 2003 ਤੇ 2007 ਨੂੰ ਤੋੜਿਆ।
ਇਹ ਵੀ ਪੜ੍ਹੋ : ਮਾਣ ਵਾਲੀ ਗੱਲ, ਏਸ਼ੀਅਨ ਗੇਮਸ 'ਚ ਭਾਰਤ ਲਈ ਖੇਡੇਗਾ ਪੰਜਾਬ ਦਾ ਤਲਵਾਰਬਾਜ਼ ਅਰਜੁਨ
ਆਸਟਰੇਲੀਆ ਨੇ ਦੋ ਵਾਰ (2006 ਅਤੇ 2009) ਆਈ. ਸੀ. ਸੀ. ਚੈਂਪੀਅਨਜ਼ ਟਰਾਫੀ ਵੀ ਜਿੱਤੀ ਹੈ, ਜਿਸ ਨਾਲ ਇਹ ਲਗਾਤਾਰ ਚੈਂਪੀਅਨਜ਼ ਟਰਾਫੀ ਟੂਰਨਾਮੈਂਟ ਜਿੱਤਣ ਵਾਲੀ ਪਹਿਲੀ ਅਤੇ ਇਕਲੌਤੀ ਟੀਮ ਬਣ ਗਈ ਹੈ। ਟੀਮ ਨੇ 978 ਵਨਡੇ ਖੇਡੇ ਹਨ ਜਿਸ ਵਿੱਚ 594 ਜਿੱਤ, 341 ਹਾਰ, 9 ਟਾਈ ਅਤੇ 34 ਕੋਈ ਨਤੀਜਾ ਨਹੀਂ ਨਿਕਲਿਆ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
