ਹਿਰੋਸ਼ਿਮਾ ਫਾਈਨਲਜ਼ ਲਈ ਭਾਰਤੀ ਮਹਿਲਾ ਟੀਮ ਦਾ ਐਲਾਨ
05/29/2019 5:40:07 PM
ਨਵੀਂ ਦਿੱਲੀ : ਹਾਕੀ ਇੰਡੀਆ (ਐੱਚ. ਆਈ) ਨੇ ਬੁੱਧਵਾਰ ਨੂੰ ਐੱਫ. ਆਈ. ਐੱਚ. ਮਹਿਲਾ ਸੀਰੀਜ਼ ਫਾਈਨਲਜ਼ ਹਿਰੋਸ਼ਿਮਾ-2019 ਲਈ ਭਾਰਤੀ ਮਹਿਲਾ ਟੀਮ ਐਲਾਨ ਕਰ ਦਿੱਤੀ ਜਿਸ ਦੀ ਕਪਤਾਨੀ ਰਾਣੀ ਨੂੰ ਸੌਂਪੀ ਗਈ ਹੈ ਜਦ ਕਿ ਉਪ ਕਪਤਾਨ ਦੀ ਭੂਮਿਕਾ 'ਚ ਸਵਿਤਾ ਹੋਣਗੀਆਂ। ਗਰੁੱਪ ਏ 'ਚ ਭਾਰਤ ਤੋਂ ਇਲਾਵਾ ਪੋਲੈਂਡ, ਉਰੂਗਵੇ ਤੇ ਫਿਜੀ ਹਨ ਜਦ ਕਿ ਗਰੁੱਪ ਬੀ 'ਚ ਜਾਪਾਨ, ਚਿੱਲੀ, ਰੂਸ ਤੇ ਮੈਕਸੀਕੋ ਸ਼ਾਮਲ ਹੈ।
ਭਾਰਤ ਆਪਣੇ ਅਭਿਆਨ ਦੀ ਸ਼ੁਰੂਆਤ ਉਰੂਗਵੇ ਦੇ ਨਾਲ ਖੇਡ ਕੇ ਸ਼ੁਰੂ ਕਰੇਗਾ। ਟੀਮ 'ਚ ਖ਼ੁਰਾਂਟ ਗੋਲਕੀਪਰ ਸਵਿਤਾ ਤੇ ਰਜਨੀ ਇਤੀਮਾਰੁ ਨੂੰ ਲਿਆ ਗਿਆ ਹੈ ਜਦ ਕਿ ਡਿਫੈਂਡਰ 'ਚ ਦੀਪ ਗਰੇਸ ਏਕਾ, ਨਿਸ਼ਾ, ਗੁਰਜੀਤ ਕੌਰ, ਸਲੀਮਾ ਟੇਟੇ ਤੇ ਸੁਨਿਤਾ ਲਾਕੜਾ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਮਿਡਫੀਲਡਰਸ 'ਚ ਮੋਨੀਕਾ, ਨਿਕੀ ਪ੍ਰਧਾਨ, ਲਿਲਿਮਾ ਮਿੰਜ, ਨੇਹਾ ਗੋਇਲ ਤੇ ਸੁਸ਼ੀਲਾ ਚਾਨੁ ਪੁਖਰੰਬਮ ਨੂੰ ਟੀਮ 'ਚ ਜਗ੍ਹਾ ਦਿੱਤੀ ਗਈ ਹੈ ਤੇ ਰਾਣੀ, ਵੰਦਨਾ ਕਟਾਰਿਆ, ਨਵਜੌਤ ਕੌਰ, ਨਵਨੀਤ ਕੌਰ ਤੇ ਲਾਲਰੇਮਸਿਆਮੀ ਤੇ ਜੋਤੀ ਨੂੰ ਫਾਰਵਡਰ ਲਾਈਨ ਲਈ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।
ਭਾਰਤੀ ਮਹਿਲਾ ਟੀਮ ਦੇ ਮੁੱਖ ਕੋਚ ਸ਼ੁਅਡਰ ਮਰੀਨੇ ਨੇ ਕਿਹਾ, 'ਇਹ ਟੀਮ ਖ਼ੁਰਾਂਟ ਤੇ ਜਵਾਨ ਖਿਡਾਰੀਆਂ ਦੀ ਟੀਮ ਹੈ ਜਿਸ ਦੇ ਨਾਲ ਇਹ ਬੇਹੱਦ ਸੰਤੁਲਿਤ ਹੈ। ਮਿਡਫੀਲਡ 'ਚ ਨਿਸ਼ਾ ਨੇ ਜਖਮੀ ਰੀਨਾ ਖੋਕਰ ਦੀ ਜਗ੍ਹਾ ਲਈ ਹੈ। ਉਨ੍ਹਾਂ ਨੇ ਅਭਿਆਸ ਦੇ ਸਮੇਂ ਵਿਖਾਇਆ ਕਿ ਉਹ ਇਸ ਸਥਾਨ 'ਚ ਫਿੱਟ ਬੈਠਦੀ ਹੈ।
