ਵਾਰਨਰ ਸ਼ੁਰੂ ਤੋਂ ਹੀ ਮਜ਼ਬੂਤ ਇਰਾਦਿਆਂ ਵਾਲਾ ਵਿਅਕਤੀ ਸੀ : ਕਲਾਰਕ

ਸਿਡਨੀ : ਸਾਬਕਾ ਕਪਤਾਨ ਮਾਈਕਲ ਕਲਾਰਕ ਦਾ ਮੰਨਣਾ ਹੈ ਕਿ ਡੇਵਿਡ ਵਾਰਨਰ ਦੀ ਅਸਾਧਾਰਨ ਪ੍ਰਤਿਭਾ ਦੇ ਕਾਰਨ ਹੀ ਇਹ ਯਕੀਨੀ ਬਣਿਆ ਹੈ ਕਿ ਮੈਦਾਨ ਦੇ ਬਾਹਰ ਕੁਝ ਮੁੱਦਿਆਂ ਦੇ ਬਾਵਜੂਦ ਇਸ ਵਿਸਫੋਟਕ ਸਲਾਮੀ ਬੱਲੇਬਾਜ਼ ਦਾ ਕ੍ਰਿਕਟ ਆਸਟਰੇਲੀਆ ਨਾਲ ਕਰਾਰ ਖਤਮ ਨਹੀਂ ਹੋਵੇ। 37 ਸਾਲਾ ਵਾਰਨਰ ਪਾਕਿਸਤਾਨ ਖਿਲਾਫ ਬੁੱਧਵਾਰ ਤੋਂ ਸ਼ੁਰੂ ਹੋਣ ਵਾਲੇ ਤੀਜੇ ਟੈਸਟ ਮੈਚ ਤੋਂ ਬਾਅਦ ਇਸ ਫਾਰਮੈਟ ਤੋਂ ਸੰਨਿਆਸ ਲੈ ਲੈਣਗੇ।

ਇਹ ਵੀ ਪੜ੍ਹੋ : ਸੰਜੂ ਸੈਮਸਨ ਨੇ ਪੈਵੇਲੀਅਨ ਦੀ 'ਛੱਤ' 'ਤੇ ਮਾਰਿਆ ਜ਼ਬਰਦਸਤ ਛੱਕਾ, RR ਨੇ ਸ਼ੇਅਰ ਕੀਤੀ ਵੀਡੀਓ

ਉਹ ਆਪਣੇ ਕਰੀਅਰ ਦੌਰਾਨ ਵਿਵਾਦਾਂ ਨਾਲ ਵੀ ਜੁੜਿਆ ਰਿਹਾ ਹੈ, ਜਿਸ ਵਿੱਚ 2018 ਵਿੱਚ ਦੱਖਣੀ ਅਫ਼ਰੀਕਾ ਖ਼ਿਲਾਫ਼ ਮੈਚ ਵਿੱਚ ਗੇਂਦ ਨਾਲ ਛੇੜਛਾੜ ਵੀ ਸ਼ਾਮਲ ਹੈ। ਕਲਾਰਕ ਨੇ ਕਿਹਾ, ‘ਡੇਵੀ (ਵਾਰਨਰ) ਸ਼ੁਰੂ ਤੋਂ ਹੀ ਮਜ਼ਬੂਤ ਇੱਛਾ ਸ਼ਕਤੀ ਵਾਲਾ ਵਿਅਕਤੀ ਸੀ। ਮੈਨੂੰ ਟੀਮ ਵਿੱਚ ਉਸ ਵਰਗਾ ਦ੍ਰਿੜ ਇਰਾਦਾ ਅਤੇ ਹਮਲਾਵਰ ਰਵੱਈਆ ਵਾਲਾ ਖਿਡਾਰੀ ਪਸੰਦ ਸੀ। ਪਰ ਮੈਦਾਨ ਦੇ ਬਾਹਰ ਵੀ ਉਸਦਾ ਰਵੱਈਆ ਅਜਿਹਾ ਹੀ ਸੀ ਜਿਸ ਕਾਰਨ ਉਹ ਮੁਸੀਬਤ ਵਿੱਚ ਫਸ ਗਿਆ।

ਇਹ ਵੀ ਪੜ੍ਹੋ : SA v IND, 3rd Test : ਸੀਰੀਜ਼ ਬਚਾਉਣ ਉਤਰੇਗਾ ਭਾਰਤ, ਗੇਂਦਬਾਜ਼ਾਂ ਤੋਂ ਬਿਹਤਰ ਪ੍ਰਦਰਸ਼ਨ ਦੀ ਉਮੀਦ

ਕਲਾਰਕ ਆਸਟਰੇਲੀਆ ਦਾ ਕਪਤਾਨ ਸੀ ਜਦੋਂ ਵਾਰਨਰ ਨੂੰ 2013 ਵਿੱਚ ਬਰਮਿੰਘਮ ਦੇ ਇੱਕ ਬਾਰ ਵਿੱਚ ਜੋ ਰੂਟ ਨਾਲ ਝਗੜੇ ਕਾਰਨ ਮੁਅੱਤਲ ਕਰ ਦਿੱਤਾ ਗਿਆ ਸੀ। ਇਸ ਕਾਰਨ ਵਾਰਨਰ ਉਸ ਸਾਲ ਏਸ਼ੇਜ਼ ਦੇ ਪਹਿਲੇ ਦੋ ਟੈਸਟ ਮੈਚ ਨਹੀਂ ਖੇਡ ਸਕੇ ਸਨ। ਕਲਾਰਕ ਨੇ ਕਿਹਾ, 'ਪਰ ਮੇਰਾ ਮੰਨਣਾ ਹੈ ਕਿ ਉਸ ਨੂੰ ਸੀਨੀਅਰ ਖਿਡਾਰੀਆਂ ਅਤੇ ਕ੍ਰਿਕਟ ਆਸਟ੍ਰੇਲੀਆ ਤੋਂ ਕਾਫੀ ਸਮਰਥਨ ਮਿਲਿਆ ਜਿਸ ਨਾਲ ਉਸ ਨੂੰ ਆਪਣਾ ਕਰਾਰ ਬਰਕਰਾਰ ਰੱਖਣ 'ਚ ਮਦਦ ਮਿਲੀ। ਸਾਨੂੰ ਉਸ ਨੂੰ ਟੀਮ ਵਿਚ ਰੱਖਣ ਲਈ ਥੋੜ੍ਹਾ ਸੰਘਰਸ਼ ਕਰਨਾ ਪਿਆ ਕਿਉਂਕਿ ਉਹ ਟੀਮ ਲਈ ਬਹੁਤ ਮਹੱਤਵਪੂਰਨ ਖਿਡਾਰੀ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।