US Open: 22 ਸਾਲ ਬਾਅਦ ਮਹਿਲਾ ਵਰਗ ’ਚ ਨਿਕਲਣਗੀਆਂ ਗੈਰ ਦਰਜਾ ਪ੍ਰਾਪਤ ਚੈਂਪੀਅਨ

ਨਿਊਯਾਰਕ- ਏਮਾ ਰਾਦੁਕਾਨੂ ਤੇ ਲੀਲਹ ਫਰਨਾਡੀਜ਼ ਨੇ ਆਪਣਾ ਚਮਤਕਾਰੀ ਪ੍ਰਦਰਸ਼ਨ ਜਾਰੀ ਰੱਖਦੇ ਹੋਏ ਯੂ. ਐੱਸ. ਓਪਨ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ ’ਚ ਪ੍ਰਵੇਸ਼ ਕਰ ਕੇ ਸੁਨਿਸ਼ਚਿਤ ਕਰ ਦਿੱਤਾ ਕਿ ਸਾਲ ਦੇ ਇਸ ਆਖਰੀ ਗ੍ਰੈਂਡ ਸਲੈਮ ਨੂੰ ਮਹਿਲਾ ਸਿੰਗਲ ’ਚ ਨਵੀਂ ਚੈਂਪੀਅਨ ਮਿਲੇਗੀ। ਹੁਣ ਇਹ ਦੋਵੇਂ ਸ਼ਨੀਵਾਰ ਨੂੰ ਆਰਥਰ ਏਸ ਸਟੇਡੀਅਮ ’ਚ ਖਿਤਾਬ ਲਈ ਆਹਮਣੇ-ਸਾਹਮਣੇ ਹੋਣਗੀਆਂ। ਦੋਵੇਂ ਲੜਕੀਆਂ ਹਨ। ਯੂ. ਐੱਸ. ਓਪਨ ’ਚ ਗੈਰ ਦਰਜਾ ਪ੍ਰਾਪਤ ਹਨ।

ਇਹ ਖ਼ਬਰ ਪੜ੍ਹੋ-ਟੀ20 ਵਿਸ਼ਵ ਕੱਪ 2021 ਲਈ ਵਿੰਡੀਜ਼ ਟੀਮ ਦਾ ਐਲਾਨ, ਇੰਨ੍ਹਾਂ ਖਿਡਾਰੀਆਂ ਨੂੰ ਮਿਲੀ ਜਗ੍ਹਾ

ਰਾਦੁਕਾਨੂ-ਫਰਨਾਡੀਜ਼ ਦਾ ਫਾਈਨਲ ਦਾ ਸਫਰ-
ਰਾਦੁਕਾਨੂ ਨੇ ਸੈਮੀਫਾਈਨਲ ’ਚ ਯੂਨਾਨ ਦੀਆਂ 17ਵੀਂ ਦਰਜਾ ਪ੍ਰਾਪਤ ਸਕਾਰੀ ਨੂੰ 6-1, 6-4 ਨਾਲ ਹਰਾਇਆ।

ਫਰਨਾਡੀਜ਼ ਨੇ ਦੂਜਾ ਦਰਜਾ ਪ੍ਰਾਪਤ ਆਰਿਆਨਾ ਸਬਾਲੇਂਕਾ ਨੂੰ 7-6 (3), 4-6, 6-4 ਨਾਲ ਹਰਾਇਆ।
ਇਸ ਲਈ ਖਾਸ : ਯੂ. ਐੱਸ. ਓਪਨ ’ਚ 1999 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ, ਜਦੋਂਕਿ 2 ਲੜਕੀਆਂ ਫਾਈਨਲ ’ਚ ਖੇਡਣਗੀਆਂ। ਉਦੋਂ 17 ਸਾਲ ਦੀ ਸੇਰੇਨਾ ਵਿਲੀਅਮਸ ਨੇ 18 ਸਾਲ ਦੀ ਮਾਰਟੀਨਾ ਹਿੰਗਿਸ ਨੂੰ ਹਰਾਇਆ ਸੀ।
ਜਹਾਜ਼ ਦਾ ਟਿਕਟ ਕਰਵਾ ਚੁੱਕੀ ਸੀ ਰਾਦੁਕਾਨੂ-

ਰਾਦੁਕਾਨੂ ਪੇਸ਼ੇਵਰ ਯੁੱਗ ’ਚ ਗ੍ਰੈਂਡ ਸਲੈਮ ਫਾਈਨਲ ’ਚ ਪੁੱਜਣ ਵਾਲੀ ਪਹਿਲੀ ਕੁਆਲੀਫਾਇਰ ਹੈ। ਰਾਦੁਕਾਨੂ ਨੇ ਟੂਰਨਾਮੈਂਟ ’ਚ ਆਪਣੇ ਸਾਰੇ 18 ਸੈੱਟ ਜਿੱਤੇ ਹਨ। ਰਾਦੁਕਾਨੂ ਨੂੰ ਤਾਂ ਮੁੱਖ ਡਰਾਅ ’ਚ ਪੁੱਜਣ ਦੀ ਵੀ ਉਮੀਦ ਨਹੀਂ ਸੀ ਅਤੇ ਉਨ੍ਹਾਂ ਨੇ ਆਪਣੇ ਲਈ ਜਹਾਜ਼ ਦਾ ਟਿਕਟ ਵੀ ਖਰੀਦ ਰੱਖਿਆ ਸੀ ਤਾਂਕਿ ਉਨ੍ਹਾਂ ਨੂੰ ਕੁਆਲੀਫਾਇੰਗ ਤੋਂ ਬਾਅਦ ਨਿਊਯਾਰਕ ’ਚ ਨਾ ਰੁਕਣਾ ਪਵੇ ਪਰ ਹੁਣ ਉਹ ਫਾਈਨਲ ’ਚ ਹਨ, ਜਿਸ ’ਤੇ ਉਨ੍ਹਾਂ ਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਹੈ।

ਇਹ ਖ਼ਬਰ ਪੜ੍ਹੋ- ਟੈਸਟ ਮੈਚ ਰੱਦ ਹੋਣ 'ਤੇ ਸਾਬਕਾ ਖਿਡਾਰੀ ਬੋਲੇ- ਸ਼ਾਨਦਾਰ ਸੀਰੀਜ਼ ਦਾ ਇਸ ਸਥਿਤੀ 'ਚ ਆਉਣਾ ਨਿਰਾਸ਼ਾਜਨਕ
ਨਾਓਮੀ ਓਸਾਕਾ ਨੂੰ ਹਰਾ ਚੁੱਕੀ ਹੈ ਫਰਨਾਡੀਜ਼-

ਫਰਨਾਡੀਜ਼ ਨੇ ਹਰ ਮੈਚ ’ਚ ਜਿੱਤ ਦਾ ਜਜ਼ਬਾ ਵਿਖਾਇਆ। ਵਿਸ਼ਵ ’ਚ 73ਵੀਂ ਰੈਂਕਿੰਗ ਦੀ ਫਰਨਾਡੀਜ਼ ਨੇ ਦਰਜਾ ਪ੍ਰਾਪਤ ਖਿਡਾਰੀਆਂ ਖਿਲਾਫ ਲਗਾਤਾਰ ’ਚ ਤਿੰਨ ਸੈੱਟਾਂ ’ਚ ਜਿੱਤ ਦਰਜ ਕੀਤੀ। ਉਨ੍ਹਾਂ ਨੇ 2018 ਅਤੇ 2020 ਦੀ ਚੈਂਪੀਅਨ ਨਾਓਮੀ ਓਸਾਕਾ, 2016 ਦੀ ਚੈਂਪੀਅਨ 16ਵੀਂ ਦਰਜਾ ਏਂਜੇਲਿਕ ਕਰਬਰ ਅਤੇ ਫਿਰ ਪੰਜਵੀਂ ਦਰਜਾ ਪ੍ਰਾਪਤ ਇਲਿਨਾ ਸਵਿਤੋਲਿਨਾ ਅਤੇ ਹੁਣ ਸਬਾਲੇਂਕਾ ਨੂੰ ਹਰਾਇਆ।
ਦੋਵਾਂ ’ਚ ਹਨ ਅਸਮਾਨਤਾਵਾਂ :-
 ਬ੍ਰਿਟੇਨ ਦੀ 18 ਸਾਲਾ ਕੁਆਲੀਫਾਇਰ ਰਾਦੁਕਾਨੂ ਅਤੇ ਕੈਨੇਡਾ ਦੀ 19 ਸਾਲਾ ਗੈਰ ਦਰਜਾ ਪ੍ਰਾਪਤ ਫਰਨਾਡੀਜ਼ ’ਚ ਕਈ ਅਸਮਾਨਤਾਵਾਂ ਹਨ। ਉਹ ਤੇਜ਼ ਅਤੇ ਚਾਲਾਕ ਹੈ। ਉਹ ਮੁਸ਼ਕਲ ਸ਼ਾਟ ਨੂੰ ਵੀ ਆਸਾਨੀ ਨਾਲ ਦੂਜੇ ਪਾਰ ਪਹੁੰਚਾਉਣ ’ਚ ਸਮਰਥ ਹੈ। ਉਹ ਆਪਣੀ ਜ਼ਿਆਦਾ ਮਸ਼ਹੂਰ ਅਤੇ ਤਜ਼ਰਬੇਕਾਰ ਵਿਰੋਧੀ ਦੀ ਪ੍ਰਵਾਹ ਨਹੀਂ ਕਰਦੀਆਂ ਹੈ। ਯੂ. ਐੱਸ. ਓਪਨ ’ਚ ਦਰਸ਼ਕਾਂ ਦਾ ਉਨ੍ਹਾਂ ਨੂੰ ਬੇਹੱਦ ਸਮਰਥਨ ਮਿਲ ਰਿਹਾ ਹੈ ਅਤੇ ਉਹ ਪਹਿਲੀ ਵਾਰ ਕਿਸੇ ਗ੍ਰੈਂਡ ਸਲੈਮ ਦੇ ਫਾਈਨਲ ’ਚ ਪਹੁੰਚੀ ਹੈ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।