FIH ਸੀਰੀਜ਼ ਲਈ ਭੁਵਨੇਸ਼ਵਰ ਪਹੁੰਚੀਆਂ ਪੋਲੈਂਡ ਅਤੇ ਰੂਸ ਦੀਆਂ ਟੀਮਾਂ

ਭੁਵਨੇਸ਼ਵਰ— ਉੜੀਸਾ ਦੀ ਰਾਜਧਾਨੀ ਭੁਵਨੇਸ਼ਵਰ 'ਚ ਹੋਣ ਵਾਲੇ ਐੱਫ.ਆਈ.ਐੱਚ. ਸੀਰੀਜ਼ ਫਾਈਨਲਸ ਲਈ ਪੋਲੈਂਡ ਅਤੇ ਰੂਸ ਦੀਆਂ ਪੁਰਸ਼ ਹਾਕੀ ਟੀਮਾਂ ਸ਼ੁੱਕਰਵਾਰ ਨੂੰ ਭੁਵਨੇਸ਼ਵਰ ਪਹੁੰਚ ਗਈਆਂ। ਐੱਫ.ਆਈ.ਐੱਚ. ਪੁਰਸ਼ ਸੀਰੀਜ਼ ਫਾਈਨਲਸ 6 ਜੂਨ ਨੂੰ ਕਲਿੰਗਾ ਹਾਕੀ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਇਸ ਟੂਰਨਾਮੈਂਟ 'ਚ ਸਾਰੀਆਂ ਟੀਮਾਂ ਦੀਆਂ ਨਜ਼ਰਾਂ 2020 'ਚ ਹੋਣ ਵਾਲੇ ਟੋਕੀਓ ਓਲੰਪਿਕ ਕੁਆਲੀਫਿਕੇਸ਼ਨ ਦੇ ਰਾਊਂਡ 'ਚ ਜਗ੍ਹਾ ਬਣਾਉਣ 'ਤੇ ਹੋਵੇਗੀ। ਪੋਲੈਂਡ ਅਤੇ ਰੂਸ ਦੀਆਂ ਟੀਮਾਂ ਗਰੁੱਪ ਏ 'ਚ ਭਾਰਤ ਅਤੇ ਉਜ਼ਬੇਕਿਸਤਾਨ ਦੇ ਨਾਲ ਸ਼ਾਮਲ ਹਨ। ਇਸ ਵਿਚਾਲੇ ਦੋਹਾਂ ਹੀ ਟੀਮਾਂ ਨੂੰ ਉਮੀਦ ਹੈ ਕਿ ਉਹ ਗਰੁੱਪ ਏ ਦੀ ਸਕੋਰ ਬੋਰਡ 'ਚ ਚੋਟੀ ਦੇ 2 'ਚ ਰਹਿਣਗੀਆਂ।