ਵਿਆਹ ਤੋਂ 7 ਸਾਲ ਪਹਿਲਾਂ ਹੀ ''34 ਬੱਚਿਆਂ ਦੀ ਮਾਂ'' ਬਣੀ ਇਹ ਅਦਾਕਾਰਾ, ''ਪੰਜਾਬ ਕਿੰਗਜ਼'' ਨਾਲ ਹੈ ਖਾਸ ਕਨੈਕਸ਼ਨ
Tuesday, Jun 03, 2025 - 11:41 AM (IST)

ਮੁੰਬਈ- ਬਾਲੀਵੁੱਡ ਦੀ ਮਸ਼ਹੂਰ ਅਤੇ ਹਰ ਦਿਲ ਅਜ਼ੀਜ਼ ਅਦਾਕਾਰਾ ਪ੍ਰੀਤੀ ਜਿੰਟਾ ਇੱਕ ਵਾਰ ਫਿਰ ਚਰਚਾ 'ਚ ਆ ਗਈ ਹਨ। ਜਿੱਥੇ ਉਹ ਆਖ਼ਰੀ ਵਾਰ 2018 ਵਿੱਚ ਫਿਲਮਾਂ ਵਿੱਚ ਨਜ਼ਰ ਆਈ ਸੀ, ਉੱਥੇ ਹੁਣ ਉਹ ਆਪਣੀ IPL ਟੀਮ "ਪੰਜਾਬ ਕਿੰਗਜ਼" ਦੇ 2025 ਦੇ ਫਾਈਨਲ ਵਿੱਚ ਪਹੁੰਚਣ ਕਰਕੇ ਸੁਰਖੀਆਂ ਬਟੋਰ ਰਹੀ ਹੈ।
ਫਿਲਮੀ ਕਰੀਅਰ ਦੀ ਸ਼ੁਰੂਆਤ
ਪ੍ਰੀਤੀ ਨੇ 1998 ਵਿੱਚ ਸ਼ਾਹਰੁਖ ਖਾਨ ਦੀ ਫਿਲਮ "ਦਿਲ ਸੇ" ਰਾਹੀਂ ਸਿਨੇਮਾ ਦੀ ਦੁਨੀਆ ਵਿੱਚ ਕਦਮ ਰੱਖਿਆ ਸੀ। ਇੱਥੇ ਉਨ੍ਹਾਂ ਦਾ ਰੋਲ ਛੋਟਾ ਸੀ, ਪਰ ਪ੍ਰਭਾਵਸ਼ਾਲੀ। ਇਸ ਤੋਂ ਬਾਅਦ ਉਹ ਫਿਲਮ "ਕਿਆ ਕਹਿਨਾ" ਵਿਚ ਨਜ਼ਰ ਆਈ ਅਤੇ ਕਈ ਹੋਰ ਵੀ ਹਿੱਟ ਫਿਲਮਾਂ ਦਿੱਤੀਆਂ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਪ੍ਰਸਿੱਧੀ ਦਿਵਾਈ। ਉਹ ਆਪਣੇ ਮੁਸਕਾਨ ਭਰੇ ਚਿਹਰੇ ਅਤੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ।
ਨਿੱਜੀ ਜ਼ਿੰਦਗੀ
ਸਾਲ 2009 ਵਿੱਚ ਜਦੋਂ ਉਹ ਆਪਣਾ 34ਵਾਂ ਜਨਮਦਿਨ ਮਨਾ ਰਹੀ ਸੀ, ਉਦੋਂ ਉਨ੍ਹਾਂ ਨੇ 34 ਅਨਾਥ ਲੜਕੀਆਂ ਨੂੰ ਗੋਦ ਲੈ ਕੇ ਇਸ ਦਿਨ ਨੂੰ ਖ਼ਾਸ ਬਣਾ ਦਿੱਤਾ। ਉਹਨਾਂ ਨੇ ਐਲਾਨ ਕੀਤਾ ਸੀ ਕਿ ਉਹ ਸਾਲ ਵਿੱਚ 2 ਵਾਰੀ ਰਿਸ਼ਿਕੇਸ਼ ਆ ਕੇ ਇਨ੍ਹਾਂ ਬੱਚਿਆਂ ਨੂੰ ਮਿਲੇਗੀ। ਫਿਰ ਸਾਲ 2016 ਵਿੱਚ ਪ੍ਰੀਤੀ ਨੇ ਵਿਆਹ ਕਰਕੇ ਆਪਣੀ ਜ਼ਿੰਦਗੀ ਨੂੰ ਨਵੀਂ ਦਿਸ਼ਾ ਦਿੱਤੀ ਅਤੇ ਸਾਲ 2021 ਵਿੱਚ ਉਨ੍ਹਾਂ ਨੇ ਸਰੋਗੇਸੀ ਰਾਹੀਂ 2 ਬੱਚਿਆਂ – ਜੈ ਅਤੇ ਜੀਆ – ਨੂੰ ਜਨਮ ਦਿੱਤਾ।
IPL 2025 ‘ਚ ਪ੍ਰੀਤੀ ਦੀ ਟੀਮ
ਪ੍ਰੀਤੀ ਦੀ IPL ਟੀਮ "ਪੰਜਾਬ ਕਿੰਗਜ਼" ਨੇ 2025 ਦੇ ਫਾਈਨਲ 'ਚ ਪਹੁੰਚ ਕੇ ਇਤਿਹਾਸ ਰਚਿਆ ਹੈ। ਟੀਮ ਦੇ ਕਪਤਾਨ ਭਾਰਤੀ ਕ੍ਰਿਕਟਰ ਸ਼੍ਰੇਯਸ ਅਈਆਰ ਹਨ। ਇਸ ਸਫਲਤਾ ਨੇ ਪ੍ਰੀਤੀ ਨੂੰ ਮੁੜ ਚਰਚਾ ਵਿਚ ਲਿਆ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8