IPL 2026 : ਸਿਰਫ 7 ਦੌੜਾਂ 'ਤੇ ਅੱਧੀ ਟੀਮ OUT! ਦਿੱਲੀ ਕੈਪੀਟਲਸ ਦੀ ਹਾਲਤ ਖਰਾਬ

ਨਵੀਂ ਦਿੱਲੀ: ਆਈਪੀਐਲ 2026 ਦੇ 39ਵੇਂ ਮੈਚ ਵਿੱਚ ਅੱਜ ਦਿੱਲੀ ਕੈਪੀਟਲਸ (DC) ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਵਿਚਾਲੇ ਖੇਡੇ ਜਾ ਰਹੇ ਮੁਕਾਬਲੇ ਵਿੱਚ ਦਿੱਲੀ ਦੀ ਹਾਲਤ ਬੇਹੱਦ ਨਾਜ਼ੁਕ ਬਣੀ ਹੋਈ ਹੈ। ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਖੇਡੇ ਜਾ ਰਹੇ ਇਸ ਹਾਈ-ਵੋਲਟੇਜ ਮੁਕਾਬਲੇ ਵਿੱਚ ਦਿੱਲੀ ਦੀ ਪਾਰੀ ਦਾ ਆਗਾਜ਼ ਬਹੁਤ ਹੀ ਖ਼ਰਾਬ ਰਿਹਾ ਅਤੇ ਸਿਰਫ 7 ਦੌੜਾਂ ਦੇ ਸਕੋਰ 'ਤੇ ਉਸਦੀ ਅੱਧੀ ਤੋਂ ਜ਼ਿਆਦਾ ਟੀਮ (6 ਵਿਕਟਾਂ) ਪੈਵੇਲੀਅਨ ਪਰਤ ਚੁੱਕੀ ਹੈ।

ਬੈਂਗਲੁਰੂ ਨੇ ਜਿੱਤਿਆ ਟਾਸ
 ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਕਪਤਾਨ ਰਜਤ ਪਾਟੀਦਾਰ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਦਿੱਲੀ ਨੂੰ ਬੱਲੇਬਾਜ਼ੀ ਦਾ ਸੱਦਾ ਦਿੱਤਾ। RCB ਦੀ ਟੀਮ ਵਿੱਚ ਅੱਜ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ, ਜਦਕਿ ਅਕਸ਼ਰ ਪਟੇਲ ਦੀ ਅਗਵਾਈ ਵਾਲੀ ਦਿੱਲੀ ਕੈਪੀਟਲਸ ਦੀ ਟੀਮ ਵਿੱਚ 3 ਵੱਡੇ ਬਦਲਾਅ ਕੀਤੇ ਗਏ ਹਨ। ਦਿੱਲੀ ਵੱਲੋਂ ਅੱਜ ਸਾਹਿਲ ਪਾਰਖ, ਕਾਇਲ ਜੈਮੀਸਨ ਅਤੇ ਦੁਸ਼ਮੰਥਾ ਚਮੀਰਾ ਖੇਡ ਰਹੇ ਹਨ, ਜਦਕਿ ਲੁੰਗੀ ਐਂਗਿਡੀ, ਮੁਕੇਸ਼ ਕੁਮਾਰ ਅਤੇ ਪਥੁਮ ਨਿਸਾਂਕਾ ਅੱਜ ਦੇ ਮੈਚ ਦਾ ਹਿੱਸਾ ਨਹੀਂ ਹਨ।

ਅੰਕੜਿਆਂ ਵਿੱਚ RCB ਦਾ ਦਬਦਬਾ 
ਜੇਕਰ ਇਤਿਹਾਸਕ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ ਕੁੱਲ 34 ਮੁਕਾਬਲੇ ਹੋਏ ਹਨ। ਇਨ੍ਹਾਂ ਵਿੱਚੋਂ ਬੈਂਗਲੁਰੂ ਨੇ 20 ਮੈਚਾਂ ਵਿੱਚ ਜਿੱਤ ਦਰਜ ਕੀਤੀ ਹੈ, ਜਦਕਿ ਦਿੱਲੀ ਦੇ ਹਿੱਸੇ ਸਿਰਫ 13 ਜਿੱਤਾਂ ਆਈਆਂ ਹਨ। ਅੱਜ ਦੇ ਮੈਚ ਦੀ ਸ਼ੁਰੂਆਤ ਨੂੰ ਦੇਖਦੇ ਹੋਏ RCB ਦਾ ਪਲੜਾ ਕਾਫੀ ਭਾਰੀ ਨਜ਼ਰ ਆ ਰਿਹਾ ਹੈ,।

ਦਿੱਲੀ ਕੈਪੀਟਲਸ ਪਲੇਇੰਗ ਇਲੈਵਨ: ਸਾਹਿਲ ਪਾਰਖ, ਕੇਐਲ ਰਾਹੁਲ, ਨਿਤੀਸ਼ ਰਾਣਾ, ਸਮੀਰ ਰਿਜ਼ਵੀ, ਟ੍ਰਿਸਟਨ ਸਟੱਬਸ, ਡੇਵਿਡ ਮਿਲਰ, ਅਕਸ਼ਰ ਪਟੇਲ (ਕਪਤਾਨ), ਦੁਸ਼ਮੰਥਾ ਚਮੀਰਾ, ਕੁਲਦੀਪ ਯਾਦਵ, ਟੀ ਨਟਰਾਜਨ, ਕਾਇਲ ਜੈਮੀਸਨ।
ਬੈਂਗਲੁਰੂ ਪਲੇਇੰਗ ਇਲੈਵਨ: ਵਿਰਾਟ ਕੋਹਲੀ, ਦੇਵਦੱਤ ਪਡਿੱਕਲ, ਰਜਤ ਪਾਟੀਦਾਰ (ਕਪਤਾਨ), ਜਿਤੇਸ਼ ਸ਼ਰਮਾ, ਟਿਮ ਡੇਵਿਡ, ਰੋਮਾਰੀਓ ਸ਼ੈਫਰਡ, ਕਰੁਣਾਲ ਪੰਡਯਾ, ਭੁਵਨੇਸ਼ਵਰ ਕੁਮਾਰ, ਜੋਸ਼ ਹੇਜ਼ਲਵੁੱਡ, ਸੁਯਸ਼ ਸ਼ਰਮਾ, ਰਸਿਖ ਸਲਾਮ ਡਾਰ।