ਕੋਹਲੀ ਦੇ ਪਿਤਾ ਬਣਨ ਦੀ ਖਬਰ ਸੀ ਝੂਠੀ, ਅਨੁਸ਼ਕਾ ਨੂੰ ਹੈ ਇਹ ਬੀਮਾਰੀ

ਨਵੀਂ ਦਿੱਲੀ— ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਬੀਤੇ ਦਿਨੀਂ ਮੁੰਬਈ 'ਚ ਇਕ ਡਾਕਟਰ ਕੋਲ ਜਾਂਦੀ ਦੇਖੀ ਗਈ ਸੀ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਚਰਚਾ ਹੋਣ ਲੱਗੀ ਕਿ ਸ਼ਾਇਦ ਅਨੁਸ਼ਕਾ ਸ਼ਰਮਾ ਗਰਭਵਤੀ ਹੈ ਪਰ ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਅਨੁਸ਼ਕਾ ਡਾਕਟਰ ਦੇ ਕੋਲ ਆਪਣੀ ਪ੍ਰੇਗਨੈਂਸੀ ਰਿਪੋਰਟ ਦੇ ਲਈ ਨਹੀਂ ਬਲਕਿ ਕਮਰ ਦਰਦ ਦਾ ਇਲਾਜ਼ ਕਰਵਾਉਣ ਗਈ ਸੀ।

ਦੱਸਿਆ ਜਾਂਦਾ ਹੈ ਕਿ ਅਨੁਸ਼ਕਾ ਬਲਿਜੰਗ ਡਿਸਕ ਦੀ ਬੀਮਾਰੀ ਨਾਲ ਲੜ ਰਹੀ ਹੈ। ਇਹ ਬੀਮਾਰੀ ਕਾਫੀ ਦੇਰ ਤਕ ਬੈਠਣ ਵਾਲੇ ਲੋਕਾਂ 'ਚ ਹੁੰਦੀ ਹੈ। ਇਸ ਬੀਮਾਰੀ 'ਚ ਪਿੱਠ ਤੇ ਕਮਰ 'ਚ ਤੇਜ਼ ਦਰਦ ਹੁੰਦਾ ਹੈ। ਪਿੱਠ ਦੀ ਹੱਡੀ ਨਾਲ ਜੁੜੀ ਇਸ ਸਮੱਸਿਆ ਦੇ ਕਾਰਨ ਹੀ ਅਨੁਸ਼ਕਾ ਫਿਜ਼ੀਓਥੈਰੇਪਿਸਟ ਨਾਲ ਇਲਾਜ ਕਰਵਾ ਰਹੀ ਹੈ।

ਜ਼ਿਕਰਯੋਗ ਹੈ ਕਿ ਮੁੰਬਈ ਦੀ ਇਕ ਅਖਬਾਰ ਨੇ ਅਨੁਸ਼ਕਾ ਦੀ ਇਕ ਡਾਕਟਰ ਦੇ ਕਲੀਨਿਕ ਜਾਂਦੀ ਦੀ ਤਸਵੀਰ ਲੱਗੀ ਸੀ। ਇਸ ਤੋਂ ਅੰਦਾਜ਼ਾ ਲਗਾਇਆ ਸੀ ਕਿ ਅਨੁਸ਼ਕਾ ਗਰਭਵਤੀ ਹੈ ਪਰ ਹੁਣ ਇਹ ਖਬਰ ਗੱਲਤ ਹੈ। ਹੁਣ ਅੰਦਾਜ਼ਾ ਹੈ ਕਿ ਅਨੁਸ਼ਕਾ ਜਲਦ ਹੀ ਵਿਸ਼ਵ ਕੱਪ ਦੇਖਣ ਤੇ ਕਪਤਾਨ ਪਤੀ ਦਾ ਹੌਸਲਾ ਵਧਾਉਣ ਦੇ ਲਈ ਇੰਗਲੈਂਡ ਰਵਾਨਾ ਹੋਵੇਗੀ।