ਬਤੌਰ ਕਪਤਾਨ ਕੋਹਲੀ ਦਾ ਨਵਾਂ ਕਰਿਸ਼ਮਾ, ਤੋੜਿਆ ਗਾਂਗੁਲੀ ਦਾ ਵੱਡਾ ਰਿਕਾਰਡ

ਜਲੰਧਰ— ਭਾਰਤੀ ਕ੍ਰਿਕਟ ਟੀਮ ਨੂੰ ਨਾਟਿੰਘਮ 'ਚ ਮਿਲੀ ਤੀਜੇ ਟੈਸਟ ਮੈਚ 'ਚ ਜਿੱਤ ਤੋਂ ਬਾਅਦ ਹੀ ਕਪਤਾਨ ਵਿਰਾਟ ਕੋਹਲੀ ਨੇ ਇਕ ਨਵਾਂ ਕਰਿਸ਼ਮਾ ਕਰ ਦਿਖਾਇਆ। ਕੋਹਲੀ ਨੇ ਬਤੌਰ ਕਪਤਾਨ ਸਭ ਤੋਂ ਜ਼ਿਆਦਾ ਮੈਚ ਜਿੱਤਣ ਵਾਲੇ ਭਾਰਤ ਦੇ ਦੂਜੇ ਸਫਲ ਕਪਤਾਨ ਬਣ ਗਏ ਹਨ।

ਤੋੜਿਆ ਗਾਂਗੁਲੀ ਦਾ ਰਿਕਾਰਡ
ਟੀਮ ਨੂੰ ਬਤੌਰ ਕਪਤਾਨ ਸਭ ਤੋਂ ਜ਼ਿਆਦਾ ਮੈਚ ਜਿੱਤਾਉਣ ਦੇ ਮਾਮਲੇ 'ਚ ਕੋਹਲੀ ਨੇ ਸੌਰਵ ਗਾਂਗੁਲੀ ਦਾ ਰਿਕਾਰਡ ਤੋੜ ਦਿੱਤਾ। ਗਾਂਗੁਲੀ ਨੇ 49 ਮੈਚਾਂ ਦੀ ਕਪਤਾਨੀ ਕਰਦੇ ਹੋਏ ਭਾਰਤ ਨੂੰ 21 ਜਿੱਤਾਂ ਹਾਸਲ ਕਰਵਾਈਆਂ। ਵਿਰਾਟ ਕੋਹਲੀ ਨੇ ਸਿਰਫ 38 ਮੈਚਾਂ 'ਚ ਹੀ ਭਾਰਤ ਨੂੰ 22 ਮੈਚਾਂ 'ਚ ਜਿੱਤ ਹਾਸਲ ਕਰਵਾ ਦਿੱਤੀ। ਇਸ ਮਾਮਲੇ 'ਚ ਪਹਿਲਾਂ ਮਹਿੰਦਰ ਸਿੰਘ ਧੋਨੀ ਦਾ ਨਾਂ ਆਉਂਦਾ ਹੈ। ਧੋਨੀ ਨੇ 60 ਮੈਚਾਂ 'ਚ 27 ਮੈਚਾਂ ਆਪਣੀ ਕਪਤਾਨੀ 'ਚ ਭਾਰਤ ਨੂੰ ਜਿੱਤਾਏ ਸਨ।

ਰਿਚਡਰਸਨ ਤੇ ਟੇਲਰ ਨੂੰ ਵੀ ਛੱਡਿਆ ਪਿੱਛੇ
ਇਕ ਕਪਤਾਨ ਦੇ ਰੂਪ 'ਚ ਕੋਹਲੀ ਨੇ ਵਿੰਡੀਜ਼ ਦੇ ਵਿਵ ਰਿਚਡਰਸਨ ਤੇ ਆਸਟਰੇਲੀਆ ਦੇ ਮਾਰਕ ਟੇਲਰ ਨੂੰ ਵੀ ਪਿੱਛੇ ਛੱਡਾ ਦਿੱਤਾ ਹੈ। ਕੋਹਲੀ 28 ਮੈਚਾਂ 'ਚ ਸਭ ਤੋਂ ਜ਼ਿਆਦਾ ਜਿੱਤਾਂ ਦਰਜ ਕਰਨ ਵਾਲੇ ਦੁਨੀਆ ਦੇ ਤੀਜੇ ਕਪਤਾਨ ਬਣ ਗਏ ਹਨ। ਕੋਹਲੀ ਦੇ ਨਾਲ ਇੰਗਲੈਂਡ ਦੇ ਮਾਰਕ ਵਾਨ ਵੀ 22 ਜਿੱਤਾਂ ਦੇ ਨਾਲ ਬਰਕਰਾਰ ਹਨ। ਰਿਚਡਰਸਨ ਤੇ ਟੇਲਰ ਨੇ 38 'ਚੋਂ 21 ਮੈਚਾਂ 'ਤੇ ਆਪਣੀ ਟੀਮ ਨੂੰ ਜਿੱਤ ਦਿਵਾਈ ਸੀ। ਇਸ ਲਿਸਟ 'ਚ ਸਭ ਤੋਂ ਉਪਰ ਆਸਟਰੇਲੀਆ ਦੇ ਮਹਾਨ ਕਪਤਾਨ ਰਿੱਕੀ ਪੋਂਟਿੰਗ ਦਾ ਨਾਂ ਹੈ। ਜਿਸ ਨੇ 30 ਮੈਚਾਂ 'ਚ ਜਿੱਤ ਹਾਸਲ ਕੀਤੀ ਹੈ। ਉਸ ਦਾ ਇਹ ਰਿਕਾਰਡ ਤੋੜਨਾ ਮੁਸ਼ਕਲ ਹੀ ਨਹੀਂ ਨਾਮੁਨਕਿਨ ਨਜ਼ਰ ਆ ਰਿਹਾ ਹੈ।

ਇਹ ਰਿਕਾਰਡ ਵੀ ਹੋਇਆ ਦਰਜ਼
ਕੋਹਲੀ ਭਾਰਤ ਦੇ ਦੂਜੇ ਇਸ ਤਰ੍ਹਾਂ ਦੇ ਕਪਤਾਨ ਬਣ ਗਏ ਹਨ, ਜਿਨ੍ਹਾਂ ਨੇ ਭਾਰਤ ਨੂੰ ਇੰਗਲੈਂਡ 'ਚ ਦੂਜੀ ਵੱਡੀ ਜਿੱਤ ਹਾਸਲ ਕਰਵਾਈ ਹੈ। ਕੋਹਲੀ ਤੋਂ ਪਹਿਲਾਂ ਕਪਿਲ ਦੇਵ ਨੇ 1986 'ਚ 279 ਦੌੜਾਂ ਨਾਲ ਜਿੱਤ ਹਾਸਲ ਕੀਤੀ ਸੀ ਤੇ ਹੁਣ ਕੋਹਲੀ ਨੇ ਟ੍ਰੇਂਟ ਬ੍ਰਿਜ 'ਚ 203 ਦੌੜਾਂ ਨਾਲ ਜਿੱਤ ਹਾਸਲ ਕੀਤੀ ਹੈ। ਇਸ ਤੋਂ ਇਲਾਵਾ ਕੋਹਲੀ ਦੀ ਕਪਤਾਨੀ 'ਚ ਇਹ ਭਾਰਤ ਦੀ ਆਲਓਵਰ ਤੀਜੀ ਵੱਡੀ ਜਿੱਤ ਰਹੀ।