ਇਸ ਦਿੱਗਜ ਖਿਡਾਰੀ ਨੇ ਆਸਟਰੇਲਆਈ ਟੀਮ ਨੂੰ ਕਿਹਾ ''ਅਸ਼ਲੀਲ''

ਨਵੀਂ ਦਿੱਲੀ : ਇੰਗਲੈਂਡ ਦੇ ਆਲ-ਰਾਊਂਡਰ ਖਿਡਾਰੀ ਮੋਈਨ ਅਲੀ ਨੇ ਮੌਜੂਦਾ ਆਸਟਰੇਲੀਆਈ ਟੀਮ ਨੂੰ 'ਅਸ਼ਲੀਲ' ਦਸਦੇ ਹੋਏ ਕਿਹਾ, ਉਹ ਇਕਲੌਤੀ ਟੀਮ ਹੈ ਜੋ ਉਸ ਨੂੰ ਪਸੰਦ ਨਹੀਂ ਹੈ। ਅਲੀ ਨੇ ਇਹ ਧਾਰਨਾ 2017-18 ਐਸ਼ੇਜ਼ ਸੀਰੀਜ਼ ਅਤੇ ਪਿਛਲੇ ਸਾਲਾਂ ਕੀਤੇ ਦੌਰਿਆਂ ਦੌਰਾਨ ਬਣਾਈ। ਮੋਈਨ ਨੇ ਮੀਡੀਆ 'ਚ ਦਿੱਤੇ ਇੰਟਰਵੀਊ ਦੌਰਾਨ ਕਿਹਾ, '' ਤੁਸੀਂ ਕਿਸੇ ਨਾਲ ਵੀ ਗੱਲ ਕਰੋਗੇ, ਉਹ ਇਹੀ ਕਹੇਗਾ ਕਿ ਜਿੰਨੀਆ ਵੀ ਟੀਮਾਂ ਨਾਲ ਖੇਡਿਆ ਹਾਂ ਉਨ੍ਹਾਂ ਵਿਚੋਂ ਆਸਟਰੇਲਆ ਟੀਮ ਬਿਲਕੁਲ ਪਸੰਦ ਨਹੀਂ ਹੈ। ਇਹ ਇਸ ਲਈ ਨਹੀਂ ਕਹਿ ਰਿਹਾ ਕਿ ਉਹ ਆਸਟਰੇਲਈਆ ਹੈ ਅਤੇ ਸਾਡਾ ਪੁਰਾਣਾ ਦੁਸ਼ਮਨ ਹੈ ਸਗੋਂ ਇਸ ਲਈ ਕਿ ਉਹ ਖਿਡਾਰੀਆਂ ਅਤੇ ਲੋਕਾਂ ਦਾ ਸਨਮਾਨ ਨਹੀਂ ਕਰਦੇ।

ਆਲਰਾਊਂਡਰ ਖਿਡਾਰੀ ਨੇ ਕਿਹਾ, '' 2015 ਵਿਸ਼ਵ ਕੱਪ ਤੋਂ ਪਹਿਲਾਂ ਮੈਂ ਜੋ ਪਹਿਲਾ ਮੈਚ ਖੇਡਿਆ ਸੀ ਉਸ ਮੈਚ ਮੈਚ 'ਚ ਕੰਗਾਰੂ ਖਿਡਾਰੀ ਪਰੇਸ਼ਾਨ ਹੀ ਨਹੀਂ ਕਰ ਰਹੇ ਸੀ ਸਗੋਂ ਗਾਲਾਂ ਵੀ ਕੱਢ ਰਹੇ ਸੀ। ਉਸ ਦੌਰਾਨ ਹਾਲਾਂਕਿ ਮੈਂ ਕੋਈ ਧਾਰਨਾ ਨਹੀਂ ਬਣਾਈ ਪਰ ਮੈਂ ਉਸ ਤੋਂ ਬਾਅਦ ਜਿੰਨਾ ਵੀ ਉਨ੍ਹਾਂ ਖਿਲਾਫ ਖੇਡਿਆ ਉਹ ਬੁਰੇ ਹੀ ਸਾਬਤ ਹੋਏ। ਅਲੀ ਨੇ ਕਿਹਾ, ''ਨਿਜੀ ਤੌਰ 'ਤੇ ਆਸਟਰੇਆਈ ਖਿਡਾਰੀ ਚੰਗੇ ਇਨਸਾਨ ਹਨ ਪਰ ਟੀਮ ਦੇ ਤੌਰ 'ਤੇ ਬੁਰੇ ਹਨ। ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਖਿਲਾਫ ਹੋਣ ਵਾਲੀ ਟੈਸਟ ਸੀਰੀਜ਼ ਲਈ ਆਸਟਰੇਲੀਆਈ ਟੀਮ ਦਾ ਐਲਾਨ ਹੋ ਗਿਆ ਹੈ। ਕ੍ਰਿਕਟ ਆਸਟਰੇਲਆ ਨੇ ਇਸ ਵਾਰ ਕਾਫੀ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਹੈ।