ਰੂਸੀ ਹਮਲੇ 'ਚ ਵਾਲ-ਵਾਲ ਬਚਿਆ ਇੰਗਲੈਂਡ ਦੇ ਇਸ ਖਿਡਾਰੀ ਦਾ ਪਰਿਵਾਰ, ਪੋਲੈਂਡ 'ਚ ਲਈ ਪਨਾਹ

ਸਪੋਰਟਸ ਡੈਸਕ- ਰੂਸ ਤੇ ਯੂਕ੍ਰੇਨ ਦਰਮਿਆਨ ਚਲ ਰਹੀ ਜੰਗ ਨਾਲ ਲੱਖਾਂ ਲੋਕ ਪ੍ਰਭਾਵਿਤ ਹੋਏ ਹਨ। ਇਸ 'ਚ ਇੰਗਲੈਂਡ ਦੇ ਸਾਬਕਾ ਕਪਤਾਨ ਕੇਵਿਨ ਪੀਟਰਸਨ ਦਾ ਪਰਿਵਾਰ ਵੀ ਸ਼ਾਮਲ ਸੀ ਜਿਸ ਨੇ ਹੁਣ ਪੋਲੈਂਡ 'ਚ ਪਨਾਹ ਲਈ ਹੈ। ਪੀਟਰਸਨ ਨੇ ਆਪਣੇ ਪਰਿਵਾਰ ਦੇ ਬਾਰੇ 'ਚ ਇਕ ਅਪਡੇਟ ਸਾਂਝੀ ਕਰਦੇ ਹੋਏ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਕਿ ਕਿਵੇਂ ਰੂਸੀ ਹਮਲੇ ਕਾਰਨ ਉਸ ਦਾ ਪਰਿਵਾਰ ਯੂਕ੍ਰੇਨ ਤੋਂ ਭੱਜਿਆ ਤੇ ਪੋਲੈਂਡ 'ਚ ਪਨਾਹ ਲਈ।

ਪੀਟਰਸਨ ਨੇ ਟਵਿੱਟਰ 'ਤੇ ਲਿਖਿਆ ਕਿ ਬਸ ਇੰਨਾ ਕਹਿਣਾ ਚਾਹੁੰਦਾ ਹਾਂ ਕਿ ਯੂਕ੍ਰੇਨੀ ਲੋਕਾਂ ਲਈ ਪੋਲੈਂਡ ਚੰਗੀ ਜਗ੍ਹਾ ਹੈ। ਮੇਰਾ ਪਰਿਵਾਰ ਵੀ ਯੂਕ੍ਰੇਨ ਬਾਰਡਰ ਪਾਰ ਕਰਕੇ ਪੋਲੈਂਡ ਪੁੱਜ ਗਿਆ ਹੈ। ਧੰਨਵਾਦ ਪੋਲੈਂਡ।'

I can just tell you that Poland has been incredible to fleeing Ukrainians. From the border to the city of Warsaw. I’ve had immediate family that have just escaped & they say that the love they’ve received in Poland is beyond anything they’ve ever experienced. #ThankYouPoland

— Kevin Pietersen🦏 (@KP24) February 28, 2022

ਪੀਟਰਸਨ ਤੋਂ ਇਲਾਵਾ ਉਨ੍ਹਾਂ ਦੀ ਪਤਨੀ ਜੇਸਿਕਾ ਪੀਟਰਸਨ ਨੇ ਵੀ ਪੋਲੈਂਡ ਦੀ ਸਰਕਾਰ ਤੇ ਉੱਥੋਂ ਦੇ ਲੋਕਾਂ ਦਾ ਧੰਨਵਾਦ ਕੀਤਾ ਹੈ। ਜੇਸਿਕਾ ਨੇ ਟਵੀਟ ਕਰਦੇ ਹੋਏ ਕਿਹਾ ਕਿ ਪੋਲੈਂਡ ਦੇ ਲੋਕ, ਤੁਸੀਂ ਸਾਡੇ ਪਰਿਵਾਰ ਦੇ ਪ੍ਰਤੀ ਜੋ ਸਵਾਗਤ ਤੇ ਦਇਆ ਦਿਖਾਈ ਹੈ ਉਸ ਦੇ ਲਈ ਧੰਨਵਾਦ ਕਿਸੇ ਵੀ ਤਰ੍ਹਾਂ ਪੂਰਾ ਨਹੀਂ ਹੋਵੇਗਾ। 

♥️♥️♥️♥️♥️ To the people of @Poland we can never thank you enough for the welcome and kindness you’ve shown to our family ♥️♥️♥️♥️♥️ https://t.co/LQskcrnuJl

— Jessica Pietersen (@JessicaLibertyX) February 28, 2022

ਜ਼ਿਕਰਯੋਗ ਹੈ ਕਿ ਰੂਸ ਤੇ ਯੂਕ੍ਰੇਨ ਪਿਛਲੇ ਹਫਤੇ ਜੰਗ ਵਿਚਾਲੇ ਪਹਿਲੀ ਵਾਰਤਾ ਕਰ ਰਹੇ ਹਨ, ਕੀਵ ਨੇ ਤੁਰੰਤ ਜੰਗਬੰਦੀ ਦੀ ਮੰਗ ਕੀਤੀ ਹੈ ਕਿਉਂਕਿ ਦੇਸ਼ ਤੋਂ ਹਿਜ਼ਰਤ ਕਰਨ ਵਾਲੇ ਸ਼ਰਨਾਰਥੀਆਂ ਦੀ ਗਿਣਤੀ 5 ਲੱਖ ਤੋਂ ਵੱਧ ਹੋ ਗਈ ਹੈ।