ਰਣਜੀ ਟਰਾਫੀ ਦੇ ਮੈਚ ''ਚ ਨੰਬਰ 10 ਤੇ 11 ਦੇ ਬੱਲੇਬਾਜ਼ਾਂ ਨੇ ਸੈਂਕੜੇ ਠੋਕ ਕੇ ਰਚਿਆ ਇਤਿਹਾਸ, ਵਿਸ਼ਵ ਕ੍ਰਿਕਟ ਵੀ ਹੈਰਾਨ

ਮੁੰਬਈ- ਰਣਜੀ ਟਰਾਫੀ 'ਚ ਮੁੰਬਈ ਅਤੇ ਬੜੌਦਾ ਵਿਚਾਲੇ ਖੇਡੇ ਗਏ ਦੂਜੇ ਕੁਆਰਟਰ ਫਾਈਨਲ 'ਚ ਟੂਰਨਾਮੈਂਟ ਦਾ ਨਵਾਂ ਇਤਿਹਾਸ ਰਚਿਆ ਗਿਆ। ਇੱਥੇ ਮੁੰਬਈ ਲਈ 10ਵੇਂ ਅਤੇ 11ਵੇਂ ਨੰਬਰ 'ਤੇ ਆਏ ਦੋਵੇਂ ਬੱਲੇਬਾਜ਼ਾਂ ਨੇ ਆਪਣੇ-ਆਪਣੇ ਸੈਂਕੜੇ ਲਗਾਏ। ਰਣਜੀ ਟਰਾਫੀ ਵਿੱਚ ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਟੀਮ ਦੇ ਦੋ ਸਭ ਤੋਂ ਹੇਠਲੇ ਕ੍ਰਮ ਦੇ ਬੱਲੇਬਾਜ਼ਾਂ ਨੇ ਇੱਕੋ ਪਾਰੀ ਵਿੱਚ ਸੈਂਕੜੇ ਬਣਾਏ ਹਨ। ਪਹਿਲੀ ਸ਼੍ਰੇਣੀ ਕ੍ਰਿਕਟ ਦੇ ਇਤਿਹਾਸ 'ਚ ਇਹ ਦੂਜੀ ਵਾਰ ਹੈ ਜਦੋਂ 10ਵੇਂ ਅਤੇ 11ਵੇਂ ਨੰਬਰ 'ਤੇ ਖੇਡਣ ਵਾਲੇ ਬੱਲੇਬਾਜ਼ਾਂ ਨੇ ਸੈਂਕੜੇ ਬਣਾਏ ਹਨ। ਇਸ ਮੈਚ ਵਿੱਚ ਤਨੁਸ਼ ਕੋਟੀਆਨ (120*) ਅਤੇ ਤੁਸ਼ਾਰ ਦੇਸ਼ਪਾਂਡੇ (123) ਨੇ ਸੈਂਕੜੇ ਜੜੇ।

ਇਹ ਵੀ ਪੜ੍ਹੋ : ਨਾਮੀਬੀਆ ਦੇ ਲੌਫਟੀ-ਈਟਨ ਨੇ ਟੀ-20 ਕੌਮਾਂਤਰੀ ਕ੍ਰਿਕਟ 'ਚ ਲਾਇਆ ਸਭ ਤੋਂ ਤੇਜ਼ ਸੈਂਕੜਾ

Tanush Kotian and Tushar Deshpande script history for Mumbai, becoming only the 2nd No. 10 and No. 11 pair in First-Class cricket to record centuries in the same innings. The only other pair to achieve the feat was Chandu Sarwate and Shute Banerjee (v Surrey, 1946)! #RanjiTrophy pic.twitter.com/NhqGQrPU0V

— Lalith Kalidas (@lal__kal) February 27, 2024

ਇਸ ਤੋਂ ਪਹਿਲਾਂ ਸਾਲ 1946 (78 ਸਾਲ ਪਹਿਲਾਂ) ਵਿੱਚ ਓਵਲ ਮੈਦਾਨ ਵਿੱਚ ਭਾਰਤੀ ਬਨਾਮ ਸਰੀ ਵਿਚਾਲੇ ਖੇਡੇ ਗਏ ਮੈਚ ਵਿੱਚ ਇਹ ਉਪਲਬਧੀ ਹਾਸਲ ਕੀਤੀ ਗਈ ਸੀ। ਉਦੋਂ 10ਵੇਂ ਅਤੇ 11ਵੇਂ ਨੰਬਰ 'ਤੇ ਖੇਡ ਰਹੇ ਬੱਲੇਬਾਜ਼ਾਂ ਨੇ ਭਾਰਤ ਲਈ ਸੈਂਕੜੇ ਲਗਾਏ ਸਨ। ਉਸ ਮੈਚ ਵਿੱਚ ਚੰਦੂ ਸਰਵਤੇ (124*) ਅਤੇ ਸ਼ੂਟ ਬੈਨਰਜੀ (121) ਨੇ ਇਹ ਉਪਲਬਧੀ ਹਾਸਲ ਕੀਤੀ ਸੀ।

ਇਹ ਵੀ ਪੜ੍ਹੋ : ਚੰਡੀਗੜ੍ਹ ਵਾਸੀਆਂ ਨੂੰ BCCI ਦੀ ਸੌਗਾਤ, 34 ਹਜ਼ਾਰ ਦਰਸ਼ਕਾਂ ਦੇ ਬੈਠਣ ਵਾਲਾ ਸਟੇਡੀਅਮ ਤਿਆਰ

Is this the first time that a number 10 and 11 batter have made 100 ‘s in an innings?

Tushar Deshpande and Tanush Kotian have just cracked 100s for Mumbai in the Ranji Quarters against Baroda. #mumbaivsbaroda #ranjitropby

— Ashwin 🇮🇳 (@ashwinravi99) February 27, 2024

ਕਲ ਦੇ ਮੈਚ ਦੀ ਗੱਲ ਕਰੀਏ ਤਾਂ ਇਸ ਮੈਚ 'ਚ ਮੁੰਬਈ ਨੂੰ ਪਹਿਲੀ ਪਾਰੀ ਦੇ ਆਧਾਰ 'ਤੇ ਬੜੌਦਾ 'ਤੇ ਮਾਮੂਲੀ ਬੜ੍ਹਤ ਮਿਲੀ ਸੀ, ਜਿਸ ਕਾਰਨ ਉਸ ਨੂੰ ਸੈਮੀਫਾਈਨਲ ਦੀ ਟਿਕਟ ਮਿਲ ਗਈ ਹੈ। ਮੁੰਬਈ ਨੂੰ 36 ਦੌੜਾਂ ਦੀ ਬੜ੍ਹਤ ਮਿਲ ਗਈ ਸੀ, ਜਦੋਂ ਉਸ ਦੀਆਂ 384 ਦੌੜਾਂ ਦੇ ਜਵਾਬ 'ਚ ਬੜੌਦਾ ਦੀ ਟੀਮ 348 ਦੌੜਾਂ 'ਤੇ ਆਊਟ ਹੋ ਗਈ ਸੀ। ਹਾਲਾਂਕਿ ਇਹ ਮੈਚ ਡਰਾਅ 'ਤੇ ਖਤਮ ਹੋਇਆ। ਸੈਮੀਫਾਈਨਲ 'ਚ ਉਸ ਦਾ ਸਾਹਮਣਾ ਤਾਮਿਲਨਾਡੂ ਨਾਲ ਹੋਵੇਗਾ, ਜਦਕਿ ਦੂਜੇ ਸੈਮੀਫਾਈਨਲ 'ਚ ਵਿਦਰਭ ਦਾ ਸਾਹਮਣਾ ਮੱਧ ਪ੍ਰਦੇਸ਼ ਨਾਲ ਹੋਵੇਗਾ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8