ਸੁਨੀਲ ਗਾਵਸਕਰ ਦਾ ਇਸ ਦਿੱਗਜ ਨੇ ਕੀਤਾ ਸਮਰਥਨ, ਅਨੁਸ਼ਕਾ ਸ਼ਰਮਾ ਨੂੰ ਦਿੱਤਾ ਜਵਾਬ
Sunday, Sep 27, 2020 - 05:04 PM (IST)
ਨਵੀਂ ਦਿੱਲੀ : ਸਾਬਕਾ ਭਾਰਤੀ ਵਿਕਟਕੀਪਰ ਬੱਲੇਬਾਜ਼ ਫਾਰੂਖ਼ ਇੰਜੀਨੀਅਰ ਸੁਨੀਲ ਗਾਵਸਕਰ ਦੇ ਸਮਰਥਨ ਵਿਚ ਸਾਹਮਣੇ ਆਏ ਹਨ। ਉਨ੍ਹਾਂ ਨੇ ਗਾਵਸਕਰ ਅਤੇ ਅਨੁਸ਼ਕਾ ਵਿਵਾਦ 'ਤੇ ਬਿਆਨ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੁਨੀਲ ਗਾਵਸਕਰ ਨੇ ਜੋ ਟਿੱਪਣੀ ਕੀਤੀ ਹੈ ਉਹ ਠੀਕ ਹੈ ਉਨ੍ਹਾਂ ਨੇ ਇਸ ਵਿਚ ਕੁੱਝ ਗਲਤ ਨਹੀਂ ਕਿਹਾ ਹੈ। ਜਿੰਨਾਂ ਮੈਂ ਜਾਣਦਾ ਹਾਂ ਗਾਵਸਕਰ ਕਦੇ ਵੀ ਇਸ ਤਰ੍ਹਾਂ ਦਾ ਬਿਆਨ ਨਹੀਂ ਦੇ ਸਕਦੇ।
ਇੰਜੀਨੀਅਰ ਨੇ ਕਿਹਾ ਕਿ 'ਸਾਡੇ ਭਾਰਤੀਆਂ ਵਿਚ ਸੈਂਸ ਆਫ ਹਿਊਮਰ ਦੀ ਕਮੀ ਹੈ।' ਜੇਕਰ ਸੁਨੀਲ ਨੇ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦੇ ਬਾਰੇ ਵਿਚ ਸੱਚ ਕੁੱਝ ਅਜਿਹਾ ਕਿਹਾ ਵੀ ਹੈ ਤਾਂ ਉਹ ਮਜਾਕੀਆ ਲਹਿਜੇ ਵਿਚ ਕਿਹਾ ਹੋਵੇਗਾ। ਮੈਂ ਸੁਨੀਲ ਗਾਵਸਕਰ ਨੂੰ ਚੰਗੀ ਤਰ੍ਹਾਂ ਨਾਲ ਜਾਣਦਾ ਹਾਂ ਅਤੇ ਉਨ੍ਹਾਂ ਨੇ ਜ਼ਰੂਰ ਇਸ ਨੂੰ ਮਜ਼ਾਕ ਵਿਚ ਕਿਹਾ ਹੋਵੇਗਾ। ਮੇਰੇ ਮਾਮਲੇ ਵਿਚ ਵੀ ਲੋਕਾਂ ਨੇ ਮੇਰੀ ਟਿੱਪਣੀ ਨੂੰ ਬਹੁਤ ਗੰਭੀਰਤਾ ਨਾਲ ਲਿਆ ਸੀ ਅਤੇ ਫਿਰ ਇਸ 'ਤੇ ਅਨੁਸ਼ਕਾ ਨੇ ਵੀ ਬਿਆਨ ਦਿੱਤਾ ਸੀ।
ਦੱਸ ਦੇਈਏ ਕਿ ਗਾਵਸਕਰ ਨੇ ਆਈ.ਪੀ.ਐਲ. 2020 ਦੀ ਕਮੈਂਟਰੀ ਦੌਰਾਨ ਇਸ ਪੂਰੇ ਵਿਵਾਦ 'ਤੇ ਸਫ਼ਾਈ ਦਿੰਦੇ ਹੋਏ ਕਿਹਾ ਕਿ ਮੈਂ ਜੋ ਕਿਹਾ ਸੀ ਉਸ ਦਾ ਗਲਤ ਮਤਲੱਬ ਕੱਢਿਆ ਗਿਆ। ਵੀਡੀਓ ਵਿਚ ਅਨੁਸ਼ਕਾ ਵਿਰਾਟ ਨੂੰ ਗੇਂਦਬਾਜੀ ਕਰ ਰਹੀ ਸੀ ਬਸ। ਮੈਂ ਉਸ ਨੂੰ ਕਿੱਥੇ ਦੋਸ਼ੀ ਠਹਿਰਾਇਆ? ਮੈਂ ਇਸ ਵਿਚ ਸੈਕਸਿਸਟ ਕਿੱਥੇ ਹਾਂ? ਮੈਂ ਸਿਰਫ਼ ਇਹ ਦੱਸ ਰਿਹਾ ਹਾਂ ਕਿ ਜੋ ਵੀਡੀਓ ਵਿਚ ਵੇਖਿਆ ਗਿਆ ਸੀ ਉਸ ਦੇ ਇਲਾਵਾ ਮੈਂ ਕੁੱਝ ਕਿਹਾ ਹੀ ਨਹੀ ਹੈ।
