ਸਟਾਰ ਕ੍ਰਿਕਟਰ ਨੇ ਅਚਾਨਕ ਲਿਆ ਸੰਨਿਆਸ, 10 ਹਜ਼ਾਰ ਦੌੜਾਂ ਬਣਾਉਣ ਦੇ ਨਾਲ ਝਟਕਾਈਆਂ 340 ਵਿਕਟਾਂ
Thursday, May 14, 2026 - 12:03 PM (IST)
ਸਪੋਰਟਸ ਡੈਸਕ- ਇੰਗਲੈਂਡ ਕ੍ਰਿਕਟ ਟੀਮ ਦੇ ਤਜਰਬੇਕਾਰ ਆਲਰਾਊਂਡਰ ਲਿਆਮ ਡੌਸਨ ਨੇ ਸਾਰਿਆਂ ਨੂੰ ਹੈਰਾਨ ਕਰਦਿਆਂ ਤੁਰੰਤ ਪ੍ਰਭਾਵ ਨਾਲ ਪਹਿਲੀ ਸ਼੍ਰੇਣੀ (First-Class) ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। 36 ਸਾਲਾ ਡੌਸਨ ਨੇ ਇਹ ਅਹਿਮ ਫੈਸਲਾ ਵਾਈਟ-ਬਾਲ (ਸੀਮਤ ਓਵਰਾਂ) ਕ੍ਰਿਕਟ ਵਿੱਚ ਆਪਣੇ ਕਰੀਅਰ ਨੂੰ ਲੰਬਾ ਕਰਨ ਦੇ ਉਦੇਸ਼ ਨਾਲ ਲਿਆ ਹੈ।
ਸ਼ਾਨਦਾਰ ਰਿਕਾਰਡ ਅਤੇ ਅੰਕੜੇ
ਲਿਆਮ ਡੌਸਨ ਦਾ ਪਹਿਲੀ ਸ਼੍ਰੇਣੀ ਕ੍ਰਿਕਟ ਵਿੱਚ ਬਹੁਤ ਹੀ ਪ੍ਰਭਾਵਸ਼ਾਲੀ ਰਿਕਾਰਡ ਰਿਹਾ ਹੈ:
ਉਨ੍ਹਾਂ ਨੇ 218 ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ 34.48 ਦੀ ਔਸਤ ਨਾਲ 10,828 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ 18 ਸੈਂਕੜੇ ਅਤੇ 56 ਅਰਧ-ਸੈਂਕੜੇ ਸ਼ਾਮਲ ਹਨ। ਉਨ੍ਹਾਂ ਨੇ ਆਪਣੀ ਸਪਿਨ ਗੇਂਦਬਾਜ਼ੀ ਨਾਲ 380 ਵਿਕਟਾਂ ਹਾਸਲ ਕੀਤੀਆਂ ਹਨ।
ਅੰਤਰਰਾਸ਼ਟਰੀ ਕਰੀਅਰ
ਇੰਗਲੈਂਡ ਲਈ ਉਨ੍ਹਾਂ ਨੇ 4 ਟੈਸਟ ਮੈਚ ਖੇਡੇ ਹਨ, ਜਿਨ੍ਹਾਂ ਵਿੱਚ ਉਨ੍ਹਾਂ ਨੇ 110 ਦੌੜਾਂ ਬਣਾਈਆਂ ਅਤੇ 8 ਵਿਕਟਾਂ ਲਈਆਂ। ਜ਼ਿਕਰਯੋਗ ਹੈ ਕਿ ਉਹ ਪਿਛਲੇ ਸਾਲ ਭਾਰਤ ਵਿਰੁੱਧ ਇੰਗਲੈਂਡ ਦੀ ਟੈਸਟ ਟੀਮ ਦਾ ਹਿੱਸਾ ਵੀ ਸਨ।
ਸੰਨਿਆਸ ਦਾ ਕਾਰਨ ਅਤੇ ਭਵਿੱਖ ਦੀ ਯੋਜਨਾ
ਡੌਸਨ ਨੇ ਸਪੱਸ਼ਟ ਕੀਤਾ ਕਿ ਇਹ ਫੈਸਲਾ ਲੈਣਾ ਉਨ੍ਹਾਂ ਲਈ ਆਸਾਨ ਨਹੀਂ ਸੀ, ਪਰ ਵਾਈਟ-ਬਾਲ ਕ੍ਰਿਕਟ 'ਤੇ ਧਿਆਨ ਕੇਂਦਰਿਤ ਕਰਨ ਲਈ ਇਹ ਸਹੀ ਸਮਾਂ ਹੈ। ਹਾਲਾਂਕਿ ਉਨ੍ਹਾਂ ਨੇ ਲੰਬੇ ਫਾਰਮੈਟ ਤੋਂ ਦੂਰੀ ਬਣਾਈ ਹੈ, ਪਰ ਉਹ ਆਪਣੀ ਕਾਉਂਟੀ ਟੀਮ हैਮਪਸ਼ਾਇਰ (Hampshire) ਲਈ ਟੀ-20 ਬਲਾਸਟ ਅਤੇ ਰਾਇਲ ਵਨ-ਡੇ ਕੱਪ ਖੇਡਣਾ ਜਾਰੀ ਰੱਖਣਗੇ।
