IND vs SA : ਦੱਖਣੀ ਅਫਰੀਕਾ ਪਹਿਲੀ ਪਾਰੀ ''ਚ 266 ਦੌੜਾਂ ''ਤੇ ਢੇਰ, ਭਾਰਤ ਨੇ ਬਣਾਈ 337 ਦੌੜਾਂ ਦੀ ਬੜਤ

ਚੇਨਈ— ਸਨੇਹ ਰਾਣਾ (ਅੱਠ ਵਿਕਟਾਂ) ਦੇ ਸ਼ਾਨਦਾਰ ਸਪੈੱਲ ਦੀ ਬਦੌਲਤ ਭਾਰਤੀ ਮਹਿਲਾ ਟੀਮ ਨੇ ਬੱਲੇਬਾਜ਼ੀ ਲਈ ਮੁਫੀਦ ਚੇਪਾਕ ਦੀ ਸਪਾਟ ਪਿੱਚ 'ਤੇ ਮਹਿਮਾਨ ਦੱਖਣੀ ਅਫਰੀਕਾ ਐਤਵਾਰ ਨੂੰ ਪਹਿਲੀ ਪਾਰੀ 'ਚ 266 ਦੌੜਾਂ 'ਤੇ ਆਊਟ ਕਰਕੇ 337 ਦੌੜਾਂ ਦੀ ਬੜ੍ਹਤ ਹਾਸਲ ਕਰ ਲਈ ਹੈ। ਅੱਜ ਸਵੇਰੇ ਦੱਖਣੀ ਅਫਰੀਕਾ ਨੇ ਕੱਲ੍ਹ ਦੇ ਚਾਰ ਵਿਕਟਾਂ ’ਤੇ 236 ਦੌੜਾਂ ਦੇ ਸਕੋਰ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ। ਕੱਲ੍ਹ ਦੀ ਖੇਡ ਦੇ ਅੰਤ ਵਿੱਚ, ਮੈਰਿਜਨ ਕੱਪ (69) ਅਤੇ ਨਦੀਨ ਡੀ ਕਲਰਕ (27) ਨੇ ਪਾਰੀ ਦੀ ਅਗਵਾਈ ਕੀਤੀ। ਸਨੇਹਾ ਰਾਣਾ ਨੇ ਸ਼ੁਰੂਆਤੀ ਸਪੈੱਲ ਵਿੱਚ ਮੈਰਿਜਨ ਕੱਪ (74) ਨੂੰ ਬੋਲਡ ਕਰਕੇ ਦੱਖਣੀ ਅਫਰੀਕਾ ਨੂੰ ਪਹਿਲਾ ਝਟਕਾ ਦਿੱਤਾ।
ਇਸ ਤੋਂ ਬਾਅਦ ਦੱਖਣੀ ਅਫਰੀਕਾ ਦੀ ਟੀਮ ਸਿਰਫ 30 ਦੌੜਾਂ ਜੋੜ ਕੇ ਤਾਸ਼ ਦੇ ਪੱਤਿਆਂ ਦੀ ਤਰ੍ਹਾਂ ਢਹਿ ਗਈ। ਨਦੀਨ ਡੀ ਕਲਰਕ (39), ਸਿਨਾਲੋ ਜਾਫਟਾ (0), ਐਨਰੀ ਡਿਕਰਸਨ (5), ਮਾਸਾਬਾਤਾ ਕਲਾਸ (1) ਅਤੇ ਨੋਨਕੁਲੁਲੇਕੋ ਮਲਾਬਾ (2) ਦੌੜਾਂ ਬਣਾ ਕੇ ਆਊਟ ਹੋ ਗਏ। ਦੱਖਣੀ ਅਫਰੀਕਾ ਦੀ ਪੂਰੀ ਟੀਮ 266 ਦੌੜਾਂ 'ਤੇ ਸਿਮਟ ਗਈ।
ਭਾਰਤ ਨੂੰ ਪਹਿਲੀ ਪਾਰੀ (ਛੇ ਵਿਕਟਾਂ 'ਤੇ 603 ਪਾਰੀ ਘੋਸ਼ਿਤ) ਦੇ ਸਕੋਰ ਦੇ ਆਧਾਰ 'ਤੇ 337 ਦੌੜਾਂ ਦੀ ਬੜ੍ਹਤ ਮਿਲ ਗਈ ਹੈ। ਭਾਰਤ ਲਈ ਸਨੇਹ ਰਾਣਾ ਨੇ 25.3 ਵਿੱਚ 77 ਦੌੜਾਂ ਦੇ ਕੇ ਅੱਠ ਵਿਕਟਾਂ ਲਈਆਂ। ਦੀਪਤੀ ਸ਼ਰਮਾ ਨੇ 21 ਓਵਰਾਂ ਵਿੱਚ 47 ਦੌੜਾਂ ਦੇ ਕੇ ਦੋ ਵਿਕਟਾਂ ਹਾਸਲ ਕੀਤੀਆਂ।