ਸਿਰਾਜ ਦਾ BCCI ਅੱਗੇ ਵੱਡਾ ਖ਼ੁਲਾਸਾ, ਟੀਮ ਦੀ ਅੰਦਰੂਨੀ ਜਾਣਕਾਰੀ ਲਈ ਸੱਟੇਬਾਜ਼ ਨੇ ਕੀਤਾ ਸੀ ਸੰਪਰਕ

ਸਪੋਰਟਸ ਡੈਸਕ- ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਬੀਸੀਸੀਆਈ ਦੀ ਭ੍ਰਿਸ਼ਟਾਚਾਰ ਰੋਕੂ ਇਕਾਈ (ਏਸੀਯੂ) ਨੂੰ ਸੂਚਿਤ ਕੀਤਾ ਹੈ ਕਿ ਪਿਛਲੇ ਆਈਪੀਐਲ ਮੈਚ ਵਿੱਚ ਵੱਡੀ ਰਕਮ ਗੁਆਉਣ ਤੋਂ ਬਾਅਦ ਇੱਕ ਅਣਪਛਾਤੇ ਵਿਅਕਤੀ ਨੇ ਉਸ ਦੀ ਟੀਮ ਬਾਰੇ ਅੰਦਰੂਨੀ ਜਾਣਕਾਰੀ ਲਈ ਉਸ ਨਾਲ ਸੰਪਰਕ ਕੀਤਾ। ਕਾਲ ਮਿਲਣ ਤੋਂ ਬਾਅਦ ਸਿਰਾਜ ਨੇ ਤੁਰੰਤ ਏਸੀਯੂ ਦੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ।

ਇਹ  ਵੀ ਪੜ੍ਹੋ : IPL 'ਚ ਖ਼ਰਾਬ ਸਥਿਤੀ 'ਚ ਚੱਲ ਰਹੀ ਦਿੱਲੀ ਕੈਪਿਟਲਸ ਨਾਲ ਹੋਈ ਮਾੜੀ, ਕਈ ਖ਼ਿਡਾਰੀਆਂ ਦਾ ਸਾਮਾਨ ਚੋਰੀ

ਬੀਸੀਸੀਆਈ ਦੇ ਇਕ ਸੀਨੀਅਰ ਸੂਤਰ ਨੇ ਪੀਟੀਆਈ ਨੂੰ ਦੱਸਿਆ, 'ਉਹ ਬੁੱਕੀ ਨਹੀਂ ਸੀ ਜਿਸ ਨੇ ਸਿਰਾਜ ਨਾਲ ਸੰਪਰਕ ਕੀਤਾ ਸੀ। ਇਹ ਹੈਦਰਾਬਾਦ ਦਾ ਰਹਿਣ ਵਾਲਾ ਡਰਾਈਵਰ ਸੀ, ਜੋ ਸੱਟੇਬਾਜ਼ੀ ਦਾ ਆਦੀ ਹੋ ਚੁੱਕਾ ਹੈ। ਉਹ ਵੱਡੀ ਰਕਮ ਹਾਰ ਗਿਆ ਤੇ ਸਿਰਾਜ ਤੋਂ ਅੰਦਰਲੀ ਖ਼ਬਰ ਜਾਣਨੀ ਚਾਹੀ। ਕਾਨੂੰਨ ਲਾਗੂ ਕਰਨ ਵਾਲੀ ਅਥਾਰਟੀ ਨੇ ਵਿਅਕਤੀ ਨੂੰ ਫੜ ਲਿਆ ਹੈ। ਹੋਰ ਜਾਣਕਾਰੀ ਦੀ ਉਡੀਕ ਕੀਤੀ ਜਾ ਰਹੀ ਹੈ।

ਜਦੋਂ ਤੋਂ ਐੱਸ ਸ਼੍ਰੀਸੰਤ, ਅੰਕਿਤ ਚਵਾਨ ਤੇ ਅਜੀਤ ਚੰਦੀਲਾ ਸਪਾਟ ਫਿਕਸਿੰਗ ਸਕੈਂਡਲ ਤੇ ਸੀਐੱਸਕੇ ਟੀਮ ਦੇ ਸਾਬਕਾ ਪ੍ਰਿੰਸੀਪਲ ਗੁਰੂਨਾਥ ਮਯੱਪਨ ਦੇ ਸੱਟੇਬਾਜ਼ੀ ਲਿੰਕ ਸਾਹਮਣੇ ਆਏ ਹਨ, ਬੀਸੀਸੀਆਈ ਨੇ ਉਦੋਂ ਤੋਂ ਹੀ ਭ੍ਰਿਸ਼ਟਾਚਾਰ ਵਿਰੁੱਧ ਆਪਣੀ ਮੁਹਿੰਮ ਤੇਜ਼ ਕਰ ਦਿੱਤੀ ਹੈ। ਖਿਡਾਰੀਆਂ ਲਈ ਲਾਜ਼ਮੀ ਏਸੀਯੂ ਵਰਕਸ਼ਾਪ ਹੁੰਦੀ ਹੈ ਅਤੇ ਭ੍ਰਿਸ਼ਟਾਚਾਰ ਦੀ ਰਿਪੋਰਟ ਨਾ ਕਰਨ ਵਾਲਿਆਂ ਨੂੰ ਸਜ਼ਾ ਦਿੱਤੀ ਜਾਂਦੀ ਹੈ। ਬੰਗਲਾਦੇਸ਼ ਦੇ ਕਪਤਾਨ ਸ਼ਾਕਿਬ ਅਲ ਹਸਨ ਨੂੰ 2019 ਵਿਚ ਮੁਅੱਤਲ ਕਰ ਦਿੱਤਾ ਗਿਆ ਸੀ ਕਿਉਂਕਿ ਉਨ੍ਹਾਂ ਨੇ 2018 ਵਿੱਚ ਟ੍ਰਾਈ ਸੀਰੀਜ਼ ਤੇ ਉਸ ਸਾਲ ਆਈਪੀਐਲ ਦੌਰਾਨ ਭ੍ਰਿਸ਼ਟ ਸੰਪਰਕ ਦੀ ਰਿਪੋਰਟ ਨਹੀਂ ਕੀਤੀ ਸੀ।

ਇਹ ਵੀ ਪੜ੍ਹੋ : ਕ੍ਰਿਕਟਰ ਫਾਫ ਡੂ ਪਲੇਸਿਸ ਦੀ ਆਤਮਕਥਾ ਅਗਲੇ ਮਹੀਨੇ ਹੋਵੇਗੀ ਰਿਲੀਜ਼

ਜ਼ਿਕਰਯੋਗ ਹੈ ਕਿ ਸਿਰਾਜ ਆਈਪੀਐਲ 2023 ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕਰ ਰਿਹਾ ਹੈ। ਉਸ ਨੇ 22/3 ਦੇ ਸਰਵੋਤਮ ਪ੍ਰਦਰਸ਼ਨ ਨਾਲ ਹੁਣ ਤੱਕ ਕੁੱਲ 8 ਵਿਕਟਾਂ ਲਈਆਂ ਹਨ ਅਤੇ ਚੋਟੀ ਦੇ ਗੇਂਦਬਾਜ਼ਾਂ ਦੀ ਸੂਚੀ ਵਿੱਚ ਛੇਵੇਂ ਸਥਾਨ 'ਤੇ ਹੈ। ਇਸ ਤੋਂ ਇਲਾਵਾ IPL 'ਚ ਆਪਣੇ ਸਮੁੱਚੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਉਸ ਨੇ ਇਸ ਦੌਰਾਨ 70 IPL ਮੈਚ ਖੇਡੇ ਹਨ ਅਤੇ 67 ਵਿਕਟਾਂ ਲਈਆਂ ਹਨ। ਉਸ ਦਾ ਸਰਵੋਤਮ ਪ੍ਰਦਰਸ਼ਨ 32 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕਰਨਾ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।