ਪਿੱਠ ਦਰਦ ਕਾਰਨ ਹਾਲੇਪ ਡਬਲਿਊ.ਟੀ.ਏ. ਫਾਈਨਲਸ ਤੋਂ ਵੀ ਹਟੀ
Sunday, Oct 21, 2018 - 04:14 PM (IST)
ਸਿੰਗਾਪੁਰ— ਵਿਸ਼ਵ ਦੀ ਨੰਬਰ ਇਕ ਖਿਡਾਰਨ ਸਿਮੋਨਾ ਹਾਲੇਪ ਪਿੱਠ ਦਰਦ ਦੇ ਕਾਰਨ ਸਿੰਗਾਪੁਰ 'ਚ ਹੋਣ ਵਾਲੀ ਡਬਲਿਊ.ਟੀ.ਏ. ਫਾਈਨਲਸ ਤੋਂ ਹੱਟ ਗਈ ਹੈ। ਫ੍ਰੈਂਚ ਓਪਨ ਚੈਂਪੀਅਨ ਹਾਲੇਪ ਪਿਛਲੇ ਮਹੀਨੇ ਚਾਈਨਾ ਓਪਨ 'ਚ ਸਿਰਫ 31 ਮਿੰਟ ਖੇਡਣ ਦੇ ਬਾਅਦ ਹੱਟ ਗਈ ਸੀ।
ਉਨ੍ਹਾਂ ਨੇ ਪਿੱਠ ਦਰਦ ਦੀ ਵਜ੍ਹਾ ਨਾਲ ਇਸ ਹਫਤੇ ਕ੍ਰੇਮਲਿਨ ਕੱਪ ਤੋਂ ਵੀ ਨਾਂ ਵਾਪਸ ਲੈ ਲਿਆ ਸੀ। ਹਾਲੇਪ ਨੇ ਪਹਿਲਾਂ ਉਮੀਦ ਜਤਾਈ ਸੀ ਕਿ ਇਸ ਸੈਸ਼ਨ ਦੇ ਅੰਤਿਮ ਟੂਰਨਾਮੈਂਟ ਡਬਲਿਊ.ਟੀ.ਏ. ਫਾਈਨਲਸ 'ਚ ਹਿੱਸਾ ਲੈਣ 'ਚ ਸਫਲ ਰਹੇਗੀ ਪਰ ਉਨ੍ਹਾਂ ਨੇ ਸਿਹਤ ਨੂੰ ਤਰਜੀਹ ਦਿੱਤੀ। ਉਨ੍ਹਾਂ ਕਿਹਾ, ''ਕਿਸੇ ਵੱਡੇ ਟੂਰਨਾਮੈਂਟ ਤੋਂ ਨਾਂ ਵਾਪਸ ਲੈਣਾ ਹਮੇਸ਼ਾ ਮੁਸ਼ਕਲ ਫੈਸਲਾ ਹੁੰਦਾ ਹੈ। ਮੇਰੀ ਪਿੱਠ ਸਹੀ ਨਹੀਂ ਹੈ। ਮੈਂ ਪਿਛਲੇ ਚਾਰ ਹਫਤਿਆਂ ਤੋਂ ਅਭਿਆਸ ਨਹੀਂ ਕਰ ਸਕੀ ਹਾਂ। ਮੈਂ ਅਜੇ ਖੇਡਣ ਦੀ ਸਥਿਤੀ 'ਚ ਨਹੀਂ ਹਾਂ।''