ਸ਼ੁਭਮਨ ਗਿੱਲ ਨੇ ਦਿਵਾਈ ਰਾਹੁਲ ਦ੍ਰਾਵਿੜ ਦੀ ਯਾਦ, ਬਣੇ ਸੈਕਿੰਡ ਇਨਿੰਗ ਵੰਡਰ

ਨਵੀਂ ਦਿੱਲੀ : ਭਾਰਤ ਦੇ ਨੌਜਵਾਨ ਨੰਬਰ 3 ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ ਚੇਨਈ ਦੇ ਐੱਮ. ਏ. ਚਿਦੰਬਰਮ ਸਟੇਡੀਅਮ 'ਚ ਬੰਗਲਾਦੇਸ਼ ਖਿਲਾਫ ਪਹਿਲੇ ਟੈਸਟ ਦੇ ਤੀਜੇ ਦਿਨ ਆਪਣਾ 5ਵਾਂ ਟੈਸਟ ਸੈਂਕੜਾ ਲਗਾਇਆ। ਗਿੱਲ ਨੇ 176 ਗੇਂਦਾਂ 'ਤੇ ਅਜੇਤੂ 119 ਦੌੜਾਂ ਬਣਾਈਆਂ ਅਤੇ ਭਾਰਤ ਨੇ ਦੂਜੀ ਪਾਰੀ 287/4 'ਤੇ ਐਲਾਨ ਕੀਤੀ ਅਤੇ ਬੰਗਲਾਦੇਸ਼ ਨੂੰ 515 ਦੌੜਾਂ ਦਾ ਟੀਚਾ ਦਿੱਤਾ। ਸ਼ੁਭਮਨ ਨੇ ਜਿਵੇਂ ਹੀ ਆਪਣਾ ਸੈਂਕੜਾ ਜੜਿਆ, ਉਸ ਨੇ ਰਾਹੁਲ ਦ੍ਰਾਵਿੜ ਨੂੰ ਯਾਦ ਕਰਾਇਆ, ਜਿਸ ਨੇ 16 ਸਾਲ ਪਹਿਲਾਂ 3ਵੇਂ ਨੰਬਰ 'ਤੇ ਖੇਡਦੇ ਹੋਏ ਸੈਂਕੜਾ ਲਗਾਇਆ ਸੀ। 2008 'ਚ ਦੱਖਣੀ ਅਫਰੀਕਾ ਖਿਲਾਫ ਤੀਜੇ ਨੰਬਰ 'ਤੇ ਖੇਡ ਰਹੇ ਦ੍ਰਾਵਿੜ ਨੇ ਚੇਨਈ ਦੇ ਇਸੇ ਮੈਦਾਨ 'ਤੇ ਸੈਂਕੜਾ ਲਗਾਇਆ ਸੀ। ਇਸ ਤੋਂ ਬਾਅਦ ਨੰਬਰ 3 'ਤੇ ਕੋਈ ਵੀ ਬੱਲੇਬਾਜ਼ ਸੈਂਕੜਾ ਨਹੀਂ ਲਗਾ ਸਕਿਆ। ਸ਼ੁਭਮਨ ਨੇ ਬੰਗਲਾਦੇਸ਼ ਖਿਲਾਫ ਸੈਂਕੜਾ ਲਗਾ ਕੇ ਦ੍ਰਾਵਿੜ ਦੇ ਪ੍ਰਸ਼ੰਸਕਾਂ ਨੂੰ ਯਾਦ ਦਿਵਾਇਆ।

A moment to savour for @ShubmanGill as he notches up his 5th Test CENTURY 👏👏

Live - https://t.co/fvVPdgXtmj… #INDvBAN @IDFCFIRSTBank pic.twitter.com/W4d1GmuukB

— BCCI (@BCCI) September 21, 2024

ਦੂਜੀ ਪਾਰੀ 'ਚ ਚੱਲਦਾ ਹੈ ਗਿੱਲ ਦਾ ਬੱਲਾ
ਗਿੱਲ ਦਾ ਬੱਲਾ ਦੂਜੀ ਪਾਰੀ 'ਚ ਯਕੀਨੀ ਤੌਰ 'ਤੇ ਕੰਮ ਕਰਦਾ ਹੈ। ਉਸ ਨੇ ਟੈਸਟ ਦੀਆਂ ਪਿਛਲੀਆਂ ਪੰਜ ਦੂਜੀਆਂ ਪਾਰੀਆਂ ਵਿਚ 50 ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸ ਦੇ ਬੱਲੇ ਨੇ 119*, 104, 91, 52*, 86* ਦੌੜਾਂ ਬਣਾਈਆਂ। ਸ਼ੁਭਮਨ ਦੀ ਟੈਸਟ ਔਸਤ 36.72 ਹੈ ਜਦੋਂਕਿ ਉਸ ਦੀ ਦੂਜੀ ਪਾਰੀ ਦੀ ਔਸਤ 55.80 ਇਸ ਤੋਂ ਵੱਧ ਹੈ। ਉਸ ਦੇ ਪੰਜ ਟੈਸਟ ਸੈਂਕੜੇ ਵਿੱਚੋਂ ਤਿੰਨ ਟੈਸਟ ਮੈਚ ਦੀ ਤੀਜੀ ਪਾਰੀ ਵਿਚ ਆਏ ਹਨ।

WTC 'ਚ ਭਾਰਤ ਲਈ ਸਭ ਤੋਂ ਵੱਧ ਸੈਂਕੜੇ
ਰੋਹਿਤ ਸ਼ਰਮਾ- 9
ਸ਼ੁਭਮਨ ਗਿੱਲ- 5
ਵਿਰਾਟ ਕੋਹਲੀ- 4
ਮਯੰਕ ਅਗਰਵਾਲ- 4
ਰਿਸ਼ਭ ਪੰਤ- 4

ਕੋਹਲੀ ਦਾ ਰਿਕਾਰਡ ਤੋੜਿਆ
ਸ਼ੁਭਮਨ ਨੇ 25 ਸਾਲ 13 ਦਿਨ ਦੀ ਉਮਰ ਵਿਚ ਆਪਣਾ 5ਵਾਂ ਟੈਸਟ ਸੈਂਕੜਾ ਲਗਾਇਆ। ਉਸ ਨੇ ਵਿਰਾਟ ਕੋਹਲੀ (25 ਸਾਲ 43 ਦੌੜਾਂ) ਨੂੰ ਪਿੱਛੇ ਛੱਡ ਦਿੱਤਾ। ਸਚਿਨ ਤੇਂਦੁਲਕਰ (19 ਸਾਲ, 282 ਦਿਨ) ਇਸ ਸੂਚੀ 'ਚ ਪਹਿਲੇ ਨੰਬਰ 'ਤੇ ਹਨ। ਇਸ ਤੋਂ ਬਾਅਦ ਰਵੀ ਸ਼ਾਸਤਰੀ, ਦਿਲੀਪ ਵੇਂਗਸਰਕਰ, ਮੁਹੰਮਦ ਅਜ਼ਹਰੂਦੀਨ, ਮਨਸੂਰ ਅਲੀ ਖਾਨ ਪਟੌਦੀ, ਰਿਸ਼ਭ ਪੰਤ, ਸੁਨੀਲ ਗਾਵਸਕਰ ਦਾ ਨਾਂ ਆਉਂਦਾ ਹੈ।

ਮੈਚ ਦੀ ਗੱਲ ਕਰੀਏ ਤਾਂ ਭਾਰਤ ਖਿਲਾਫ ਪਹਿਲੇ ਕ੍ਰਿਕਟ ਟੈਸਟ ਦੇ ਤੀਜੇ ਦਿਨ ਸ਼ਨੀਵਾਰ ਨੂੰ 515 ਦੌੜਾਂ ਦੇ ਔਖੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਬੰਗਲਾਦੇਸ਼ ਨੇ ਚਾਹ ਤੱਕ ਬਿਨਾਂ ਕਿਸੇ ਨੁਕਸਾਨ ਦੇ 56 ਦੌੜਾਂ ਬਣਾ ਲਈਆਂ। ਚਾਹ ਦੇ ਸਮੇਂ ਸ਼ਾਦਮਾਨ ਇਸਲਾਮ 21 ਦੌੜਾਂ 'ਤੇ ਅਤੇ ਜ਼ਾਕਿਰ ਹਸਨ 32 ਦੌੜਾਂ 'ਤੇ ਖੇਡ ਰਹੇ ਸਨ। ਇਸ ਤੋਂ ਪਹਿਲਾਂ ਭਾਰਤ ਨੇ ਦੂਜੀ ਪਾਰੀ 4 ਵਿਕਟਾਂ 'ਤੇ 287 ਦੌੜਾਂ 'ਤੇ ਐਲਾਨ ਕੇ ਬੰਗਲਾਦੇਸ਼ ਨੂੰ 515 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਭਾਰਤੀ ਟੀਮ ਲਈ ਰਿਸ਼ਭ ਪੰਤ ਨੇ 109 ਦੌੜਾਂ ਅਤੇ ਸ਼ੁਭਮਨ ਗਿੱਲ ਨੇ ਅਜੇਤੂ 119 ਦੌੜਾਂ ਬਣਾਈਆਂ, ਜੋ ਕੱਲ੍ਹ ਦੇ ਤਿੰਨ ਵਿਕਟਾਂ 'ਤੇ 81 ਦੌੜਾਂ ਦੇ ਸਕੋਰ ਤੋਂ ਅੱਗੇ ਸੀ।

ਦੋਵੇਂ ਟੀਮਾਂ ਦੀ ਪਲੇਇੰਗ 11
ਬੰਗਲਾਦੇਸ਼ : ਸ਼ਾਦਮਾਨ ਇਸਲਾਮ, ਜ਼ਾਕਿਰ ਹਸਨ, ਨਜ਼ਮੁਲ ਹੁਸੈਨ ਸ਼ਾਂਤੋ (ਕਪਤਾਨ), ਮੋਮਿਨੁਲ ਹੱਕ, ਮੁਸ਼ਫਿਕਰ ਰਹੀਮ, ਸ਼ਾਕਿਬ ਅਲ ਹਸਨ, ਲਿਟਨ ਦਾਸ (ਵਿਕਟਕੀਪਰ), ਮੇਹਿਦੀ ਹਸਨ ਮਿਰਾਜ, ਤਸਕੀਨ ਅਹਿਮਦ, ਹਸਨ ਮਹਿਮੂਦ, ਨਾਹਿਦ ਰਾਣਾ।
ਭਾਰਤ : ਰੋਹਿਤ ਸ਼ਰਮਾ (ਕਪਤਾਨ), ਯਸ਼ਸਵੀ ਜਾਇਸਵਾਲ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਕੇਐੱਲ ਰਾਹੁਲ, ਰਿਸ਼ਭ ਪੰਤ (ਵਿਕਟਕੀਪਰ), ਰਵਿੰਦਰ ਜਡੇਜਾ, ਰਵੀਚੰਦਰਨ ਅਸ਼ਵਿਨ, ਜਸਪ੍ਰੀਤ ਬੁਮਰਾਹ, ਆਕਾਸ਼ਦੀਪ, ਮੁਹੰਮਦ ਸਿਰਾਜ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8