ICC ਟੂਰਨਾਮੈਂਟ ਵਿਚਾਲੇ ਕ੍ਰਿਕਟਰ ਦੀ ਸ਼ਰਮਨਾਕ ਕਰਤੂਤ ! ਜਨਾਨੀ ਨਾਲ ਜੋ ਕੀਤਾ, ਜਾਣ ਉੱਡਣਗੇ ਹੋਸ਼

ਸਪੋਰਟਸ ਡੈਸਕ- ਕ੍ਰਿਕਟ ਜਗਤ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਪਾਪੂਆ ਨਿਊ ਗਿਨੀ (PNG) ਦੇ ਕੌਮਾਂਤਰੀ ਕ੍ਰਿਕਟਰ ਅਤੇ ਵਿਕਟਕੀਪਰ-ਬੱਲੇਬਾਜ਼ ਕਿਪਲਿਨ ਡੋਰਿਗਾ ਨੂੰ ਜਰਸੀ (Jersey) ਦੀ ਇੱਕ ਅਦਾਲਤ ਨੇ ਤਿੰਨ ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। 30 ਸਾਲਾ ਡੋਰਿਗਾ ਨੂੰ ਇਹ ਸਜ਼ਾ ਇੱਕ ਔਰਤ 'ਤੇ ਹਮਲਾ ਕਰਨ ਅਤੇ ਉਸ ਦਾ ਮੋਬਾਈਲ ਫ਼ੋਨ ਚੋਰੀ ਕਰਨ ਦੇ ਦੋਸ਼ ਵਿੱਚ ਮਿਲੀ ਹੈ।

ਟੂਰਨਾਮੈਂਟ ਦੌਰਾਨ ਕੀਤੀ ਸ਼ਰਮਨਾਕ ਵਾਰਦਾਤ
ਇਹ ਘਟਨਾ 25 ਅਗਸਤ 2025 ਨੂੰ ਉਸ ਸਮੇਂ ਵਾਪਰੀ, ਜਦੋਂ ਕਿਪਲਿਨ ਡੋਰਿਗਾ ਆਈਸੀਸੀ ਵਰਲਡ ਕੱਪ ਚੈਲੇਂਜ ਲੀਗ ਟੂਰਨਾਮੈਂਟ ਦੇ ਸਿਲਸਿਲੇ ਵਿੱਚ ਆਪਣੀ ਰਾਸ਼ਟਰੀ ਟੀਮ ਦੀ ਨੁਮਾਇੰਦਗੀ ਕਰਨ ਲਈ ਜਰਸੀ ਵਿੱਚ ਮੌਜੂਦ ਸੀ। ਪੁਲਿਸ ਦੇ ਬਿਆਨ ਅਨੁਸਾਰ, ਡੋਰਿਗਾ ਰਾਤ ਕਰੀਬ 2:30 ਵਜੇ ਸੇਂਟ ਹੇਲੀਅਰ ਸਥਿਤ ਹਿਲੇਰੀ ਸਟ੍ਰੀਟ 'ਤੇ ਆਪਣੇ ਹੋਟਲ ਵਾਪਸ ਜਾ ਰਿਹਾ ਸੀ। ਡੋਰਿਗਾ ਨੇ ਇੱਕ ਮਹਿਲਾ ਨੂੰ ਦੇਖਿਆ, ਉਸ 'ਤੇ ਹਮਲਾ ਕੀਤਾ (ਮੁੱਕਾ ਮਾਰ ਕੇ ਡੇਗ ਦਿੱਤਾ) ਅਤੇ ਉਸ ਦਾ ਮੋਬਾਈਲ ਫ਼ੋਨ ਚੋਰੀ ਕਰ ਲਿਆ। 

ਪੁਲਸ ਨੇ ਤੇਜ਼ੀ ਨਾਲ ਕਾਰਵਾਈ ਕਰਦੇ ਹੋਏ ਉਸੇ ਦਿਨ ਡੋਰਿਗਾ ਨੂੰ ਹਿਰਾਸਤ ਵਿੱਚ ਲੈ ਲਿਆ ਅਤੇ ਚੋਰੀ ਕੀਤੀ ਸਮੱਗਰੀ ਵੀ ਬਰਾਮਦ ਕਰ ਲਈ ਗਈ। ਡੋਰਿਗਾ ਨੂੰ 27 ਅਗਸਤ 2025 ਨੂੰ ਦੋਸ਼ੀ ਕਰਾਰ ਦਿੱਤਾ ਗਿਆ, ਅਤੇ 28 ਨਵੰਬਰ 2025 ਨੂੰ ਜਰਸੀ ਦੀ ਰਾਇਲ ਕੋਰਟ ਨੇ ਉਸ ਨੂੰ ਤਿੰਨ ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ।

ਕ੍ਰਿਕਟਰ ਦਾ ਕਰੀਅਰ ਸੰਕਟ ਵਿੱਚ
ਇਸ ਅਪਰਾਧਿਕ ਕਾਰਵਾਈ ਕਾਰਨ ਡੋਰਿਗਾ ਦਾ ਕੌਮਾਂਤਰੀ ਕ੍ਰਿਕਟ ਕਰੀਅਰ ਡੂੰਘੇ ਸੰਕਟ ਵਿੱਚ ਆ ਗਿਆ ਹੈ। ਕਿਪਲਿਨ ਡੋਰਿਗਾ ਨੇ ਨਵੰਬਰ 2017 ਵਿੱਚ PNG ਲਈ ਡੈਬਿਊ ਕੀਤਾ ਸੀ। ਉਸ ਨੇ ਹੁਣ ਤੱਕ 82 ਕੌਮਾਂਤਰੀ ਮੈਚਾਂ (39 ਵਨਡੇ ਅਤੇ 43 ਟੀ20) ਵਿੱਚ ਦੇਸ਼ ਦੀ ਨੁਮਾਇੰਦਗੀ ਕੀਤੀ ਹੈ।