ਵੱਡਾ ਝਟਕਾ! ਸੱਟ ਕਾਰਨ ਮੈਚ ਵਿਨਰ ਕ੍ਰਿਕਟਰ ਟੀਮ ''ਚੋਂ ਬਾਹਰ

ਵੈਲਿੰਗਟਨ : ਨਿਊਜ਼ੀਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਲਈ ਇੱਕ ਨਿਰਾਸ਼ਾਜਨਕ ਖ਼ਬਰ ਸਾਹਮਣੇ ਆਈ ਹੈ। ਟੀਮ ਦੀ ਸਟਾਰ ਅਤੇ ਭਰੋਸੇਮੰਦ ਬੱਲੇਬਾਜ਼ ਜਾਰਜੀਆ ਪਲਿਮਰ ਮੋਢੇ ਦੀ ਸੱਟ ਕਾਰਨ ਜ਼ਿੰਬਾਬਵੇ ਵਿਰੁੱਧ ਹੋਣ ਵਾਲੀ ਆਗਾਮੀ ਵਨਡੇ (ODI) ਸੀਰੀਜ਼ ਤੋਂ ਪੂਰੀ ਤਰ੍ਹਾਂ ਬਾਹਰ ਹੋ ਗਈ ਹੈ।

ਟ੍ਰੇਨਿੰਗ ਦੌਰਾਨ ਲੱਗੀ ਸੱਟ
ਜਾਰਜੀਆ ਪਲਿਮਰ ਨੂੰ ਇਹ ਸੱਟ ਟੀ-20 ਸੀਰੀਜ਼ ਦੌਰਾਨ ਟ੍ਰੇਨਿੰਗ ਕਰਦੇ ਸਮੇਂ ਲੱਗੀ ਸੀ। ਇਸੇ ਸੱਟ ਕਾਰਨ ਉਹ ਦੂਜੇ ਅਤੇ ਤੀਜੇ ਟੀ-20 ਮੁਕਾਬਲੇ ਵਿੱਚ ਵੀ ਹਿੱਸਾ ਨਹੀਂ ਲੈ ਸਕੀ ਸੀ। ਹਾਲਾਂਕਿ, ਨਿਊਜ਼ੀਲੈਂਡ ਨੇ ਇਹ ਟੀ-20 ਸੀਰੀਜ਼ 3-0 ਨਾਲ ਆਪਣੇ ਨਾਮ ਕਰ ਲਈ ਸੀ, ਪਰ ਵਨਡੇ ਸੀਰੀਜ਼ ਤੋਂ ਪਹਿਲਾਂ ਪਲਿਮਰ ਦਾ ਬਾਹਰ ਹੋਣਾ ਟੀਮ ਲਈ ਵੱਡੀ ਚੁਣੌਤੀ ਹੈ।

ਬੇਲਾ ਜੇਮਸ ਨੂੰ ਮਿਲਿਆ ਮੌਕਾ 
ਪਲਿਮਰ ਦੀ ਗੈਰ-ਮੌਜੂਦਗੀ ਵਿੱਚ ਨੌਜਵਾਨ ਬੱਲੇਬਾਜ਼ ਬੇਲਾ ਜੇਮਸ ਨੂੰ ਅਧਿਕਾਰਤ ਤੌਰ 'ਤੇ ਵਨਡੇ ਸਕੁਐਡ ਵਿੱਚ ਸ਼ਾਮਲ ਕਰ ਲਿਆ ਗਿਆ ਹੈ। ਜੇਮਸ, ਜਿਨ੍ਹਾਂ ਨੇ ਦਸੰਬਰ 2024 ਵਿੱਚ ਆਸਟ੍ਰੇਲੀਆ ਵਿਰੁੱਧ ਆਪਣਾ ਡੈਬਿਊ ਕੀਤਾ ਸੀ, ਕੋਲ ਲਗਭਗ 100 ਲਿਸਟ-ਏ ਮੈਚਾਂ ਦਾ ਅਨੁਭਵ ਹੈ। ਟੀਮ ਦੇ ਮੁੱਖ ਕੋਚ ਬੇਨ ਸੌਇਰ ਨੇ ਕਿਹਾ ਕਿ ਜਾਰਜੀਆ ਦਾ ਬਾਹਰ ਹੋਣਾ ਨਿਰਾਸ਼ਾਜਨਕ ਹੈ ਕਿਉਂਕਿ ਉਹ ਚੋਟੀ ਦੇ ਕ੍ਰਮ (Top Order) ਦੀ ਅਹਿਮ ਖਿਡਾਰਨ ਹੈ, ਪਰ ਬੇਲਾ ਦਾ ਤਜਰਬਾ ਟੀਮ ਦੇ ਕੰਮ ਆਵੇਗਾ।

ਦੋ ਨਵੇਂ ਚਿਹਰਿਆਂ ਦੀ ਐਂਟਰੀ 
ਨਿਊਜ਼ੀਲੈਂਡ ਨੇ ਇਸ ਸੀਰੀਜ਼ ਲਈ ਦੋ ਅਨਕੈਪਡ (Uncapped) ਖਿਡਾਰੀਆਂ, ਆਫ-ਸਪਿਨਰ ਨੈਂਸੀ ਪਟੇਲ ਅਤੇ ਵਿਕਟਕੀਪਰ-ਬੱਲੇਬਾਜ਼ ਇਜ਼ੀ ਸ਼ਾਰਪ ਨੂੰ ਵੀ ਟੀਮ ਵਿੱਚ ਜਗ੍ਹਾ ਦਿੱਤੀ ਹੈ। ਨੈਂਸੀ ਪਟੇਲ ਨੇ ਹਾਲ ਹੀ ਵਿੱਚ ਜ਼ਿੰਬਾਬਵੇ ਵਿਰੁੱਧ ਟੀ-20 ਸੀਰੀਜ਼ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 5 ਵਿਕਟਾਂ ਝਟਕਾਈਆਂ ਸਨ।

ਵੂਮੈਨ ਚੈਂਪੀਅਨਸ਼ਿਪ ਦਾ ਹਿੱਸਾ ਹੈ ਸੀਰੀਜ਼
5 ਮਾਰਚ ਤੋਂ ਸ਼ੁਰੂ ਹੋਣ ਵਾਲੀ ਇਹ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ 2025-2029 ਵੂਮੈਨ ਚੈਂਪੀਅਨਸ਼ਿਪ ਚੱਕਰ ਦਾ ਅਹਿਮ ਹਿੱਸਾ ਹੈ। ਇਸ ਸੀਰੀਜ਼ ਰਾਹੀਂ ਦੋਵੇਂ ਟੀਮਾਂ ਆਪਣੀ ਮੁਹਿੰਮ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰਨਗੀਆਂ।

ਨਿਊਜ਼ੀਲੈਂਡ ਵਨਡੇ ਸਕੁਐਡ 
ਅਮੇਲੀਆ ਕੇਰ (ਕਪਤਾਨ), ਇਸਾਬੇਲਾ ਗੇਜ (ਵਿਕਟਕੀਪਰ), ਮੈਡੀ ਗ੍ਰੀਨ, ਬਰੁਕ ਹਾਲੀਡੇ, ਬ੍ਰੀ ਇਲਿੰਗ, ਪੌਲੀ ਇੰਗਲਿਸ, ਬੇਲਾ ਜੇਮਸ, ਜੇਸ ਕੇਰ, ਐਮਾ ਮੈਕਲੀਓਡ, ਰੋਜ਼ਮੇਰੀ ਮੇਅਰ, ਨੈਂਸੀ ਪਟੇਲ, ਮੌਲੀ ਪੇਨਫੋਲਡ, ਇਜ਼ੀ ਸ਼ਾਰਪ (ਵਿਕਟਕੀਪਰ)।