ਸਾਨੀਆ-ਮਕੇਲ ਕਲੀਵਲੈਂਡ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫ਼ਾਈਨਲ ’ਚ

ਕਲੀਵਲੈਂਡ— ਭਾਰਤ ਦੀ ਸਾਨੀਆ ਮਿਰਜ਼ਾ ਤੇ ਉਸ ਦੀ ਅਮਰੀਕੀ ਜੋੜੀਦਾਰ ਕ੍ਰਿਸਟੀਨਾ ਮਕੇਲ ਨੇ ਸਿੱਧੇ ਸੈੱਟਾਂ ’ਚ ਜਿੱਤ ਦਰਜ ਕਰਕੇ ਕਲੀਵਲੈਂਡ ਟੈਨਿਸ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫ਼ਾਈਨਲ ’ਚ ਪ੍ਰਵੇਸ਼ ਕੀਤਾ। ਸਾਨੀਆ ਤੇ ਮਕੇਲ ਦੀ ਜੋੜੀ ਨੇ ਐਤਵਾਰ ਦੀ ਰਾਤ ਨੂੰ ਮਹਿਲਾ ਡਬਲਜ਼ ਦੇ ਪ੍ਰੀ ਕੁਆਰਟਰ ਫ਼ਾਈਨਲ ’ਚ ਜਾਰਜੀਆ ਦੀ ਓਕਸਾਨਾ ਕਲਾਸ਼ਿਨੀਕੋਵਾ ਤੇ ਰੋਮਾਨੀਆ ਦੀ ਆਂਦ੍ਰੀਆ ਮੀਟੂ ਨੂੰ 6-3, 6-2 ਨਾਲ ਹਰਾਇਆ। ਸਾਨੀਆ ਤੇ ਮਕੇਲ ਨੇ ਸ਼ੁਰੂ ਤੋਂ ਦਬਦਬਾ ਬਣਾਈ ਰੱਖਿਆ ਤੇ ਕਿਸੇ ਵੀ ਸਮੇਂ ਆਪਣੀ ਮੁਕਾਬਲੇਬਾਜ਼ ਨੂੰ ਵਾਪਸੀ ਦਾ ਮੌਕਾ ਨਹੀਂ ਦਿੱਤਾ। ਉਨ੍ਹਾਂ ਨੇ ਆਸਾਨੀ ਨਾਲ ਪਹਿਲਾ ਸੈੱਟ ਜਿੱਤਿਆ ਤੇ ਦੂਜੇ ਸੈੱਟ ’ਚ ਵੀ ਆਪਣੀ ਲੈਅ ਬਣਾਈ ਰੱਖੀ।