ਸ਼੍ਰੀਲੰਕਾ ਖਿਲਾਫ ਟੈਸਟ ਸੀਰੀਜ਼ ਤੋਂ ਪਹਿਲਾ ਧੋਨੀ ਨੂੰ ਮਿਲੇ ਰਿਸ਼ਭ ਪੰਤ, ਦੋਖੇ ਤਸਵੀਰਾਂ
Saturday, Aug 01, 2026 - 10:58 AM (IST)
ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਟੀਮ ਬਹੁਤ ਜਲਦੀ ਸ਼੍ਰੀਲੰਕਾ ਦੌਰੇ 'ਤੇ ਜਾਣ ਵਾਲੀ ਹੈ । 2 ਟੈਸਟ ਮੈਚਾਂ ਦੀ ਸੀਰੀਜ਼ ਦੀ ਸ਼ੁਰੂਆਤ 15 ਅਗਸਤ ਤੋਂ ਹੋਵੇਗੀ। ਵਿਕਟ ਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਵੀ ਇਸ ਸੀਰੀਜ਼ ਵਿੱਚ ਵਾਪਸੀ ਕਰ ਰਿਹਾ ਹੈ , ਜੋ ਹਾਲੇ ਵਨਡੇ ਅਤੇ ਟੀ-20 ਟੀਮ ਤੋਂ ਬਾਹਰ ਹੈ । ਸ਼੍ਰੀਲੰਕਾ ਟੈਸਟ ਸੀਰੀਜ਼ ਤੋਂ ਪਹਿਲੇ ਪੰਤ ਨੂੰ ਮਹਿੰਦਰ ਸਿੰਘ ਧੋਨੀ ਨਾਲ ਅਭਿਆਸ ਕਰਦੇ ਦੇਖਿਆ ਗਿਆ।
ਭਾਰਤ ਦੇ ਸਾਬਕਾ ਕ੍ਰਿਕਟਰ ਸ਼ਹਿਬਾਜ ਨਦੀਮ ਨਵੇਂ ਇੰਸਟਾਗ੍ਰਾਮ 'ਤੇ ਧੋਨੀ ਅਤੇ ਰਿਸ਼ਭ ਪੰਤ ਦੇ ਨਾਲ ਇਕ ਤਸਵੀਰ ਸਾਂਝੀ ਕੀਤੀ ਹੈ । ਇਹ ਤਸਵੀਰ ਰਾਂਚੀ ਸਥਿਤ ਇਕ ਜਿੰਮ ਦੀ ਹੈ । ਧੋਨੀ ਨੀਲੇ ਰੰਗ ਦੇ ਟ੍ਰੈਕਸੂਟ ਵਿੱਚ ਦਿਖੇ, ਜਦਕਿ ਪੰਤ ਨਵੇਂ ਕਾਲੇ ਰੰਗ ਦੀ ਟੀ-ਸ਼ਰਟ ਵਿੱਚ ਦਿਖਾਈ ਦਿੱਤੇ । ਤਸਵੀਰ ਸਾਂਝੀ ਕਰਦੇ ਹੋਏ ਨਦੀਮ ਨੇ ਕੈਪਸ਼ਨ ਵਿੱਚ ਲਿਖਿਆ- ਭਾਰਤੀ ਕ੍ਰਿਕਟ ਦੇ 2 ਸਭ ਤੋਂ ਬਿਹਤਰੀਨ ਵੈਸਟ ਫਿਨਿਸ਼ਰ ।
ਦੱਸਦਈਏ ਕਿ ਰਿਸ਼ਭ ਪੰਤ ਆਖਰੀ ਵਾਰ ਅਫਗਾਨਿਸਤਾਨ ਦੇ ਖਿਲਾਫ ਟੈਸਟ ਮੈਚ ਖੇਡੇ ਸਨ । ਜਿੱਥੇ ਉਸ ਨੇ ਇਕ ਪਾਰੀ ਵਿੱਚ 81 ਦੌੜਾਂ ਬਣਾਈਆਂ ਸਨ । ਇਹ ਬੇਹੱਦ ਹੈਰਾਨ ਕਰਨ ਵਾਲੀ ਗੱਲ ਹੈ ਕਿ ਪੰਤ ਨੇ ਸਾਲ 2026 ਵਿੱਚ ਸਿਰਫ ਇਕ ਇੰਟਰਨੈਸ਼ਨਲ ਮੈਚ ਖੇਡਿਆ ਹੈ । ਸਾਲ 2024 ਤੋਂ ਹੀ ਟੈਸਟ ਅਤੇ ਟੀ-20 ਟੀਮ ਤੋਂ ਬਾਹਰ ਚਲ ਰਿਹਾ ਹੈ ।
ਸ਼੍ਰੀਲੰਕਾ ਖਿਲਾਫ ਟੈਸਟ ਸੀਰੀਜ਼ ਲਈ ਰਿਸ਼ਭ ਪੰਤ ਅਤੇ ਧਰੁਵ ਜੁਰੇਲ ਨੂੰ ਵਿਕਟ ਕੀਪਰ ਦੇ ਤੌਰ 'ਤੇ ਸਕੁਐਡ ਵਿੱਚ ਸ਼ਾਮਲ ਕੀਤਾ ਗਿਆ ਹੈ । ਇਹ ਦੇਖਣ ਯੋਗ ਗੱਲ ਹੋਵੇਗੀ ਕਿ ਪਲੇਇੰਗ ਇਲੈਵਨ ਵਿੱਚ ਪੰਤ ਅਤੇ ਜੁਰੇਲ, ਦੋਵਾਂ ਨੂੰ ਮੌਕਾ ਮਿਲਦਾ ਹੈ ਜਾ ਨਹੀਂ ।
