IPL 2024 : ਵਿਰਾਟ ਨੇ ਤੋੜਿਆ ਕ੍ਰਿਸ ਗੇਲ ਦਾ ਰਿਕਾਰਡ, RCB ਲਈ ਸਭ ਤੋਂ ਵਧ ਛੱਕੇ ਲਗਾਉਣ ਵਾਲੇ ਬਣੇ ਖਿਡਾਰੀ

ਸਪੋਰਟਸ ਡੈਸਕ : ਵਿਰਾਟ ਕੋਹਲੀ ਨੇ ਚਿੰਨਾਸਵਾਮੀ ਸਟੇਡੀਅਮ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਖਿਲਾਫ 83 ਦੌੜਾਂ ਦੀ ਪਾਰੀ ਦੌਰਾਨ ਕਈ ਵੱਡੇ ਰਿਕਾਰਡ ਆਪਣੇ ਨਾਂ ਕੀਤੇ। ਵਿਰਾਟ ਨੇ ਕੋਲਕਾਤਾ ਦੇ ਖਿਲਾਫ ਚਾਰ ਛੱਕੇ ਜੜੇ ਅਤੇ ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਰਸੀਬੀ ਲਈ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਦਾ ਵੈਸਟਇੰਡੀਜ਼ ਦੇ ਮਹਾਨ ਖਿਡਾਰੀ ਕ੍ਰਿਸ ਗੇਲ ਦਾ ਰਿਕਾਰਡ ਤੋੜ ਦਿੱਤਾ। ਗੇਲ ਨੇ ਆਰਸੀਬੀ ਲਈ ਹੁਣ ਤੱਕ 239 ਛੱਕੇ ਲਗਾਏ ਹਨ। ਵਿਰਾਟ ਹੁਣ ਇਸ ਰਿਕਾਰਡ ਨੂੰ ਬਿਹਤਰ ਬਣਾ ਰਹੇ ਹਨ। ਵਿਰਾਟ ਨੇ ਆਈਪੀਐੱਲ ਦੀਆਂ ਪਿਛਲੀਆਂ 5 ਪਾਰੀਆਂ 'ਚ 2 ਸੈਂਕੜੇ ਅਤੇ 2 ਅਰਧ ਸੈਂਕੜੇ ਲਗਾਏ ਹਨ। ਉਨ੍ਹਾਂ ਨੇ 100, 101*, 21, 77 ਅਤੇ 83* ਸਕੋਰ ਬਣਾਏ ਹਨ। ਦੇਖੋ ਅੰਕੜੇ-
ਆਈਪੀਐੱਲ 'ਚ ਆਰਸੀਬੀ ਲਈ ਸਭ ਤੋਂ ਵੱਧ ਛੱਕੇ
241- ਵਿਰਾਟ ਕੋਹਲੀ
239- ਕ੍ਰਿਸ ਗੇਲ
238- ਏਬੀ ਡਿਵਿਲੀਅਰਸ
67- ਗਲੇਨ ਮੈਕਸਵੈੱਲ
50- ਫਾਫ ਡੂ ਪਲੇਸਿਸ
ਆਈਪੀਐੱਲ ਵਿੱਚ ਸਭ ਤੋਂ ਵੱਧ ਅਰਧ ਸੈਂਕੜੇ
ਵਿਰਾਟ ਆਈਪੀਐੱਲ 'ਚ ਸਭ ਤੋਂ ਜ਼ਿਆਦਾ 7 ਸੈਂਕੜੇ ਲਗਾਉਣ ਵਾਲੇ ਇਕਲੌਤੇ ਖਿਡਾਰੀ ਹਨ। ਇਸੇ ਤਰ੍ਹਾਂ ਉਨ੍ਹਾਂ ਨੇ ਆਈਪੀਐੱਲ 'ਚ ਵੀ 52 ਅਰਧ ਸੈਂਕੜੇ ਲਗਾਏ ਹਨ। ਉਨ੍ਹਾਂ ਤੋਂ ਅੱਗੇ ਡੇਵਿਡ ਵਾਰਨਰ ਹਨ ਜਿਨ੍ਹਾਂ ਨੇ 61 ਅਰਧ ਸੈਂਕੜੇ ਲਗਾਏ ਹਨ। ਸ਼ਿਖਰ ਧਵਨ 50 ਅਰਧ ਸੈਂਕੜਿਆਂ ਨਾਲ ਇਸ ਸੂਚੀ 'ਚ ਤੀਜੇ ਸਥਾਨ 'ਤੇ ਬਰਕਰਾਰ ਹਨ। ਰੋਹਿਤ ਸ਼ਰਮਾ ਨੇ ਹੁਣ ਤੱਕ 42 ਅਰਧ ਸੈਂਕੜੇ ਅਤੇ ਏਬੀ ਡਿਵਿਲੀਅਰਸ ਨੇ 40 ਅਰਧ ਸੈਂਕੜੇ ਲਗਾਏ ਹਨ।
ਆਈਪੀਐੱਲ 'ਚ ਕੁੱਲ ਮਿਲਾ ਕੇ ਸਭ ਤੋਂ ਵੱਧ ਦੌੜਾਂ
7444 : ਵਿਰਾਟ ਕੋਹਲੀ
6684 : ਸ਼ਿਖਰ ਧਵਨ
6475 : ਡੇਵਿਡ ਵਾਰਨਰ
6280: ਰੋਹਿਤ ਸ਼ਰਮਾ
5528 : ਸੁਰੇਸ਼ ਰੈਨਾ
ਸੀਜ਼ਨ ਦੇ ਟਾਪ ਸਕੋਰਰ
181: ਵਿਰਾਟ ਕੋਹਲੀ
143: ਹੇਨਰਿਕ ਕਲਾਸਨ
127: ਰਿਆਨ ਪਰਾਗ
97: ਸੰਜੂ ਸੈਮਸਨ
95: ਅਭਿਸ਼ੇਕ ਸ਼ਰਮਾ
ਟਾਪ ਸਕੋਰਰ ਬਣਨ ਦੇ ਨਾਲ ਹੀ ਵਿਰਾਟ ਦੇ ਕੋਲ ਆਰੇਂਜ ਕੈਪ ਆ ਗਈ ਹੈ।

ਵਿਰਾਟ ਪਾਵਰਪਲੇ 'ਚ ਮਜ਼ਬੂਤ ਹੋ ਰਹੇ ਹਨ
ਆਈਪੀਐੱਲ 2023 ਤੋਂ ਹੁਣ ਤੱਕ ਵਿਰਾਟ ਕੋਹਲੀ ਨੇ ਪਾਵਰਪਲੇ 'ਚ 139 ਦੇ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾਈਆਂ ਹਨ, ਜੋ ਕਿ ਉਨ੍ਹਾਂ ਦਾ ਸਭ ਤੋਂ ਵਧੀਆ ਅੰਕੜਾ ਹੈ। ਇਸ ਦੌਰਾਨ ਵਿਰਾਟ ਨੇ ਪਾਵਰਪਲੇ 'ਚ 264 ਗੇਂਦਾਂ 'ਚ 367 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਨ੍ਹਾਂ ਦੇ ਬੱਲੇ ਤੋਂ 51 ਚੌਕੇ ਅਤੇ 5 ਛੱਕੇ ਵੀ ਆਏ।
ਦੋਵੇਂ ਟੀਮਾਂ ਦੀ ਪਲੇਇੰਗ 11 
ਬੈਂਗਲੁਰੂ : ਵਿਰਾਟ ਕੋਹਲੀ, ਫਾਫ ਡੂ ਪਲੇਸਿਸ (ਕਪਤਾਨ), ਕੈਮਰਨ ਗ੍ਰੀਨ, ਰਜਤ ਪਾਟੀਦਾਰ, ਗਲੇਨ ਮੈਕਸਵੈੱਲ, ਅਨੁਜ ਰਾਵਤ (ਵਿਕਟਕੀਪਰ), ਦਿਨੇਸ਼ ਕਾਰਤਿਕ, ਅਲਜ਼ਾਰੀ ਜੋਸੇਫ, ਮਯੰਕ ਡਾਗਰ, ਮੁਹੰਮਦ ਸਿਰਾਜ, ਯਸ਼ ਦਿਆਲ।
ਕੋਲਕਾਤਾ: ਫਿਲਿਪ ਸਾਲਟ (ਵਿਕਟਕੀਪਰ), ਵੈਂਕਟੇਸ਼ ਅਈਅਰ, ਸ਼੍ਰੇਅਸ ਅਈਅਰ (ਕਪਤਾਨ), ਰਮਨਦੀਪ ਸਿੰਘ, ਰਿੰਕੂ ਸਿੰਘ, ਆਂਦਰੇ ਰਸਲ, ਸੁਨੀਲ ਨਾਰਾਇਣ, ਮਿਸ਼ੇਲ ਸਟਾਰਕ, ਅਨੁਕੁਲ ਰਾਏ, ਹਰਸ਼ਿਤ ਰਾਣਾ, ਵਰੁਣ ਚੱਕਰਵਰਤੀ।