ਭਾਰਤੀ ਟੀਮ ਦੇ ਇਸ ਖਿਡਾਰੀ ਨਾਲ ਕੁਆਰੰਟੀਨ ਹੋਣਾ ਚਾਹੁੰਦੇ ਹਨ ਰੈਨਾ
05/30/2020 12:49:35 AM
ਨਵੀਂ ਦਿੱਲੀ— ਸੁਰੇਸ਼ ਰੈਨਾ ਨੇ ਕਿਹਾ ਕਿ ਉਹ ਆਪਣੀ ਆਈ. ਪੀ. ਐੱਲ. ਟੀਮ ਚੇਨਈ ਸੁਪਰ ਕਿੰਗਸ 'ਚ ਰਵਿੰਦਰ ਜਡੇਜਾ ਤੇ ਡਵੇਨ ਬ੍ਰਾਵੋ ਨੂੰ ਲਾਕਡਾਊਨ 'ਚ ਬਤੌਰ ਭਾਰਤੀ ਤੇ ਵਿਦੇਸ਼ੀ ਕੁਆਰੰਟੀਨ ਪਾਰਟਨਰ ਚੁਣਨਗੇ। ਰੈਨਾ ਨੇ ਫ੍ਰੈਂਚਾਇਜ਼ੀ ਨਾਲ ਇੰਸਟਾਗ੍ਰਾਮ 'ਤੇ ਗੱਲ ਕਰਦੇ ਹੋਏ ਕਿਹਾ ਕਿ ਮੈਂ ਰਵਿੰਦਰ ਜਡੇਜਾ ਨੂੰ ਚੁਣਾਂਗਾ, ਮੈਨੂੰ ਉਸਦੀ ਕੰਪਨੀ ਪਸੰਦ ਹੈ। ਉਹ ਮਜ਼ੇਦਾਰ ਹੈ।' ਉਨ੍ਹਾਂ ਨੇ ਕਿਹਾ ਕਿ ਮੈਂ ਉਸਦੇ ਫਾਰਮਹਾਊਸ 'ਤੇ ਲਾਕਡਾਊਨ ਬਿਤਾਉਣਾ ਪਸੰਦ ਕਰਾਂਗਾ। ਉਸਦਾ ਘੋੜਾ ਚਲਾਉਗਾ ਤੇ ਉਸ ਨੂੰ ਕਹਾਂਗਾ ਕਿ ਮੈਨੂੰ ਘੋੜਾ ਚਲਾਉਣਾ ਸਿਖਾਓ। ਅਸੀਂ ਵਧੀਆ ਖਾਣਾ ਖਾ ਸਕਦੇ ਹਾਂ। ਰੈਨਾ ਤੋਂ ਜਦੋਂ ਪੁੱਛਿਆ ਗਿਆ ਕਿ ਉਹ ਵਿਦੇਸ਼ੀ ਖਿਡਾਰੀ ਨੂੰ ਆਪਣਾ ਕੁਆਰੰਟੀਨ ਪਾਰਟਨਰ ਚੁਣਨਗੇ ਤਾਂ ਉਨ੍ਹਾਂ ਨੇ ਬ੍ਰਾਵੋ ਦਾ ਨਾਂ ਲਿਆ।
ਖੱਬੇ ਹੱਥ ਦੇ ਇਸ ਬੱਲੇਬਾਜ਼ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਮੈਂ ਬ੍ਰਾਵੋ ਨੂੰ ਚੁਣਾਂਗਾ। ਇਸ ਲਾਕਡਾਊਨ 'ਚ ਤੁਹਾਨੂੰ ਡਾਂਸ ਕਰਨ ਦੀ ਜ਼ਰੂਰਤ ਹੈ। ਮੈਨੂੰ ਲੱਗਦਾ ਹੈ ਕਿ ਉਹ ਤੁਹਾਨੂੰ ਖੁਸ਼ ਕਰਨ ਦੇ ਲਈ ਕੁਝ ਵੀ ਕਰ ਸਕਦੇ ਹਨ। ਉਹ ਤੁਹਾਨੂੰ ਅਲੱਗ-ਅਲੱਗ ਗਾਣਿਆਂ 'ਤੇ ਡਾਂਸ ਕਰਵਾ ਦੇਣਗੇ। ਇਸ ਲਈ ਮੈਂ ਵਿਦੇਸ਼ੀ ਖਿਡਾਰੀਆਂ 'ਚ ਉਸ ਨੂੰ ਚੁਣਾਂਗਾ।