ਗਿਲਕ੍ਰਿਸਟ ਨੇ ਕੋਠਾਰੀ ਨੂੰ ਲਗਾਤਾਰ ਖਿਤਾਬ ਜਿੱਤਣ ਤੋਂ ਰੋਕਿਆ
06/15/2019 10:28:46 AM
ਸਪੋਰਟਸ ਡੈਸਕ— ਅਨੁਭਵੀ ਪੀਟਰ ਗਿਲਕ੍ਰਿਸਟ ਨੇ ਸ਼ੁੱਕਰਵਾਰ ਨੂੰ 2019 ਪੈਸਿਫਿਕ ਇੰਟਰਨੈਸ਼ਨਲ ਬਿਲੀਅਰਡਸ ਚੈਂਪੀਅਨਸ਼ਿਪ ਜਿੱਤ ਲਈ ਜਿਸ ਨਾਲ ਮੌਜੂਦਾ ਵਿਸ਼ਵ ਚੈਂਪੀਅਨ ਸੌਰਵ ਕੋਠਾਰੀ ਇੱਥੇ ਲਗਾਤਾਰ ਖਿਤਾਬ ਹਾਸਲ ਕਰਨ ਤੋਂ ਖੁੰਝੇ ਗਏ। ਕੋਲਕਾਤਾ ਦੇ ਕਿਊ ਖਿਡਾਰੀ ਸ਼ਾਨਦਾਰ ਫਾਰਮ 'ਚ ਹਨ, ਉਨ੍ਹਾਂ ਨੇ ਇੰਟਰਨੈਸ਼ਨਲ ਰੇਵੇਨਟੋਨ ਕਲਾਸਿਕ ਸਨੂਕਰ ਚੈਂਪੀਅਨਸ਼ਿਪ ਦੇ ਇਲਾਵਾ ਆਸਟਰੇਲੀਆ 'ਚ ਤਿੰਨ ਮੁਕਾਬਲਿਆਂ 'ਚ ਖਿਤਾਬ ਜਿੱਤੇ।
ਇਸ ਤੋਂ ਬਾਅਦ ਉਹ ਇੱਥੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਫਾਈਨਲ ਤਕ ਪਹੁੰਚੇ। ਪਰ ਫਾਈਨਲ 'ਚ ਸਿੰਗਾਪੁਰ ਦੇ ਗਿਲਕ੍ਰਿਸਟ ਨੇ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਕਰਦੇ ਹੋਏ ਭਾਰਤੀ ਖਿਡਾਰੀ ਨੂੰ 1500-706 ਨਾਲ ਹਰਾਇਆ। ਗਿਲਕ੍ਰਿਸਟ ਨੇ ਇਸ ਤਰ੍ਹਾਂ 2018 ਡਬਲਿਊ.ਬੀ.ਐੱਲ. ਵਿਸ਼ਵ ਬਿਲੀਅਰਡਸ ਚੈਂਪੀਅਨਸ਼ਿਪ ਦੇ ਫਾਈਨਲਸ 'ਚ ਮਿਲੀ ਹਾਰ ਦਾ ਬਦਲਾ ਲੈ ਲਿਆ।
