IPL ਤੋਂ ਪਹਿਲਾਂ ਪਥੀਰਾਨਾ ਨੂੰ ਲੱਗੀ ਸੱਟ, CSK ਸੱਟਾਂ ਦੀ ਚਿੰਤਾ ਨਾਲ ਪਰੇਸ਼ਾਨ

ਚੇਨਈ- ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੇ ਆਗਾਮੀ ਸੀਜ਼ਨ ਵਿਚ ਸਿਰਫ ਦੋ ਹਫਤੇ ਬਾਕੀ ਹਨ ਅਤੇ ਮੌਜੂਦਾ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਦੀ ਤੇਜ਼ ਗੇਂਦਬਾਜ਼ ਮਥੀਸ਼ਾ ਪਥੀਰਾਨਾ ਆਪਣੀ ਖੱਬੀ ਲੱਤ ਵਿਚ 'ਗ੍ਰੇਡ ਵਨ ਹੈਮਸਟ੍ਰਿੰਗ' ਦੇ ਖਿਚਾਅ ਤੋਂ ਪੀੜਤ ਹਨ। ਸ਼੍ਰੀਲੰਕਾ ਦੇ ਇਸ ਗੇਂਦਬਾਜ਼ ਨੂੰ 6 ਮਾਰਚ ਨੂੰ ਸਿਲਹਟ 'ਚ ਬੰਗਲਾਦੇਸ਼ ਦੇ ਖਿਲਾਫ ਦੂਜੇ ਟੀ-20 ਅੰਤਰਰਾਸ਼ਟਰੀ ਮੈਚ ਦੌਰਾਨ ਇਹ ਸੱਟ ਲੱਗੀ ਸੀ, ਜਿਸ ਕਾਰਨ ਉਹ ਆਪਣਾ ਸਪੈਲ ਵੀ ਪੂਰਾ ਨਹੀਂ ਕਰ ਸਕੇ ਅਤੇ ਮੈਦਾਨ ਤੋਂ ਬਾਹਰ ਚਲੇ ਗਏ।,ਸ਼੍ਰੀਲੰਕਾ ਕ੍ਰਿਕੇਟ ਨੇ ਇੱਕ ਬਿਆਨ ਵਿੱਚ ਕਿਹਾ, “ਮਥੀਸ਼ਾ ਪਥੀਰਾਨਾ ਤੀਜੇ ਟੀ-20 ਅੰਤਰਰਾਸ਼ਟਰੀ (ਸ਼ਨੀਵਾਰ) ਲਈ ਚੋਣ ਲਈ ਉਪਲਬਧ ਨਹੀਂ ਹੋਣਗੇ ਕਿਉਂਕਿ ਖਿਡਾਰੀ ਨੂੰ ਖੱਬੇ ਪੈਰ ਵਿੱਚ ‘ਗ੍ਰੇਡ ਵਨ ਹੈਮਸਟ੍ਰਿੰਗ’ ਸੱਟ ਲੱਗ ਗਈ ਹੈ। ,
ਆਈਪੀਐੱਲ ਦਾ ਆਗਾਮੀ ਪੜਾਅ 22 ਮਾਰਚ ਤੋਂ ਸ਼ੁਰੂ ਹੋਵੇਗਾ ਜਿਸ ਵਿੱਚ ਪਹਿਲੇ ਮੈਚ ਵਿੱਚ ਚੇਨਈ ਸੁਪਰ ਕਿੰਗਜ਼ ਦਾ ਸਾਹਮਣਾ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨਾਲ ਹੋਵੇਗਾ। ਆਈਪੀਐੱਲ ਦੇ ਇੱਕ ਸੂਤਰ ਨੇ ਕਿਹਾ, “ਗਰੇਡ ਵਨ ਹੈਮਸਟ੍ਰਿੰਗ ਦੀ ਸੱਟ ਤੋਂ ਪੂਰੀ ਤਰ੍ਹਾਂ ਠੀਕ ਹੋਣ ਵਿੱਚ ਲਗਭਗ ਦੋ ਹਫ਼ਤੇ ਲੱਗਦੇ ਹਨ। ਇਸ ਲਈ ਹੁਣ ਦੇਖਣਾ ਇਹ ਹੋਵੇਗਾ ਕਿ ਪਥੀਰਾਣਾ ਕਦੋਂ ਟੀਮ ਨਾਲ ਜੁੜ ਸਕਦੇ ਹਨ। ਫਿਲਹਾਲ ਇਹ ਕਹਿਣਾ ਬਹੁਤ ਮੁਸ਼ਕਲ ਹੋਵੇਗਾ ਕਿ ਉਹ ਪਹਿਲੇ ਕੁਝ ਮੈਚਾਂ ਲਈ ਉਪਲਬਧ ਹੋਣਗੇ ਜਾਂ ਨਹੀਂ। ,
ਪਥੀਰਾਨਾ ਨੇ 12 ਮੈਚਾਂ ਵਿੱਚ 19 ਵਿਕਟਾਂ ਲੈਂਦਿਆਂ ਚੇਨਈ ਸੁਪਰ ਕਿੰਗਜ਼ ਦੇ ਪਿਛਲੇ ਆਈਪੀਐੱਲ ਖਿਤਾਬ ਵਿੱਚ ਵੱਡੀ ਭੂਮਿਕਾ ਨਿਭਾਈ ਸੀ।
ਚੇਨਈ ਸੁਪਰ ਕਿੰਗਜ਼ ਦੇ ਸਲਾਮੀ ਬੱਲੇਬਾਜ਼ ਡੇਵੋਨ ਕੋਨਵੇ ਘੱਟੋ-ਘੱਟ ਆਈਪੀਐੱਲ ਦੇ ਪਹਿਲੇ ਅੱਧ ਤੋਂ ਖੁੰਝ ਜਾਣਗੇ। ਨਿਊਜ਼ੀਲੈਂਡ ਦੇ ਇਸ ਬੱਲੇਬਾਜ਼ ਨੂੰ ਹਾਲ ਹੀ 'ਚ ਆਸਟ੍ਰੇਲੀਆ ਖਿਲਾਫ ਟੀ-20 ਸੀਰੀਜ਼ 'ਚ ਅੰਗੂਠੇ 'ਤੇ ਸੱਟ ਲੱਗ ਗਈ ਸੀ, ਜਿਸ ਕਾਰਨ ਉਹ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ 'ਚ ਨਹੀਂ ਖੇਡ ਰਹੇ ਹਨ।
ਕੋਨਵੇ ਆਈਪੀਐੱਲ 2023 ਵਿੱਚ 672 ਦੌੜਾਂ ਬਣਾ ਕੇ ਟੀਮ ਵੱਲੋਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਰਹੇ ਸਨ।