ਪਿੱਠ ਦੀ ਸਰਜਰੀ ਤੋਂ ਬਾਅਦ ਜਿਮ 'ਚ ਪਰਤੇ ਪੰਡਯਾ, ਬੁਮਰਾਹ ਨੇ ਉਡਾਇਆ ਮਜ਼ਾਕ (Video)

ਸਪੋਰਟਸ ਡੈਸਕ : ਭਾਰਤੀ ਟੀਮ ਦੇ ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਆਪਣੇ ਮਹਿੰਗੇ ਸ਼ੌਕ ਲਈ ਅਕਸਰ ਚਰਚਾਵਾਂ ਵਿਚ ਰਹਿੰਦੇ ਹਨ ਪਰ ਹਾਲੀ ਹੀ 'ਚ ਪੰਡਯਾ ਨੇ ਲੰਡਨ ਵਿਚ ਆਪਣੀ ਪਿੱਠ ਦੀ ਸਰਜਰੀ ਕਰਵਾਈ ਸੀ। ਅਜਿਹੇ 'ਚ ਹਾਰਦਿਕ ਪੰਡਯਾ ਨੇ ਸੋਸ਼ਲ ਮੀਡੀਆ 'ਤੇ ਇਕ ਇਕ ਵੀਡੀਓ ਅਪਲੋਡ ਕੀਤੀ, ਜਿਸ ਵਿਚ ਉਹ ਸਰਜਰੀ ਤੋਂ ਬਾਅਦ ਪਹਿਲੀ ਵਾਰ ਜਿਮ ਵਿਚ ਕਸਰਤ ਕਰਦੇ ਦਿਸੇ। ਇਸ ਵੀਡੀਓ 'ਤੇ ਭਾਰਤੀ ਟੀਮ ਦੇ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਟ੍ਰੋਲ ਕੀਤਾ ਹੈ।

Pilates to help me with my recovery.. Doing everything I can and more to get out there stronger and better than before. Thank you for all your encouraging wishes 🙏 #TrustTheProcess pic.twitter.com/MKVCvdTE65

— hardik pandya (@hardikpandya7) November 15, 2019

ਦਰਅਸਲ, ਹਾਰਦਿਕ ਪੰਡਯਾ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਵੀਡੀਓ ਅਪਲੋਡ ਕਰਦਿਆਂ ਕੈਪਸ਼ਨ ਵਿਚ ਲਿਖਿਆ, ''ਪਾਈਲੇਟਸ ਮੇਰੇ ਫਿਰ ਠੀਕ ਹੋਣ 'ਚ ਮਦਦ ਕਰਨ ਲਈ ਹੈ। ਪਹਿਲਾਂ ਤੋਂ ਜ਼ਿਆਦਾ ਮਜ਼ਬੂਤ ਅਤੇ ਬਿਹਤਰ ਹੋਣ ਲਈ। ਜੋ ਕੁਝ ਵੀ ਮੈਂ ਕਰ ਸਕਦਾ ਹਾਂ, ਉਹ ਕਰ ਰਿਹਾ ਹਾਂ। ਤੁਹਾਡਾ ਸਭ ਦਾ ਉਤਸ਼ਾਹ ਦੇਣ ਵਾਲੀਆਂ ਸ਼ੁਭਕਾਮਨਾਵਾਂ ਦੇਣ ਲਈ ਧੰਨਵਾਦ।''

ਇਸ ਵੀਡੀਓ 'ਤੇ ਭਾਰਤੀ ਸਟਾਰ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਕੁਮੈਂਟ ਕੀਤਾ। ਕੁਮੈਂਟ ਦੇ ਜ਼ਰੀਏ ਬੁਮਰਾਹ ਨੇ ਹਾਰਦਿਕ ਨੂੰ ਟ੍ਰੋਲ ਕਰਦਿਆਂ ਲਿਖਿਆ, ''ਸਰ ਤੁਸੀਂ ਪ੍ਰੈਸ਼ਰ ਕੁਕਰ ਦੀ ਤਰ੍ਹਾਂ ਆਵਾਜ਼ ਕਰ ਰਹੇ ਹੋ।''