ਕੋਰੋਨਾ ਪਾਜ਼ੇਟਿਵ ਹੋਣ ਦੇ ਬਾਵਜੂਦ ਸੀਰੀਜ਼ ਖੇਡਣ ਇੰਗਲੈਂਡ ਜਾਵੇਗੀ ਪਾਕਿ ਟੀਮ

ਲਾਹੌਰ - ਪਾਕਿਸਤਾਨ ਦੀ ਟੀਮ ਦੇ 10 ਖਿਡਾਰੀ ਕੋਰੋਨਾ ਪਾਜ਼ੇਟਿਵ ਪਾਏ ਜਾਣ ਦੇ ਬਾਵਜੂਦ ਬਾਕੀ ਖਿਡਾਰੀਆਂ ਦੇ ਨਾਲ ਇੰਗਲੈਂਡ ਸੀਰੀਜ਼ ਖੇਡਣ ਜਾਵੇਗੀ। ਟੀਮ ਸ਼ਨੀਵਾਰ ਨੂੰ ਲਾਹੌਰ ਤੋਂ ਲੰਡਨ ਰਵਾਨਾ ਹੋ ਰਹੀ ਹੈ। ਪਾਕਿਸਤਾਨ ਟੀਮ ਦੇ ਖਿਡਾਰੀ ਐਤਵਾਰ ਨੂੰ ਉੱਥੇ ਪਹੁੰਚ ਜਾਣਗੇ। ਇਸ ਗੱਲ ਦੀ ਜਾਣਕਾਰੀ ਇੰਗਲੈਂਡ ਕ੍ਰਿਕਟ ਬੋਰਡ ਨੇ ਟਵੀਟ ਕਰ ਕੇ ਦਿੱਤੀ ਹੈ। ਦੱਸ ਦੇਈਏ ਕਿ ਖਿਡਾਰੀਆਂ ਨੂੰ ਲਾਹੌਰ ਦੇ ਇਕ 5 ਸਟਾਰ ਹੋਟਲ 'ਚ ਰੱਖਿਆ ਗਿਆ ਹੈ। ਜੋ ਖਿਡਾਰੀ ਕੋਰੋਨਾ ਪਾਜ਼ੇਟਿਵ ਪਾਏ ਹਨ ਉਨ੍ਹਾਂ ਨੂੰ ਘਰ ਭੇਜ ਦਿੱਤਾ ਗਿਆ ਹੈ ਤੇ ਮੈਡੀਕਲ ਟੀਮ ਉਸ 'ਤੇ ਲਗਾਤਾਰ ਨਜ਼ਰ ਰੱਖ ਰਹੀ ਹੈ।

Pakistan men's team will arrive in the UK on Sunday to start preparation for this summer's tour of England

— England and Wales Cricket Board (@ECB_cricket) June 26, 2020

ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਇਸ ਤੋਂ ਪਹਿਲਾਂ ਐਲਾਨ ਕੀਤਾ ਸੀ ਕਿ 29 ਖਿਡਾਰੀਆਂ ਦੇ ਨਾਲ ਇੰਗਲੈਂਡ ਜਾਵਾਂਗੇ। ਫਿਲਹਾਲ 19 ਖਿਡਾਰੀ ਹੋਰ ਸਪੋਰਟ ਸਟਾਫ ਇੰਗਲੈਂਡ ਰਵਾਨਾ ਹੋ ਰਹੇ ਹਨ। ਪਾਕਿਸਤਾਨ ਟੀਮ ਐਤਵਾਰ ਨੂੰ ਇੰਗਲੈਂਡ ਪਹੁੰਚ ਰਹੀ ਹੈ। ਇਸ ਗੱਲ ਦਾ ਐਲਾਨ ਇੰਗਲੈਂਡ ਕ੍ਰਿਕਟ ਬੋਰਡ ਵਲੋਂ ਵੀ ਕਰ ਦਿੱਤਾ ਗਿਆ ਹੈ। ਪਾਕਿਸਤਾਨ ਦੇ ਖਿਡਾਰੀਆਂ ਨੂੰ ਇੰਗਲੈਂਡ ਪਹੁੰਚ ਕੇ ਪਹਿਲਾਂ ਡਰਬੀਸ਼ਾਇਰ 'ਚ 14 ਦਿਨਾਂ ਦੇ ਲਈ ਅਲੱਗ ਰਹਿਣਾ ਹੋਵੇਗਾ।