ਪਾਕਿ ਨੇ ਜ਼ਿੰਬਾਬਵੇ ਨੂੰ ਵਨ ਡੇ ਸੀਰੀਜ਼ ''ਚ ਕੀਤਾ ਕਲੀਨ ਸਵੀਪ

ਬੁਲਾਵਾਓ— ਪਾਕਿਸਤਾਨ ਤੇ ਜ਼ਿੰਬਾਬਵੇ ਵਿਚਾਲੇ ਵਨ ਡੇ ਸੀਰੀਜ਼ ਦਾ 5ਵਾਂ ਤੇ ਆਖਰੀ ਮੈਚ ਐਤਵਾਰ ਨੂੰ ਬੁਲਾਵਾਓ 'ਚ ਖੇਡਿਆ ਗਿਆ। ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਪਾਕਿਸਤਾਨ ਨੇ ਜ਼ਿੰਬਾਬਵੇ ਨੂੰ 365 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਜਵਾਬ 'ਚ ਬੱਲੇਬਾਜ਼ੀ ਕਰਨ ਉੱਤਰੀ ਜ਼ਿੰਬਾਬਵੇ ਟੀਮ 50 ਓਵਰਾਂ 'ਚ 4 ਵਿਕਟਾਂ 'ਤੇ 233 ਦੌੜਾਂ ਹੀ ਬਣਾ ਸਕੀ ਤੇ ਪਾਕਿਸਤਾਨ ਨੇ ਇਹ ਮੈਚ 131 ਦੌੜਾਂ ਨਾਲ ਜਿੱਤ ਲਿਆ। ਇਸ ਦੇ ਨਾਲ ਹੀ ਪਾਕਿਸਤਾਨ ਨੇ ਜ਼ਿੰਬਾਬਵੇ ਨੂੰ ਵਨ ਡੇ ਸੀਰੀਜ਼ 'ਚ 5-0 ਨਾਲ ਹਰਾ ਕੇ ਕਲੀਨ ਸਵੀਪ ਕਰ ਦਿੱਤਾ।

ਪਾਕਿਸਤਾਨ ਨੇ ਪਹਿਲਾ ਮੈਚ 201 ਦੌੜਾਂ ਨਾਲ, ਦੂਜਾ ਤੇ ਤੀਜਾ ਮੈਚ 9 ਵਿਕਟਾਂ ਨਾਲ, ਚੌਥਾ ਮੈਚ 244 ਦੌੜਾਂ ਨਾਲ ਤੇ ਪੰਜਵਾਂ ਮੈਚ 131 ਦੌੜਾਂ ਨਾਲ ਜਿੱਤਿਆ। ਬਾਬਰ ਖਾਨ ਨੇ 5ਵੇਂ ਮੈਚ 'ਚ ਜੇਤੂ 106 ਦੌੜਾਂ ਬਣਾਈਆਂ ਜਿਸ 'ਚ 9 ਚੌਕੇ ਤੇ 2 ਛੱਕੇ ਸ਼ਾਮਲ ਹਨ ਤੇ ਇਮਾਮ ਓਲ ਹੱਕ ਨੇ 110 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ।