ਮੌਂਟੀ ਕਾਰਲੋ ''ਚ ਰਿਕਾਰਡ 12ਵੇਂ ਖਿਤਾਬ ਲਈ ਖੇਡਣਗੇ ਨਡਾਲ

4/16/2019 5:57:36 PM

ਪੈਰਿਸ : ਸਪੈਨਿਸ਼ ਟੈਨਿਸ ਖਿਡਾਰੀ ਰਾਫੇਲ ਨਡਾਲ ਏ. ਟੀ. ਪੀ. ਮੌਂਟੀ ਕਾਰਲੋ ਮਾਸਟਰਸ ਵਿਚ ਆਪਣੇ ਰਿਕਾਰਡ 12ਵੇਂ ਖਿਤਾਬ ਲਈ ਉਤਰਨਗੇ। ਨਡਾਲ ਬੁੱਧਵਾਰ ਨੂੰ ਪੁਰਸ਼ ਸਿੰਗਲਜ਼ ਦੇ ਦੂਜੇ ਰਾਊਂਡ ਵਿਚ ਹਮਵਤਨ ਰਾਬਟਰੇ ਬਤਿਸਤਾ ਖਿਲਾਫ ਖੇਡਣਗੇ। ਪਿਛਲੇ ਮਹੀਨੇ ਪਰੀਬਾ ਓਪਨ ਦੇ ਪਹਿਲੇ ਮੈਚ ਤੋਂ ਹਟਣ ਦੇ ਬਾਅਦ ਇਹ ਉਸ ਦਾ ਪਹਿਲਾ ਟੂਰਨਾਮੈਂਟ ਹੈ। ਦੂਜਾ ਦਰਜਾ ਪ੍ਰਾਪਤ ਸਪੈਨਿਸ਼ ਖਿਡਾਰੀ ਨੇ ਟੂਰਨਾਮੈਂਟ ਤੋਂ ਪਹਿਲਾਂ ਕਿਹਾ, ''ਮੇਰਾ ਸਾਲ ਮੁਸ਼ਕਲ ਭਰਿਆ ਰਿਹਾ ਹੈ। ਮੈਂ ਅਜੇ ਨਹੀਂ ਦੱਸ ਸਕਦਾ ਕਿ ਮੈਂ ਕਿਵੇਂ ਹਾਂ। ਮੇਰੀ ਕੋਸ਼ਿਸ਼ ਹੈ ਕਿ ਮੈਂ ਵਧੀਆ ਅਭਿਆਸ ਕਰਾਂ ਅਤੇ ਟੂਰਨਾਮੈਂਟ ਦੇ ਪਹਿਲੇ ਮੈਚ ਵਿਚ ਚੰਗਾ ਕਰਾਂ। ਮੈਨੂੰ ਯਕੀਨ ਹੈ ਕਿ ਅਗੁਤ ਖਿਲਾਫ ਖੇਡਣਾ ਆਸਾਨ ਨਹੀਂ ਹੋਵੇਗਾ।''

PunjabKesari

ਆਪਣੇ ਰਿਕਾਰਡ 12ਵੇਂ ਖਿਤਾਬ ਲਈ ਮੌਂਟੀ ਕਾਰਲੋ ਵਿਚ ਖੇਡ ਰਹੇ ਸਪੈਨਿਸ਼ ਖਿਡਾਰੀ ਨੇ ਕਿਹਾ, ''ਦੇਖਦੇ ਹਾਂ ਕਿ ਕੀ ਹੁੰਦਾ ਹੈ, ਫਿਲਹਾਲ ਮੇਰਾ ਧਿਆਨ ਟੂਰਨਾਮੈਂਟ ਵਿਚ ਚੰਗਾ ਪ੍ਰਦਰਸ਼ਨ ਕਰਨ ਵੱਲ ਹੈ। ਮੌਂਟੀ ਕਾਰਲੋ ਦੇ ਨਿਵਾਸੀ ਅਤੇ ਚੋਟੀ ਦਰਜਾ ਪ੍ਰਾਪਤ ਨੋਵਾਕ ਜੋਕੋਵਿਚ ਨੇ ਵੀ ਘਰੇਲੂ ਟੂਰਨਾਮੈਂਟ ਵਿਚ ਚੰਗਾ ਪ੍ਰਦਰਸ਼ਨ ਦਾ ਭਰੋਸਾ ਜਤਾਇਆ ਹੈ। ਸਰਬੀਆਈ ਖਿਡਾਰੀ ਨੇ ਕਿਹਾ, ''ਮੈਂ ਇੱਥੇ ਰਹਿੰਦਾ ਹਾਂ ਅਤੇ ਘਰੇ ਵਿਚ ਖੇਡਣਾ ਮੈਨੂੰ ਪਸੰਦ ਹੈ। ਮੌਂਟੀ ਕਾਰਲੋ ਕੰਟਰੀ ਕਲੱਬ ਮੇਰੇ ਲਈ ਪਿਛਲੇ 15 ਸਾਲਾ ਤੋਂ ਟ੍ਰੇਨਿੰਗ ਸੈਂਟਰ ਰਿਹਾ ਹੈ। ਮੈਂ ਇੱਥੇ ਕੰਮ ਕਰਨ ਵਾਲੇ ਹਰ ਵਿਅਕਤੀ ਨੂੰ ਜਾਣਦਾ ਹਾਂ।''



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ