ਮੈਕਸੀਕਨ ਓਪਨ : ਕੈਸਪਰ ਰੂਡ ਟੂਰਨਾਮੈਂਟ ਦੇ ਦੂਜੇ ਦੌਰ ਵਿੱਚ ਪੁੱਜੇ

ਮੈਕਸੀਕੋ ਸਿਟੀ : ਦੂਜਾ ਦਰਜਾ ਪ੍ਰਾਪਤ ਕੈਸਪਰ ਰੂਡ ਨੇ ਅਰਜਨਟੀਨਾ ਦੇ ਕੁਆਲੀਫਾਇਰ ਗੁਈਡੋ ਆਂਦ੍ਰੇਓਜ਼ੀ ਨੂੰ 6-4, 4-6, 7-6 (2) ਨਾਲ ਹਰਾ ਕੇ ਮੈਕਸੀਕੋ ਓਪਨ ਟੈਨਿਸ ਟੂਰਨਾਮੈਂਟ ਦੇ ਦੂਜੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ। ਰੂਡ ਨੇ ਹੁਣ ਤੱਕ ਤਿੰਨ ਖਿਤਾਬ ਜਿੱਤੇ ਹਨ ਅਤੇ 2022 ਵਿੱਚ ਫਰੈਂਚ ਓਪਨ ਅਤੇ ਯੂਐਸ ਓਪਨ ਦੇ ਫਾਈਨਲ ਵਿੱਚ ਪਹੁੰਚਿਆ ਹੈ। ਉਹ ਦੂਜੀ ਵਾਰ ਮੈਕਸੀਕੋ ਓਪਨ ਵਿੱਚ ਹਿੱਸਾ ਲੈ ਰਿਹਾ ਹੈ।

ਦੋ ਸਾਲ ਪਹਿਲਾਂ ਉਹ ਇੱਥੇ ਕੁਆਰਟਰ ਫਾਈਨਲ ਵਿੱਚ ਪਹੁੰਚਿਆ ਸੀ। ਰੂਡ ਦਾ ਅਗਲਾ ਮੁਕਾਬਲਾ ਟਾਰੋ ਡੇਨੀਅਲ ਨਾਲ ਹੋਵੇਗਾ, ਜਿਸ ਨੇ ਜੇਜੇ ਵੁਲਫ ਨੂੰ 6-4, 6-4 ਨਾਲ ਹਰਾਇਆ। ਇੱਕ ਹੋਰ ਮੈਚ ਵਿੱਚ ਚੌਥਾ ਦਰਜਾ ਪ੍ਰਾਪਤ ਹੋਲਗਰ ਰੂਨ ਨੇ ਬੇਨ ਸ਼ੈਲਟਨ ਨੂੰ 6-7(7), 6-4, 6-2 ਨਾਲ ਹਰਾਇਆ। ਉਸਦਾ ਅਗਲਾ ਮੁਕਾਬਲਾ ਨੂਨੋ ਬੋਰਗੇਸ ਜਾਂ ਨਿਕ ਚੈਪਲ ਨਾਲ ਹੋਵੇਗਾ। ਟੇਲਰ ਫ੍ਰਿਟਜ਼, ਟੌਮੀ ਪਾਲ, ਡੈਨਿਸ ਸ਼ਾਪੋਵਾਲੋਵ, ਮਾਈਕਲ ਮਾਮੋਹ, ਫੇਲਿਸੀਆਨੋ ਲੋਪੇਜ਼ ਅਤੇ ਫਰਾਂਸਿਸ ਟਿਆਫੋ ਨੇ ਵੀ ਆਪਣੇ-ਆਪਣੇ ਮੈਚ ਜਿੱਤੇ।