ਐਮਬਾਪੇ ਦੇ ਸ਼ਾਨਦਾਰ ਯੋਗਦਾਨ ਨਾਲ PSG 4-1 ਨਾਲ ਜਿੱਤਿਆ

ਪੈਰਿਸ, (ਭਾਸ਼ਾ)- ਕਾਇਲੀਅਨ ਐਮਬਾਪੇ ਨੇ ਦੋ ਗੋਲ ਕਰਨ 'ਚ ਸਹਾਇਤਾ ਅਤੇ ਦੋ ਗੋਲ ਕੀਤੇ ਜਿਸ ਨਾਲ ਪੈਰਿਸ ਸੇਂਟ-ਜਰਮੇਨ (ਪੀ. ਐਸ. ਜੀ.) ਨੇ ਸ਼ਨੀਵਾਰ ਨੂੰ ਇੱਥੇ ਓਰਲੀਆਂਜ਼ ਨੂੰ 4-1 ਨਾਲ ਹਰਾਇਆ ਅਤੇ ਫ੍ਰੈਂਚ ਕੱਪ ਦੇ 16ਵੇਂ ਦੌਰ ਵਿੱਚ ਪਹੁੰਚ ਗਿਆ। ਐਮਬਾਪੇ ਨੇ 16ਵੇਂ ਅਤੇ 62ਵੇਂ ਮਿੰਟ ਵਿੱਚ ਦੋ ਗੋਲ ਕੀਤੇ, ਜਿਸ ਨਾਲ ਇਸ ਸੀਜ਼ਨ ਵਿੱਚ 26 ਮੈਚਾਂ ਵਿੱਚ ਉਸਦੇ ਗੋਲਾਂ ਦੀ ਗਿਣਤੀ 28 ਹੋ ਗਈ ਹੈ। 

ਫਿਰ ਐਮਬਾਪੇ ਨੇ 71ਵੇਂ ਮਿੰਟ ਵਿੱਚ ਕ੍ਰਾਸ ਨਾਲਗੋਂਕਾਲੋ ਰਾਮੋਸ ਨੂੰ ਅਤੇ 88ਵੇਂ ਮਿੰਟ ਵਿਚ ਬਦਲਵੇਂ ਮਿਡਫੀਲਡਰ ਸੇਨੀ ਮੇਯੁਲੂ ਨੂੰ ਗੋਲ ਕਰਨ ਵਿਚ ਮਦਦ ਕੀਤੀ। ਮੋਨਾਕੋ ਨੇ ਤਜਰਬੇਕਾਰ ਸਟ੍ਰਾਈਕਰ ਵਿਸਾਮ ਬੇਨ ਯੇਡਰ ਦੀ ਹੈਟ੍ਰਿਕ ਦੀ ਬਦੌਲਤ ਰੋਡੇਜ਼ 'ਤੇ 3-1 ਦੀ ਜਿੱਤ ਨਾਲ PSG ਨਾਲ ਅਗਲੇ ਦੌਰ 'ਚ ਪ੍ਰਵੇਸ਼ ਕੀਤਾ। ਪਰ 2022 ਦੇ ਜੇਤੂ ਨੈਂਟਸ ਲਾਵਲ ਤੋਂ 0-1 ਨਾਲ ਹਾਰ ਗਏ। ਰਾਊਂਡ 32 ਦੇ ਦੂਜੇ ਮੈਚ ਵਿੱਚ ਨਾਇਸ ਨੇ ਬਾਰਡੋ ਉੱਤੇ 3-2 ਨਾਲ ਜਿੱਤ ਦਰਜ ਕੀਤੀ। ਬ੍ਰੈਸਟ ਨੇ ਵੀ ਟਰੇਲੀਸਾਚ 'ਤੇ 2-1 ਦੀ ਜਿੱਤ ਨਾਲ ਅਗਲੇ ਗੇੜ ਵਿੱਚ ਪ੍ਰਵੇਸ਼ ਕੀਤਾ।