ਸਟੋਈਨਿਸ ਨੇ 5 ਓਵਰਾਂ ''ਚ ਹੀ ਬਣਾਈਆਂ 96 ਦੌੜਾਂ, ਲਾਇਆ ਧਮਾਕੇਦਾਰ ਸੈਂਕੜਾ

ਨਵੀਂ ਦਿੱਲੀ— ਆਸਟਰੇਲੀਆ 'ਚ ਚਲ ਰਹੀ ਘਰੇਲੂ ਵਨ-ਡੇ ਸੀਰੀਜ਼ ਦੇ ਦੌਰਾਨ ਮਾਰਕਸ ਸਟੋਈਨਿਸ ਨੇ ਆਪਣੇ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਵੈਸਟਰਨ ਆਸਟਰੇਲੀਆ ਵੱਲੋਂ ਖੇਡ ਰਹੇ ਸਟੋਈਨਿਸ ਨੇ 58 ਗੇਂਦਾਂ 'ਚ ਅਜੇਤੂ 101 ਦੌੜਾਂ ਬਣਾਈਆਂ ਅਤੇ ਆਪਣੀ ਟੀਮ ਨੂੰ ਵਿਕਟੋਰੀਆ ਖਿਲਾਫ 8 ਵਿਕਟਾਂ 'ਤੇ 386 ਦੌੜਾਂ ਦੇ ਸਕੋਰ ਤਕ ਪਹੁੰਚਾ ਦਿੱਤਾ। ਵਿਕਟੋਰੀਆ ਦੇ ਗੇਂਦਬਾਜ਼ ਵਿਲ ਸਦਰਲੈਂਡ ਨੇ 10 ਓਵਰ 'ਚ 102 ਦੌੜਾਂ ਲੁਟਾਈਆਂ।

FOUR sixes in the over from Marcus Stoinis and this one was just outrageous 💪 #MarshCup | @MarshGlobal pic.twitter.com/kYWFY1njtw

— cricket.com.au (@cricketcomau) September 21, 2019

ਇਕੱਲੇ ਸਟੋਈਨਿਸ ਹੀ ਨਹੀਂ ਸਗੋਂ ਇਸ ਮੈਚ 'ਚ ਕੈਮਰਨ ਬੇਨਕ੍ਰਾਫਟ ਨੇ ਵੀ 76 ਗੇਂਦਾਂ 'ਚ 78 ਦੌੜਾਂ ਬਣਾਈਆਂ। ਜੋਸ ਫਿਲਿਪ ਨੇ 43 ਗੇਂਦਾਂ 'ਚ 10 ਚੌਕਿਆਂ ਦੀ ਮਦਦ ਨਾਲ 61 ਦੌੜਾਂ ਬਣਾਈਆਂ। ਐਸ਼ਟਨ ਟਰਨਰ ਨੇ 52 ਦੌੜਾਂ ਦੀ ਪਾਰੀ ਖੇਡੀ। ਸਟੋਈਨਿਸ ਨੇ ਪਾਰੀ ਦੇ 48ਵੇਂ ਓਵਰ 'ਚ ਸਕਾਟ ਬੋਲੇਂਡ ਦੀਆਂ ਗੇਂਦਾਂ 'ਤੇ 4 ਛੱਕੇ ਉਡਾਉਂਦੇ ਹੋਏ 28 ਦੌੜਾਂ ਵੀ ਬਣਾਈਆਂ।
 

Marcus Stoinis was on 95 with one ball left in the innings and then...

Full innings highlights HERE: https://t.co/mII4JPkFem#MarshCup | @MarshGlobal pic.twitter.com/bpJnC9y6RX

— cricket.com.au (@cricketcomau) September 21, 2019

ਜਦਕਿ ਵੱਡੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਵਿਕਟੋਰੀਆ ਦੀ ਟੀਮ 39.2 ਓਵਰ 'ਚ 261 ਦੌੜਾਂ 'ਤੇ ਸਿਮਟ ਗਈ। ਹਾਲਾਂਕਿ ਉਸ ਦੀ ਸ਼ੁਰੂਆਤ ਚੰਗੀ ਸੀ। ਨਿਕ ਮੇਡਿਨਸਨ (87) ਅਤੇ ਗਲੇਨ ਮੈਕਸਵੇਲ (51) ਨੇ ਅਰਧ ਸੈਂਕੜੇ ਲਾਏ ਪਰ ਕੋਈ ਹੋਰ ਬੱਲੇਬਾਜ਼ ਵਿਕਟ 'ਤੇ ਟਿੱਕਿਆ ਨਹੀਂ ਰਹਿ ਸਕਿਆ ਜਿਸ ਦੇ ਚਲਦੇ ਵਿਕਟੋਰੀਆ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ।