ਮਹੇਲਾ ਜੈਵਰਧਨੇ ਨੇ ਮੁੰਬਈ ਇੰਡੀਅਨਜ਼ ਦੇ ਮੁੱਖ ਕੋਚ ਦੇ ਅਹੁਦੇ ਤੋਂ ਦਿੱਤਾ ਅਸਤੀਫ਼ਾ

ਮੁੰਬਈ : ਸ੍ਰੀਲੰਕਾ ਦੇ ਦਿੱਗਜ ਕ੍ਰਿਕਟਰ ਮਹੇਲਾ ਜੈਵਰਧਨੇ ਨੇ ਪੰਜ ਵਾਰ ਦੀ ਆਈ.ਪੀ.ਐੱਲ. ਚੈਂਪੀਅਨ ਮੁੰਬਈ ਇੰਡੀਅਨਜ਼ ਦੇ ਮੁੱਖ ਕੋਚ ਦੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਫ੍ਰੈਂਚਾਈਜ਼ੀ ਨੇ ਸ਼ਨੀਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ। ਜੈਵਰਧਨੇ ਨੇ ਪਹਿਲੀ ਵਾਰ 2017 ਤੋਂ 2022 ਤੱਕ ਮੁੰਬਈ ਦੀ ਕੋਚਿੰਗ ਸੰਭਾਲੀ ਸੀ, ਜਿਸ ਦੌਰਾਨ ਟੀਮ ਨੇ 2017, 2019 ਅਤੇ 2020 ਵਿੱਚ ਤਿੰਨ ਖ਼ਿਤਾਬ ਜਿੱਤੇ ਸਨ। ਇਸ ਤੋਂ ਬਾਅਦ 2025 ਸੀਜ਼ਨ ਤੋਂ ਪਹਿਲਾਂ ਮਾਰਕ ਬਾਊਚਰ ਦੀ ਜਗ੍ਹਾ ਉਨ੍ਹਾਂ ਨੂੰ ਦੁਬਾਰਾ ਮੁੱਖ ਕੋਚ ਬਣਾਇਆ ਗਿਆ ਸੀ।

ਆਈ.ਪੀ.ਐੱਲ. 2025 ਵਿੱਚ ਮੁੰਬਈ ਚੌਥੇ ਸਥਾਨ 'ਤੇ ਰਹੀ ਸੀ, ਜਦਕਿ 2026 ਵਿੱਚ ਟੀਮ ਨੌਵੇਂ ਸਥਾਨ 'ਤੇ ਖਿਸਕ ਗਈ। ਮੁੰਬਈ ਇੰਡੀਅਨਜ਼ ਦੀ ਮਾਲਕਣ ਨੀਤਾ ਅੰਬਾਨੀ ਨੇ ਜੈਵਰਧਨੇ ਦੇ ਯੋਗਦਾਨ ਲਈ ਧੰਨਵਾਦ ਪ੍ਰਗਟਾਇਆ, ਜਦਕਿ ਜੈਵਰਧਨੇ ਨੇ ਵੀ ਫ੍ਰੈਂਚਾਈਜ਼ੀ ਅਤੇ ਪ੍ਰਸ਼ੰਸਕਾਂ ਦਾ ਆਭਾਰ ਜਤਾਇਆ। ਹੁਣ ਮੁੰਬਈ ਇੰਡੀਅਨਜ਼ ਨੂੰ 15 ਨਵੰਬਰ ਦੀ ਖਿਡਾਰੀ ਰਿਟੇਨਸ਼ਨ ਡੈੱਡਲਾਈਨ ਤੋਂ ਪਹਿਲਾਂ ਨਵਾਂ ਮੁੱਖ ਕੋਚ ਨਿਯੁਕਤ ਕਰਨਾ ਹੋਵੇਗਾ।