ਲਿਵਰਪੂਲ ਦੀ ਪ੍ਰੀਮੀਅਰ ਲੀਗ ਦੇ ਟਾਪ-4 ’ਚ ਵਾਪਸੀ
Thursday, May 20, 2021 - 07:59 PM (IST)
ਲੰਡਨ– ਲਿਵਰਪੂਲ ਨੇ ਇੱਥੇ ਬਰਨਲੇ ਨੂੰ 3-0 ਨਾਲ ਹਰਾ ਕੇ ਪ੍ਰੀਮੀਅਰ ਲੀਗ ਫੁੱਟਬਾਲ ਵਿਚ ਟਾਪ-4 ਵਿਚ ਵਾਪਸੀ ਕਰ ਲਈ ਹੈ। ਹੁਣ ਉਹ ਐਤਵਾਰ ਨੂੰ ਆਖਰੀ ਦੌਰ ਦਾ ਮੁਕਾਬਲਾ ਖੇਡੇਗਾ। ਉਸਦੇ ਚੈਂਪੀਅਨਸ ਲੀਗ ਲਈ ਕੁਆਲੀਫਾਈ ਕਰਨ ਦੀਆਂ ਸੰਭਾਵਨਾ ਵੱਧ ਗਈਆਂ ਹਨ, ਜਿਹੜੀਆਂ ਪਿਛਲੇ ਮਹੀਨੇ ਮੁਸ਼ਕਿਲ ਲੱਗ ਰਹੀਆਂ ਸਨ।
ਮਾਨਚੈਸਟਰ ਸਿਟੀ ਤੇ ਮਾਨਚੈਸਟਰ ਯੂਨਾਈਟਿਡ ਕੁਆਲੀਫਾਈ ਕਰ ਚੁੱਕੇ ਹਨ। ਚੇਲਸੀ 67 ਅੰਕ ਲੈ ਕੇ ਤੀਜੇ ਸਥਾਨ ’ਤੇ ਹੈ ਜਦਕਿ ਲਿਵਰਪੂਲ ਤੇ ਲੀਸੇਸਟਰ ਉਸ ਤੋਂ ਇਕ ਅੰਕ ਪਿੱਛੇ ਹੈ। ਲਿਵਰਪੂਲ ਗੋਲ ਔਸਤ ਦੇ ਆਧਾਰ ’ਤੇ ਚੌਥੇ ਤੇ ਲੀਸੇਸਟਰ ਪੰਜਵੇਂ ਸਥਾਨ ’ਤੇ ਹੈ। ਲਿਵਰਪੂਲ ਅਗਲਾ ਮੈਚ ਜਿੱਤਣ ’ਤੇ ਟਾਪ-4 ਵਿਚ ਰਹੇਗਾ। ਲੀਸੇਸਟਰ ਨੂੰ ਟੋਟੇਨਹਮ ਵਿਰੁੱਧ ਖੇਡਣਾ ਹੈ ਅਤੇ ਲਿਵਰਪੂਲ ਤੇ ਚੇਲਸੀ ਦੇ ਜਿੱਤਣ ’ਤੇ ਉਸਦਾ ਰਸਤਾ ਮੁਸ਼ਕਿਲ ਹੋ ਜਾਵੇਗਾ। ਚੇਲਸੀ ਨੂੰ ਐਸਟੋਨ ਵਿਲਾ ਨਾਲ ਖੇਡਣਾ ਹੈ।
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
