KL ਰਾਹੁਲ ਦਾ ਸੈਂਕੜਾ ਭਾਰਤੀ ਟੈਸਟ ਕ੍ਰਿਕਟ ਦੀਆਂ ਸਿਖਰਲੀਆਂ 10 ਪਾਰੀਆਂ ਵਿੱਚੋਂ ਇੱਕ: ਸੁਨੀਲ ਗਾਵਸਕਰ

ਸਪੋਰਟਸ ਡੈਸਕ— ਮਹਾਨ ਭਾਰਤੀ ਬੱਲੇਬਾਜ਼ ਸੁਨੀਲ ਗਾਵਸਕਰ ਨੇ ਦੱਖਣੀ ਅਫਰੀਕਾ ਖਿਲਾਫ ਸੁਪਰਸਪੋਰਟ ਪਾਰਕ 'ਚ ਖੇਡੇ ਜਾ ਰਹੇ ਪਹਿਲੇ ਟੈਸਟ ਦੇ ਦੂਜੇ ਦਿਨ ਕੇ. ਐੱਲ. ਰਾਹੁਲ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਤਾਰੀਫ ਕੀਤੀ। ਗਾਵਸਕਰ ਨੇ ਕਿਹਾ ਕਿ ਉਹ ਰਾਹੁਲ ਦੇ 8ਵੇਂ ਟੈਸਟ ਸੈਂਕੜੇ ਨੂੰ ਭਾਰਤੀ ਟੈਸਟ ਕ੍ਰਿਕਟ ਦੇ ਇਤਿਹਾਸ ਦੇ ਸਿਖਰਲੇ 10 ਸੈਂਕੜਿਆਂ ਵਿੱਚ ਦਰਜਾ ਦੇਣਗੇ। ਰਾਹੁਲ ਨੇ ਕੁਸ਼ਲਤਾ ਨਾਲ ਸੈਂਚੁਰੀਅਨ ਦੇ ਉਛਾਲ ਅਤੇ ਸਵਿੰਗ ਕਾਰਨ ਪੈਦਾ ਹੋਈਆਂ ਚੁਣੌਤੀਆਂ ਦਾ ਸਾਹਮਣਾ ਕੀਤਾ ਅਤੇ ਸੈਂਕੜਾ ਜੜ ਕੇ ਭਾਰਤੀ ਟੀਮ ਨੂੰ 245 ਦੌੜਾਂ ਤੱਕ ਪਹੁੰਚਾਇਆ।

ਇਹ ਵੀ ਪੜ੍ਹੋ : ਸਾਬਕਾ ਕ੍ਰਿਕਟਰ ਨੇ ਫਾਈਵ ਸਟਾਰ ਹੋਟਲ ਨਾਲ ਕੀਤੀ ਲੱਖਾਂ ਦੀ ਠੱਗੀ, ਰਿਸ਼ਭ ਪੰਤ ਨੂੰ ਵੀ ਲਾਇਆ 1.63 ਕਰੋੜ ਦਾ ਚੂਨਾ

ਫਿਲਹਾਲ ਕੇ. ਐੱਲ. ਰਾਹੁਲ ਦੀ ਪਾਰੀ ਦੇਖਣ ਤੋਂ ਬਾਅਦ ਕੁਮੈਂਟਰੀ ਕਰ ਰਹੇ ਸੁਨੀਲ ਗਾਵਸਕਰ ਨੇ ਕਿਹਾ ਕਿ ਮੈਂ 50 ਸਾਲਾਂ ਤੋਂ ਕ੍ਰਿਕਟ ਦੇਖ ਰਿਹਾ ਹਾਂ, ਮੈਂ ਯਕੀਨਨ ਕਹਿ ਸਕਦਾ ਹਾਂ ਕਿ ਰਾਹੁਲ ਦਾ ਇਹ ਸੈਂਕੜਾ ਭਾਰਤੀ ਟੈਸਟ ਇਤਿਹਾਸ 'ਚ ਟਾਪ 10 'ਚ ਹੈ, ਕਿਉਂਕਿ ਇਹ ਇਕ ਵੱਖਰੀ ਕਿਸਮ ਦੀ ਪਿੱਚ ਹੈ। ਇੱਥੇ, ਇੱਕ ਬੱਲੇਬਾਜ਼ ਨੂੰ ਕਦੇ ਵੀ ਭਰੋਸਾ ਨਹੀਂ ਹੋਵੇਗਾ ਕਿ ਉਹ ਸੈੱਟ ਹੈ। ਗੇਂਦ ਕਿਸੇ ਵੀ ਸਮੇਂ ਕੁਝ ਵੀ ਕਰ ਸਕਦੀ ਹੈ। ਇਸ ਦੇ ਬਾਵਜੂਦ ਖਾਸ ਤੌਰ 'ਤੇ ਅੱਜ ਅਜਿਹੀ ਪਾਰੀ ਖੇਡ ਰਹੇ ਹਨ। ਮੰਗਲਵਾਰ ਨੂੰ ਉਹ 70 ਦੌੜਾਂ ਬਣਾ ਕੇ ਅਜੇਤੂ ਸੀ ਪਰ ਬੁੱਧਵਾਰ ਨੂੰ ਉਸ ਦੇ ਨਾਲ ਸਿਰਫ਼ ਸਿਰਾਜ ਅਤੇ ਪ੍ਰਸਿਧ ਕ੍ਰਿਸ਼ਨ ਸਨ। ਜਦੋਂ ਸਿਰਾਜ ਆਊਟ ਹੋਏ ਤਾਂ ਉਹ (ਰਾਹੁਲ) 95 ਦੌੜਾਂ 'ਤੇ ਸਨ। ਜਿਸ ਸ਼ਾਟ ਨਾਲ ਉਸ ਨੇ ਆਪਣਾ ਸੈਂਕੜਾ ਪੂਰਾ ਕੀਤਾ, ਉਸ ਦੀ ਜਿੰਨੀ ਵੀ ਪ੍ਰਸ਼ੰਸਾ ਕੀਤੀ ਜਾਵੇ ਉਹ ਘੱਟ ਹੈ। ਇਹ ਇੱਕ ਲੈਂਥ ਬਾਲ ਸੀ ਅਤੇ ਉਸਨੇ ਅਜਿਹਾ ਸ਼ਾਟ ਖੇਡਿਆ ਜੋ ਤੁਸੀਂ ਆਮ ਤੌਰ 'ਤੇ ਟੀ-20 ਵਿੱਚ ਦੇਖੋਗੇ। ਸ਼ਾਨਦਾਰ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।