WWE ਸੁਪਰਸਟਾਰ ਜਾਨ ਸੀਨਾ ਨੇ ਚੁੱਪ ਚੁਪੀਤੇ ਆਪਣੀ ਪ੍ਰੇਮਿਕਾ ਨਾਲ ਰਚਾਇਆ ਵਿਆਹ
10/15/2020 5:21:36 PM
ਸਪੋਰਟਸ ਡੈਸਕ : ਡਬਲਯੂ.ਡਬਲਯੂ.ਈ. ਸੁਪਰਸਟਾਰ ਅਤੇ ਹਾਲੀਵੁੱਡ ਅਦਾਕਾਰ ਜਾਨ ਸੀਨਾ ਨੇ ਆਪਣੀ ਪ੍ਰੇਮਿਕਾ ਸ਼ੇ ਸ਼ਾਰਿਅਟਜਦੇਹ ਨਾਲ ਵਿਆਹ ਕਰਵਾ ਲਿਆ ਹੈ। PWInsider ਦੀ ਰਿਪੋਰਟ ਵਿਚ ਇਸ ਗੱਲ ਦਾ ਖ਼ੁਲਾਸਾ ਕੀਤਾ ਗਿਆ ਹੈ।
ਮੰਗਲਵਾਰ ਨੂੰ ਫਲੋਰੀਡਾ ਦੇ ਟੈਂਪਾ ਵਿਚ ਇਸ ਸੈਰੇਮਨੀ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਇਸ ਸੈਰੇਮਨੀ ਵਿਚ ਪਰਿਵਾਰ, ਦੋਸਤ ਅਤੇ ਡਬਲਯੂ.ਡਬਲਯੂ.ਈ. ਟੈਲੇਂਟਸ ਦੀ ਹਾਜ਼ਰੀ ਰਹੀ ਸੀ। ਪਿਛਲੇ ਸਾਲ ਮਾਰਚ ਤੋਂ ਜਾਨ ਸੀਨਾ ਅਤੇ ਸ਼ੇ ਸ਼ਾਰਿਅਟਜਦੇਹ ਇਕੱਠੇ ਸਨ। ਇਸ ਸਾਲ ਦੀ ਸ਼ੁਰੂਆਤ ਵਿਚ ਇਹ ਵੀ ਖ਼ਬਰ ਆਈ ਸੀ ਕਿ ਦੋਵਾਂ ਦੀ ਮੰਗਣੀ ਹੋ ਗਈ ਹੈ।
ਜਾਨ ਸੀਨਾ ਅਤੇ ਸ਼ੇ ਸ਼ਾਰਿਅਟਜਦੇਹ ਇਕ-ਦੂਜੇ ਨੂੰ ਮਾਰਚ 2019 ਤੋਂ ਡੇਟ ਕਰ ਰਹੇ ਸਨ। ਕੈਨੇਡਾ ਵਿਚ ਇਕ ਮੂਵੀ ਦੌਰਾਨ ਇਨ੍ਹਾਂ ਦੋਵਾਂ ਦੀ ਮੁਲਾਕਾਤ ਹੋਈ ਸੀ। ਜਾਨ ਸੀਨਾ ਦੀ ਇਸ ਖੁਸ਼ੀ ਵਿਚ ਸ਼ਾਮਲ ਪ੍ਰਸ਼ੰਸਕਾਂ ਨੇ ਵੀ ਸੋਸ਼ਲ ਮੀਡੀਆ 'ਤੇ ਵਧਾਈ ਦਿੱਤੀ ।
