IPL 2021: ਜਲਦ ਸ਼ੁਰੂ ਹੋਵੇਗਾ RCB ਦਾ ਟ੍ਰੇਨਿੰਗ ਕੈਂਪ, ਮਾਈਕ ਹੇਸਨ ਨੇ ਦਿੱਤੀ ਜਾਣਕਾਰੀ
03/24/2021 11:58:46 AM
ਸਪੋਰਟਸ ਡੈਸਟ: ਇੰਡੀਅਨ ਪ੍ਰੀਮੀਅਮ ਲੀਗ (ਆਈ.ਪੀ.ਐੱਲ) 2021 ਅਗਲੇ ਮਹੀਨੇ ਦੇ ਦੂਜੇ ਹਫ਼ਤੇ ਤੋਂ ਸ਼ੁਰੂ ਹੋਣ ਵਾਲਾ ਹੈ। ਅਜਿਹੇ ’ਚ ਕਈ ਟੀਮਾਂ ਨੇ ਰਿਹਰਸਲ ਸ਼ੁਰੂ ਕਰ ਦਿੱਤੀ ਹੈ। ਰਾਇਲ ਚੈਲੰਜਰਜ਼ ਬੰਗਲੁਰੂ ਦੇ ਡਾਇਰੈਕਟਰ ਆਫ ਕ੍ਰਿਕਟ ਮਾਈਕ ਹੇਸਨ ਨੇ ਕਿਹਾ ਕਿ ਆਈ.ਪੀ.ਐੱਲ. ਸੈਸ਼ਨ ਦੇ ਲਈ ਟੀਮ ਦਾ ਟ੍ਰੇਨਿੰਗ ਕੈਂਪ 29 ਮਾਰਚ ਤੋਂ ਸ਼ੁਰੂ ਹੋਵੇਗਾ। ਆਰ.ਸੀ.ਬੀ. ਨੇ ਟਵਿਟਰ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਜਿਸ ’ਚ ਹੇਸਨ ਨੇ ਟ੍ਰੇਨਿੰੰਗ ਕੈਂਪ ਦੀ ਜਾਣਕਾਰੀ ਦਿੱਤੀ।
ਆਈ.ਪੀ.ਐੱਲ. ਗਰਵਨਿੰਗ ਕਾਊਂਸਿਲ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਇਸ ਟੀ20 ਲੀਗ ਦਾ ਸ਼ਡਿਊਲ ਜਾਰੀ ਕੀਤਾ ਸੀ। ਇਸ ਸ਼ਡਿਊਲ ਦੇ ਤਹਿਤ 9 ਅਪ੍ਰੈਲ ਤੋਂ ਸ਼ੁਰੂ ਹੋਣ ਵਾਲੇ ਟੂਰਨਾਮੈਂਟ ’ਚ 6 ਥਾਵਾਂ ’ਤੇ ਮੈਚ ਖੇਡੇ ਜਾਣਗੇ ਅਤੇ ਕੋਈ ਵੀ ਟੀਮ ਇਸ ਵਾਰ ਆਪਣੇ ਹੋਮ ਗਰਾਊਂਡ ’ਚ ਮੈਚ ਨਹੀਂ ਖੇਡਣਗੇ। ਟੂਰਨਾਮੈਂਟ ਦੇ 14 ਵੇਂ ਅਡੀਸ਼ਨ ਦਾ ਫਾਈਨਲ 30 ਮਈ ਨੂੰ ਨਰਿੰਦਰ ਮੋਦੀ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਪਲੇਅ-ਆਫ ਵੀ ਉਸ ਸਥਾਨ ’ਤੇ ਖੇਡੇ ਜਾਣਗੇ। ਪਹਿਲਾਂ ਮੈਚ ਮੌਜੂਦਾ ਚੈਂਪੀਅਨ ਮੁੰਬਈ ਇੰਡੀਅਨਸ ਅਤੇ ਰਾਇਲ ਚੈਲੰਜਰਜ਼ ਬੰਗਲੁਰੂ ਦੇ ਵਿਚਕਾਰ ਖੇਡਿਆ ਜਾਵੇਗਾ।
ਹੇਸਨ ਨੇ ਕਿਹਾ ਕਿ 28 ਮਾਰਚ ਨੂੰ ਏਬੀ ਡਿਵੀਲੀਅਰਸ ਪਹੁੰਚਣਗੇ। ਅਸੀਂ ਖਿਡਾਰੀਆਂ ਨੂੰ 1 ਅਪ੍ਰੈਲ ਤੱਕ ਹਰ ਥਾਂ ਤੋਂ ਪਹੁੰਚਣ ’ਚ ਮਦਦ ਕਰਾਂਗੇ। ਫਿਨ ਏਲੇਨ ਇਕ ਅਪ੍ਰੈਲ ਨੂੰ ਨਿਊਜ਼ੀਲੈਂਡ ’ਚ ਟੀ20ਆਈ ’ਚ ਖੇਡਣਗੇ ਅਤੇ ਉਸ ਤੋਂ ਬਾਅਦ ਉਹ ਆਉਣਗੇ...ਏਬੀਡੀ 28 ਨੂੰ ਆਉਣਗੇ।
ਹੇਸਨ ਨੇ ਇਹ ਵੀ ਕਿਹਾ ਕਿ ਇਹ ਪਿਛਲੇ ਸਾਲ ਦੀ ਤੁਲਨਾ ’ਚ ਬਹੁਤ ਵੱਖਰਾ ਹੈ ਜਿਥੇ ਅਸੀਂ ਹਰ ਕਿਸੇ ਨੂੰ ਲੰਬੇ ਸਮੇਂ ਤੱਕ ਇਕ ਅਜਿਹੀ ਮਿਆਦ ’ਚ ਬਿਠਾਇਆ ਗਿਆ ਸੀ ਜਿਥੇ ਉਨ੍ਹਾਂ ਨੇ ਰਿਹਰਸਲ ਨਹੀਂ ਕੀਤੀ ਸੀ ਜਾਂ ਖੇਡਿਆ ਸੀ। ਇਸ ਲਈ ਇਸ ਵਾਰ ਇਹ ਵੱਖਰਾ ਸੀ, ਸਾਨੂੰ ਖਿਡਾਰੀ ਮਿਲੇ। ਇਥੇ ਕੌਮਾਂਤਰੀ ਕ੍ਰਿਕਟ ਖੇਡਣਾ ਅਤੇ ਵਿਦੇਸ਼ੀ ਅਤੇ ਘਰੇਲੂ ਕ੍ਰਿਕਟ ਇਕ ਦਿਨ ਪਹਿਲਾਂ ਤੱਕ ਪੂਰਾ ਹੋਣਾ।
