ਚੇਨਈ ਸੁਪਰ ਕਿੰਗਜ਼ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਦੇ ਮੈਚ ਦੀਆਂ ਕੁਝ ਖਾਸ ਝਲਕੀਆਂ
Monday, May 06, 2019 - 04:12 PM (IST)
ਮੋਹਾਲੀ (ਨਿਆਮੀਆਂ)- ਪੀ. ਸੀ. ਏ. ਸਟੇਡੀਅਮ ਮੋਹਾਲੀ ਵਿਚ ਆਈ. ਪੀ. ਐੱਲ. ਸੀਜ਼ਨ-12 ਦਾ ਮੁਕਾਬਲਾ ਚੇਨਈ ਸੁਪਰ ਕਿੰਗਜ਼ ਤੇ ਕਿੰਗਜ਼ ਇਲੈਵਨ ਪੰਜਾਬ ਵਿਚਾਲੇ ਖੇਡਿਆ ਗਿਆ, ਜੋ ਕਾਫ਼ੀ ਰੋਮਾਂਚਕ ਰਿਹਾ। ਇਸ ਮੈਚ ਨੂੰ ਦੇਖਣ ਲਈ ਜਿੱਥੇ ਪੰਜਾਬ ਅਤੇ ਆਲੇ-ਦੁਆਲੇ ਦੇ ਸੂਬਿਆਂ ਦੇ ਲੋਕ ਪਹੁੰਚੇ, ਉਥੇ ਹੀ ਚੇਨਈ ਸੁਪਰ ਕਿੰਗਜ਼ ਦਾ ਮੈਚ ਦੇਖਣ ਲਈ ਚੇਨਈ ਤੋਂ ਵੀ ਕਾਫੀ ਲੋਕ ਪਹੁੰਚੇ।
ਧੋਨੀ ਨੇ ਗੇਲ ਤੇ ਕੇ. ਐੱਲ. ਰਾਹੁਲ ਨੂੰ ਕੀਤਾ ਪਿੱਛੇ
ਭਾਵੇਂ ਹੀ ਕਿੰਗਜ਼ ਇਲੈਵਨ ਪੰਜਾਬ ਆਪਣੇ ਘਰ ਵਿਚ ਮੈਚ ਖੇਡ ਰਹੀ ਸੀ ਪਰ ਕ੍ਰਿਕਟ ਮੈਦਾਨ ਵਿਚ ਮੌਜੂਦ ਦਰਸ਼ਕਾਂ ਵਿਚ ਸਭ ਤੋਂ ਚਹੇਤੇ ਖਡਾਰੀ ਧੋਨੀ ਹੀ ਦਿਖਾਈ ਦਿੱਤੇ। ਇੰਨਾ ਹੀ ਨਹੀਂ, ਮੈਚ ਦੇਖਣ ਪਹੁੰਚਣ ਵਾਲੇ ਦਰਸ਼ਕ ਜਿੱਥੇ ਇਸ ਤੋਂ ਪਹਿਲਾਂ ਕੇ. ਐੱਲ. ਰਾਹੁਲ ਤੇ ਕ੍ਰਿਸ ਗੇਲ ਦੀ ਟੀ-ਸ਼ਰਟ ਪਾ ਕੇ ਘੁੰਮਦੇ ਸੀ, ਉੱਥੇ ਹੀ ਕਲ ਦੇ ਮੈਚ ਵਿਚ ਵਿਚ ਸਰਿਫ 7 ਨੰਬਰ ਦੀ ਟੀ-ਸ਼ਰਟ ਪਾਏ ਦਰਸ਼ਕ ਘੁੰਮਦੇ ਦਿਸੇ।
ਸਾਕਸ਼ੀ ਤੇ ਸੁਨੀਲ ਗਰੋਵਰ ਵੀ ਪਹੁੰਚੇ ਮੈਚ ਦੇਖਣ
ਇਸ ਮੈਚ ਨੂੰ ਦੇਖਣ ਲਈ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੀ ਪਤਨੀ ਸਾਕਸ਼ੀ ਵੀ ਪਹੁੰਚੀ। ਉਥੇ ਹੀ ਉਨ੍ਹਾਂ ਦੇ ਨਾਲ ਕਪਿਲ ਦੇ ਸ਼ੋਅ ਵਿਚ ਗੁੱਥੀ ਦਾ ਕਿਰਦਾਰ ਨਿਭਾਉਣ ਵਾਲੇ ਸੁਨੀਲ ਗਰੋਵਰ ਵੀ ਬੈਠੇ ਹੋਏ ਸਨ। ਗੁੱਥੀ ਨੇ ਲੋਕਾਂ ਦਾ ਆਪਣੇ ਹੀ ਅੰਦਾਜ਼ ਵਿਚ ਮਨੋਰੰਜਨ ਕੀਤਾ। ਸੁਰੇਸ਼ ਰੈਨਾ ਦੇ ਆਊਟ ਹੋਣ ਤੋਂ ਬਾਅਦ ਮੈਦਾਨ ’ਚ ਬੱਲੇਬਾਜ਼ੀ ਕਰਨ ਆਏ ਮਹਿੰਦਰ ਸਿੰਘ ਧੋਨੀ ਦਾ ਸਵਾਗਤ ਜਿੱਥੇ ਪ੍ਰਸ਼ੰਸਕ ਕਰ ਰਹੇ ਸਨ, ਉੱਥੇ ਹੀ ਉਸ ਦੀ ਪਤਨੀ ਸਾਕਸ਼ੀ ਨੇ ਵੀ ਖਡ਼੍ਹੇ ਹੋ ਕੇ ਤਾਡ਼ੀਆਂ ਵਜਾਈਆਂ।
ਧੋਨੀ ਦਾ ਨਹੀਂ ਚੱਲਿਆ ਹੈਲੀਕਾਪਟਰ ਸ਼ਾਟ
ਸੁਰੈਸ਼ ਰੈਨਾ ਦੇ ਆਊਟ ਹੋਣ ਤੋਂ ਬਾਅਦ ਮੈਦਾਨ ਵਿਚ ਉਤਰੇ ਕਪਤਾਨ ਧੋਨੀ ਤੋਂ ਲੋਕਾਂ ਨੂੰ ਆਸ ਸੀ ਕੀ ਉਸਦਾ ਹੈਲੀਕਾਪਟਰ ਸ਼ਾਟ ਦੇਖਣ ਦਾ ਮੌਕਾ ਮਲੇਗਾ ਪਰ ਉਹ ਭਾਵੇਂ ਹੀ ਅਜੇਤੂ ਪਰਤੇ ਪਰ ਆਪਣੇ ਬੱਲੇ ਨਾਲ ਇਕ ਵੀ ਵੱਡਾ ਸ਼ਾਟ ਨਹੀਂ ਲਗਾ ਸਕੇ।
