ਭਾਰਤੀ ਖਿਡਾਰੀ ਵਿਦੇਸ਼ਾਂ ਦੀ ਬਜਾਏ ਭਾਰਤ ''ਚ ATP ਟੂਰਨਾਮੈਂਟ ਖੇਡਣ ''ਤੇ ਧਿਆਨ ਦੇਣ : ਵਿਜੇ ਅੰਮ੍ਰਿਤਰਾਜ

ਚੇਨਈ, (ਭਾਸ਼ਾ) ਭਾਰਤ ਦੇ ਮਹਾਨ ਟੈਨਿਸ ਖਿਡਾਰੀ ਵਿਜੇ ਅੰਮ੍ਰਿਤਰਾਜ ਨੇ ਵੀਰਵਾਰ ਨੂੰ ਸੁਝਾਅ ਦਿੱਤਾ ਕਿ ਦੇਸ਼ ਦੇ ਖਿਡਾਰੀਆਂ ਨੂੰ ਇਸ ਸਮੇਂ ਚੈਲੰਜਰ ਟੂਰਨਾਮੈਂਟ ਵਿਚ ਖੇਡਣ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਜਿਸ ਲਈ ਉਨ੍ਹਾਂ ਨੂੰ ਵਿਦੇਸ਼ਾਂ ਦੀ ਬਜਾਏ ਘਰੇਲੂ ਕੋਰਟਾਂ 'ਤੇ ਲਗਾਤਾਰ ਖੇਡਣਾ ਚਾਹੀਦਾ ਹੈ। ਜਦੋਂ ਅੰਮ੍ਰਿਤਰਾਜ ਖੇਡਦਾ ਸੀ ਤਾਂ ਉਸ ਨੇ ਬਜੋਰਨ ਬੋਰਗ, ਜੌਹਨ ਮੈਕਨਰੋ ਅਤੇ ਰੌਡ ਲੀਵਰ ਵਰਗੇ ਮਹਾਨ ਖਿਡਾਰੀਆਂ ਨੂੰ ਹਰਾਇਆ ਸੀ। ਅਗਲੇ ਹਫਤੇ ਇੱਥੇ ਹੋਣ ਵਾਲੇ ਚੇਨਈ ਓਪਨ ਚੈਲੇਂਜਰ ਤੋਂ ਪਹਿਲਾਂ ਉਨ੍ਹਾਂ ਕਿਹਾ ਕਿ ਇਹ ਟੂਰਨਾਮੈਂਟ ਭਾਰਤੀ ਖਿਡਾਰੀਆਂ ਨੂੰ ਰੈਂਕਿੰਗ ਅੰਕ ਹਾਸਲ ਕਰਨ ਦਾ ਚੰਗਾ ਮੌਕਾ ਪ੍ਰਦਾਨ ਕਰਦਾ ਹੈ।

ਅੰਮ੍ਰਿਤਰਾਜ ਨੇ ਕਿਹਾ, ''ਇਹ ਉਨ੍ਹਾਂ ਨੂੰ ਮੌਕਾ ਦਿੰਦਾ ਹੈ। ਜੇਕਰ ਤੁਹਾਨੂੰ ਮੌਕਾ ਨਹੀਂ ਮਿਲਦਾ, ਤਾਂ ਤੁਸੀਂ ਕੋਸ਼ਿਸ਼ ਵੀ ਨਹੀਂ ਕਰ ਸਕਦੇ। ਤੁਹਾਨੂੰ ਕਿਤੇ ਹੋਰ ਜਾ ਕੇ ਅੰਕ ਹਾਸਲ ਕਰਨ ਦੀ ਬਜਾਏ ਭਾਰਤ 'ਚ ਖੇਡਣ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਖ਼ਰਚਾ, ਮੁਕਾਬਲਾ ਅਤੇ ਘਰੇਲੂ ਕੋਰਟ, ਇਹ ਸਭ ਕੁਝ ਮਾਇਨੇ ਰੱਖਦਾ ਹੈ। ਉਨ੍ਹਾਂ ਨੇ ਕਿਹਾ, ''ਸਾਡੇ ਭਾਰਤੀਆਂ ਲਈ ਇੰਨੀ ਦੂਰ ਜਾਣ ਦੀ ਕੋਈ ਲੋੜ ਨਹੀਂ ਹੈ, ਸਭ ਤੋਂ ਪਹਿਲਾਂ ਸਾਨੂੰ ਟੂਰਨਾਮੈਂਟ 'ਚ ਖੇਡਣਾ ਚਾਹੀਦਾ ਹੈ ਅਤੇ ਜੇਕਰ ਅਸੀਂ ਚੈਲੇਂਜਰ 'ਚ ਵੀ ਨਹੀਂ ਪਹੁੰਚ ਸਕੇ ਤਾਂ ਗ੍ਰੈਂਡ ਸਲੈਮ ਬਾਰੇ ਗੱਲ ਕਰਨ ਦਾ ਕੋਈ ਮਤਲਬ ਨਹੀਂ ਹੈ। " ਅੰਮ੍ਰਿਤਰਾਜ ਨੇ ਕਿਹਾ, ''ਤੁਸੀਂ ਵਿਦੇਸ਼ਾਂ ਦੇ ਮੁਕਾਬਲੇ ਸੁਮਿਤ ਨਾਗਲ ਅਤੇ ਮੁਕੁੰਦ ਸ਼ਸ਼ੀਕੁਮਾਰ ਵਰਗੇ ਖਿਡਾਰੀਆਂ ਤੋਂ ਬਿਹਤਰ ਪ੍ਰਦਰਸ਼ਨ ਦੀ ਉਮੀਦ ਕਰੋਗੇ। ਇਸ ਲਈ ਸਥਾਨਕ ਟੂਰਨਾਮੈਂਟ ਇਸ ਪੱਧਰ 'ਤੇ ਮਹੱਤਵ ਰੱਖਦੇ ਹਨ।