ਡੇਵਿਸ ਕੱਪ 'ਚ ਭਾਰਤ ਦੀ ਸ਼ਾਨਦਾਰ ਸ਼ੁਰੂਆਤ, ਪਾਕਿ ਖਿਲਾਫ ਬਣਾਈ 2-0 ਦੀ ਬੜ੍ਹਤ

ਸਪੋਰਟਸ ਡੈਸਕ— ਰਾਮ ਕੁਮਾਰ ਰਾਮਨਾਥਨ ਅਤੇ ਸੁਮਿਤ ਨਾਗਲ ਨੇ ਪਾਕਿਸਤਾਨ ਦੇ ਆਪਣੇ ਵਿਰੋਧੀ ਨੂੰ ਟੈਨਿਸ ਦਾ ਸਖਤ ਸਬਕ ਸਿਖਾਉਂਦੇ ਹੋਏ ਡੇਵਿਸ ਕੱਪ ਮੁਕਾਬਲੇ 'ਚ ਸ਼ੁੱਕਰਵਾਰ ਨੂੰ ਇੱਥੇ ਭਾਰਤ ਨੂੰ 2-0 ਨਾਲ ਬੜ੍ਹਤ ਦਿਵਾਈ। ਸਿੰਗਲਜ਼ ਮੁਕਾਬਲੇ ਪੂਰੀ ਤਰ੍ਹਾਂ ਨਾਲ ਇਕ ਪਾਸੜ ਰਹੇ। ਰਾਮ ਕੁਮਾਰ ਨੇ ਪਹਿਲਾਂ ਮੈਚ 'ਚ 17 ਸਾਲਾਂ ਮੁਹੰਮਦ ਸ਼ੋਇਬ ਨੂੰ ਸਿਰਫ 42 ਮਿੰਟਾਂ 'ਚ 6- 0, 6-0 ਨਾਲ ਹਾਰ ਦਿੱਤੀ। ਸ਼ੋਏਬ ਸਿਰਫ ਦੂਜੇ ਸੈੱਟ ਦੇ ਛੇਵੇਂ ਗੇਮ 'ਚ ਥੋੜ੍ਹੀ ਚੁਣੌਤੀ ਪੇਸ਼ ਕਰ ਸਕੇ ਜਦੋਂ ਉਨ੍ਹਾਂ ਨੇ ਰਾਮ ਕੁਮਾਰ ਨੂੰ ਦੋ ਡਿਊਸ ਅੰਕਾਂ ਤੱਕ ਖਿੱਚਿਆ। ਨਾਗਲ ਨੇ ਇਸ ਤੋਂ ਬਾਅਦ ਡੇਵੀਸ ਕੱਪ 'ਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ। ਉਨ੍ਹਾਂ ਨੇ ਦੂਜੇ ਸਿੰਗਲ 'ਚ ਹੁਫੈਜਾ ਮੁਹੰਮਦ ਰਹਿਮਾਨ ਨੂੰ 64 ਮਿੰਟ ਤੱਕ ਚੱਲੇ ਮੈਚ 'ਚ 6-0, 6-2 ਨਾਲ ਹਰਾਇਆ।

#IndiaVsPakistan: India raced to a 2-0 lead in their Davis Cup tie for the loss of just two games as Ramkumar Ramanathan and Sumit Nagal beat the rivals from Pakistan pic.twitter.com/crmAykLj90

— DD India - English News (@DDIndiaLive) November 29, 2019

ਉਥੇ ਹੀ ਦੂਜੇ ਮੈਚ 'ਚ ਪਾਕਿਸਤਾਨ ਦੇ ਨੌਜਵਾਨ ਖਿਡਾਰੀ ਹੁਫੈਜਾ ਨੇ ਨਾਗਲ ਦਾ ਜਿਨ੍ਹਾਂ ਸੰਭਵ ਹੋ ਲੰਬੀ ਗੇਮਾਂ 'ਚ ਉਲਝਾਉਣ ਦੀ ਕੋਸ਼ਿਸ਼ ਕੀਤੀ । ਦੂਜੇ ਸੈੱਟ ਦੇ ਦੂਜੀ ਗੇਮ 'ਚ ਦੋ ਵਾਰ ਉਨ੍ਹਾਂ ਨੇ ਨਾਗਲ ਡਿਊਸ ਅੰਕਾਂ ਤੱਕ ਖਿੱਚਿਆ ਅਤੇ ਤੀਜੀ ਗੇਮ ਜਿੱਤ ਕੇ ਪਹਿਲੀ ਵਾਰ ਪਾਕਿਸਤਾਨ ਦੇ ਨਾਂ 'ਤੇ ਇਕ ਗੇਮ ਲਿਖੀ। ਇਸ ਤੋਂ ਹਾਲਾਂਕਿ ਨਾਗਲ ਦੀ ਜਿੱਤ ਦਾ ਇੰਤਜਾਰ ਹੀ ਵਧਿਆ ਅਤੇ ਉਨ੍ਹਾਂ ਨੇ ਅੱਠਵੀਂ ਗੇਮ 'ਚ ਮੈਚ ਆਪਣੇ ਨਾਂ ਕੀਤਾ। ਖ਼ੁਰਾਂਟ ਲਿਏਂਡਰ ਪੇਸ ਅਤੇ ਜੀਵਨ ਨੇਦੁਚੇਝੀਅਨ ਹੁਣ ਸ਼ਨੀਵਾਰ ਨੂੰ ਡਬਲਜ਼ ਮੈਚ 'ਚ ਹੁਫੈਜਾ ਅਤੇ ਸ਼ੋਇਬ ਨਾਲ ਭਿੜਣਗੇ। ਭਾਰਤ ਹੁਣ ਤਕ ਪਾਕਿਸਤਾਨ ਤੋਂ ਛੇ ਮੁਕਾਬਲਿਆਂ 'ਚ ਕਦੇ ਹਾਰਿਆ ਨਹੀਂ ਹੈ ਅਤੇ ਇਸ ਦੇ ਕਾਇਮ ਰਹਿਣ ਦੀ ਪੂਰੀ ਸੰਭਾਵਨਾ ਹੈ।