IND vs PAK ਮੈਚ ''ਚ ਹਾਦਸਾ, ਜਡੇਜਾ ਦੀ ਗੇਂਦ ਪਾਕਿ ਬੱਲੇਬਾਜ਼ ਆਗਾ ਸਲਮਾਨ ਦੇ ਚਿਹਰੇ ''ਤੇ ਲੱਗੀ, ਹੋਏ ਜ਼ਖ਼ਮੀ

ਸਪੋਰਟਸ ਡੈਸਕ : ਏਸ਼ੀਆ ਕੱਪ ਦੇ ਸੁਪਰ 4 ਮੈਚ ਦੌਰਾਨ ਭਾਰਤੀ ਆਲਰਾਊਂਡਰ ਰਵਿੰਦਰ ਜਡੇਜਾ ਦੀ ਇਕ ਗੇਂਦ ਪਾਕਿਸਤਾਨੀ ਬੱਲੇਬਾਜ਼ ਆਗਾ ਸਲਮਾਨ ਦੇ ਚਿਹਰੇ 'ਤੇ ਜਾ ਲੱਗੀ। ਗੇਂਦ ਲੱਗਣ ਤੋਂ ਬਾਅਦ ਜਿੱਥੇ ਭਾਰਤੀ ਖਿਡਾਰੀ ਸਲਮਾਨ ਦੇ ਆਲੇ-ਦੁਆਲੇ ਇਕੱਠੇ ਹੋ ਗਏ, ਉਥੇ ਡਾਕਟਰ ਵੀ ਤੇਜ਼ੀ ਨਾਲ ਮੈਦਾਨ ਵੱਲ ਭੱਜੇ। ਸਲਮਾਨ ਕੈਪ ਪਹਿਨ ਕੇ ਬੱਲੇਬਾਜ਼ੀ ਕਰ ਰਹੇ ਹਨ ਅਤੇ ਉਨ੍ਹਾਂ ਨੇ ਪੈਡਲ ਸਵੀਪ ਕਰਨ ਦੀ ਕੋਸ਼ਿਸ਼ ਕੀਤੀ। ਗੇਂਦ ਬੱਲੇ ਨਾਲ ਲੱਗ ਕੇ ਉਨ੍ਹਾਂ ਦੇ ਚਿਹਰੇ 'ਤੇ ਲੱਗੀ। ਇਸ ਕਾਰਨ ਉਨ੍ਹਾਂ ਦੇ ਚਿਹਰੇ 'ਤੇ ਸੱਟ ਲੱਗ ਗਈ। ਰਾਹੁਲ ਨੇ ਤੁਰੰਤ ਉਨ੍ਹਾਂ ਦੀ ਜਾਂਚ ਕੀਤੀ ਅਤੇ ਫਿਜ਼ੀਓ ਵੀ ਤੁਰੰਤ ਆ ਗਿਆ। ਇਸ ਕਾਰਨ ਮੈਚ ਵੀ ਰੁਕ ਗਿਆ। ਫਿਜ਼ੀਓ ਨੇ ਉਨ੍ਹਾਂ ਨਾਲ ਗੱਲ ਕੀਤੀ। ਆਗਾ ਦੀ ਸੱਜੀ ਅੱਖ ਦੇ ਹੇਠਾਂ ਕੁਝ ਸੋਜ ਹੈ। ਇਸ ਤੋਂ ਬਾਅਦ ਉਹ ਹੈਲਮੇਟ ਪਾ ਕੇ ਬੱਲੇਬਾਜ਼ੀ ਕਰਦਾ ਰਿਹਾ।

ਇਹ ਵੀ ਪੜ੍ਹੋ : 2.8 ਕਰੋੜ ਦਰਸ਼ਕਾਂ ਨੇ ਆਨਲਾਈਨ ਦੇਖਿਆ ਵਿਰਾਟ ਕੋਹਲੀ ਦਾ ਸੈਂਕੜਾ, ਜੈ ਸ਼ਾਹ ਨੇ ਕੀਤਾ ਟਵੀਟ

ਦੱਸ ਦੇਈਏ ਕਿ ਸੁਪਰ 4 ਦੇ ਅਹਿਮ ਮੈਚ 'ਚ ਪਾਕਿਸਤਾਨ ਦੇ ਗੇਂਦਬਾਜ਼ ਵੀ ਟੀਮ ਇੰਡੀਆ ਦੇ ਬੱਲੇਬਾਜ਼ਾਂ ਤੋਂ ਪ੍ਰੇਸ਼ਾਨ ਸਨ। ਪਹਿਲਾਂ ਸ਼ੁਭਮਨ ਗਿੱਲ ਅਤੇ ਰੋਹਿਤ ਸ਼ਰਮਾ ਨੇ ਪਹਿਲੀ ਵਿਕਟ ਲਈ 121 ਦੌੜਾਂ ਜੋੜੀਆਂ ਅਤੇ ਆਪੋ-ਆਪਣੇ ਅਰਧ ਸੈਂਕੜੇ ਪੂਰੇ ਕੀਤੇ। ਸ਼ੁਭਮਨ ਅਤੇ ਰੋਹਿਤ ਦੇ ਪੈਵੇਲੀਅਨ ਪਰਤਣ ਤੋਂ ਬਾਅਦ ਕੇਐੱਲ ਰਾਹੁਲ ਅਤੇ ਵਿਰਾਟ ਕੋਹਲੀ ਨੇ ਪਾਰੀ ਨੂੰ ਸੰਭਾਲਿਆ। ਦੋਵਾਂ ਨੇ ਪਾਕਿਸਤਾਨੀ ਗੇਂਦਬਾਜ਼ਾਂ ਦੇ ਹਰ ਹਮਲੇ ਦਾ ਜ਼ਬਰਦਸਤ ਜਵਾਬ ਦਿੱਤਾ ਅਤੇ ਸੈਂਕੜੇ ਲਗਾ ਕੇ ਆਪਣੀ ਟੀਮ ਨੂੰ 356 ਦੌੜਾਂ ਤੱਕ ਪਹੁੰਚਾਇਆ।

ਇਹ ਵੀ ਪੜ੍ਹੋ : ਕੌਣ ਹੈ ਦੁਨੀਆ ਦੀ ਸਭ ਤੋਂ Glamorous Scientist, ਜਿਸ ਨੇ 18 ਫੁੱਟ ਲੰਬੇ ਅਜਗਰ ਦਾ ਕੀਤਾ ਆਪ੍ਰੇਸ਼ਨ

ਵੱਡਾ ਟੀਚਾ ਹਾਸਲ ਕਰਨ ਤੋਂ ਬਾਅਦ ਪਾਕਿਸਤਾਨੀ ਟੀਮ ਭਾਰਤੀ ਗੇਂਦਬਾਜ਼ਾਂ ਦੇ ਦਬਾਅ 'ਚ ਆ ਗਈ। ਇਮਾਮ ਉਲ ਹੱਕ 5ਵੇਂ ਓਵਰ 'ਚ ਹੀ ਬੁਮਰਾਹ ਦੀ ਗੇਂਦ 'ਤੇ ਪਹਿਲਾਂ ਆਊਟ ਹੋ ਗਏ। ਇਸ ਤੋਂ ਕੁਝ ਓਵਰ ਬਾਅਦ ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਵੀ ਹਾਰਦਿਕ ਪੰਡਯਾ ਦੀ ਇਕ ਖੂਬਸੂਰਤ ਗੇਂਦ 'ਤੇ ਬੋਲਡ ਹੋ ਗਏ। ਇਸ ਤੋਂ ਬਾਅਦ ਸ਼ਾਰਦੁਲ ਠਾਕੁਰ ਅਤੇ ਕੁਲਦੀਪ ਯਾਦਵ ਨੇ ਜਾਦੂ ਚਲਾਇਆ ਅਤੇ ਵੱਡੀਆਂ ਵਿਕਟਾਂ ਲਈਆਂ।

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8