PSG 'ਚ ਆਉਣ ਤੋਂ ਬਾਅਦ ਮੈਂ ਆਪਣੇ ਸਭ ਤੋਂ ਸਰਵਸ੍ਰੇਸ਼ਠ ਦੌਰ 'ਚ ਹਾਂ : ਨੇਮਾਰ
08/05/2020 8:21:18 PM
ਪੈਰਿਸ- ਪੈਰਿਸ ਸੇਂਟ ਜਰਮਨ ਫਾਰਵਰਡ ਨੇਮਾਰ ਨੇ ਯੂ. ਈ. ਐੱਫ. ਏ. ਚੈਂਪੀਅਨਸ ਲੀਗ ਦੀ ਵਾਪਸੀ ਤੋਂ ਪਹਿਲਾਂ ਇਕ ਚਿਤਾਵਨੀ ਜਾਰੀ ਕੀਤੀ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਮੌਜੂਦਾ ਸਮੇਂ 'ਚ ਆਪਣੀ ਸਰਵਸ੍ਰੇਸ਼ਠ ਫਾਰਮ 'ਚ ਹੈ। ਆਪਣੇ 200 ਮਿਲੀਅਨ ਪਾਊਂਡ ਦੇ ਸੌਦੇ ਦੌਰਾਨ ਪੀ. ਐੱਸ. ਜੀ. ਦੇ ਨਾਲ ਨੇਮਾਰ ਦਾ ਕਾਰਜਕਾਲ ਸੱਟਾਂ ਤੇ ਵਿਵਾਦਾਂ 'ਚ ਹੀ ਬਣਾ ਰਿਹਾ ਹੈ। ਨੇਮਾਰ ਨੇ ਪੀ. ਐੱਸ. ਜੀ. ਦੇ ਅਧਿਕਾਰਤ ਵੈੱਬਸਾਈਟ ਨੂੰ ਕਿਹਾ ਕਿ ਇਨ੍ਹਾਂ ਤਿੰਨ ਸਾਲਾਂ ਦੇ ਦੌਰਾਨ ਮੈਂ ਬਹੁਤ ਗਿਆਨ ਪ੍ਰਾਪਤ ਕੀਤਾ ਹੈ। ਮੈਂ ਖੁਸ਼ਹਾਲ ਪਲਾਂ ਤੇ ਮੁਸ਼ਕਲਾਂ ਵਿਚੋਂ ਲੰਘਿਆ ਹਾਂ, ਖਾਸ ਕਰਕੇ ਜਦੋਂ ਸੱਟਾਂ ਨੇ ਮੈਨੂੰ ਖੇਡਣ ਦੀ ਆਗਿਆ ਨਹੀਂ ਦਿੱਤੀ।
ਉਨ੍ਹਾਂ ਨੇ ਕਿਹਾ ਕਿ ਮੇਰੇ ਸਾਥੀਆਂ ਦੀ ਮਦਦ ਨਾਲ, ਮੈਂ ਉਨ੍ਹਾਂ 'ਤੇ ਕਾਬੂ ਪਾ ਸਕਿਆ ਤੇ ਇਸ ਗੱਲ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਕਿ ਅਸਲ 'ਚ ਕੀ ਮਹੱਤਵਪੂਰਨ ਰੱਖਦਾ ਹਾਂ, ਮੈਦਾਨ 'ਤੇ ਸਾਡਾ ਪ੍ਰਦਰਸ਼ਨ ਜੋ ਖਿਤਾਬ 'ਚ ਤਬਦੀਲ ਹੁੰਦਾ ਹੈ। ਨੇਮਾਰ ਨੇ ਇਹ ਵੀ ਕਿਹਾ ਕਿ ਉਸਦਾ ਤੇ ਕਲੱਬ ਦਾ ਟੀਚਾ ਚੈਂਪੀਅਨਸ ਲੀਗ ਦੇ ਸੋਕੇ ਨੂੰ ਖਤਮ ਕਰਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਾਡੇ ਪ੍ਰਸ਼ੰਸਕ ਕਲੱਬ ਤੇ ਸਾਰੇ ਪ੍ਰਸ਼ੰਸਕ ਸਾਡੀ ਟੀਮ ਦੀ ਲੜਾਈ ਨੂੰ ਕਿਸੇ ਵੀ ਖੇਡ 'ਚ ਦੇਖ ਸਕਦੇ ਹਨ। ਜਦੋਂ ਤੋਂ ਮੈਂ ਪੈਰਿਸ ਪਹੁੰਚਿਆ, ਮੈਂ ਆਪਣੇ ਸਰਵਸ੍ਰੇਸ਼ਠ ਫਾਰਮ 'ਚ ਹਾਂ। ਸਾਡੀ ਟੀਮ ਇਕ ਪਰਿਵਾਰ ਦੀ ਤਰ੍ਹਾ ਹੈ। ਅਸੀਂ ਚੈਂਪੀਅਨਸ ਲੀਗ ਦਾ ਖਿਤਾਬ ਜਿੱਤਣਾ ਚਾਹੁੰਦਾ ਹਾਂ।
