ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਐਲਨ ਇਗਲਸਡੇਨ ਦਾ 57 ਸਾਲ ਦੀ ਉਮਰ ''ਚ ਦਿਹਾਂਤ

ਸਪੋਰਟਸ ਡੈਸਕ- ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਐਲਨ ਇਗਲਸਡੇਨ ਦਾ 57 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਹੈ। ਇੰਗਲਿਸ਼ ਕਾਉਂਟੀ ਕੇਂਟ ਨੇ ਉਨ੍ਹਾਂ ਦੇ ਦਿਹਾਂਤ 'ਤੇ ਸੋਗ ਪ੍ਰਗਟਾਇਆ ਹੈ। 'ਇੱਗੀ' ਨੇ ਜੁਲਾਈ 1986 'ਚ ਸਮਰਸੇਟ ਦੇ ਖ਼ਿਲਾਫ਼ ਕੇਂਟ ਲਈ ਡੈਬਿਊ ਕੀਤਾ ਤੇ ਦੋ ਦਹਾਕਿਆਂ ਦੇ ਕਰੀਅਰ 'ਚ ਕਾਊਂਟੀ ਲਈ 283 ਮੈਚ ਖੇਡੇ ਜਿਸ 'ਚ ਪਹਿਲੇ ਦਰਜੇ ਤੇ ਲਿਸਟ ਏ ਕ੍ਰਿਕਟ 'ਚ 592 ਵਿਕਟਾਂ ਲਈਆਂ ।

ਇਹ ਵੀ ਪੜ੍ਹੋ : T-20 WC: ਇਹ 4 ਕਾਰਨ ਬਣੇ ਭਾਰਤ ਦੇ ਖ਼ਰਾਬ ਪ੍ਰਦਰਸ਼ਨ ਦੀ ਵਜ੍ਹਾ

ਕੇਂਟ ਦੇ ਸਰਵਸ੍ਰੇਸ਼ਠ ਅੰਕੜਿਆਂ 'ਚ 7-37 ਰਿਹਾ ਹੈ ਜੋ 1992 ਦੇ ਸੀਜ਼ਨ ਦੇ ਖਤਮ ਹੋਣ ਦੇ ਬਾਅਦ ਕੇਂਟ ਦੇ ਦੇਸ਼ ਦੇ ਦੌਰੇ ਦੌਰਾਨ ਜ਼ਿੰਬਾਬਵੇ ਬੀ ਦੇ ਖ਼ਿਲਾਫ਼ ਆਇਆ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨੂੰ 1989 'ਚ ਇਕ ਸੀਜ਼ਨ ਦੇ ਦੌਰਾਨ ਕੇਂਟ ਕੈਪ ਨੰ. 187 ਮਿਲੀ ਸੀ ਜਿਸ 'ਚ ਉਨ੍ਹਾਂ ਨੇ ਕੇਂਟ ਦੇ ਲਈ 42 ਮੈਚਾਂ 'ਚ 90 ਵਿਕਟਾਂ ਲਈਆਂ, ਉਸ ਸਾਲ ਉਨ੍ਹਾਂ ਨੇ ਇੰਗਲੈਂਡ 'ਚ ਟੈਸਟ ਕ੍ਰਿਕਟ 'ਚ ਡੈਬਿਊ ਕੀਤਾ।

ਇਹ ਵੀ ਪੜ੍ਹੋ : ਖੇਡ ਮੰਤਰਾਲਾ ਨੇ 2020 ਰਾਸ਼ਟਰੀ ਖੇਡ ਐਵਾਰਡ ਜੇਤੂਆਂ ਨੂੰ ਟਰਾਫੀਆਂ ਸੌਂਪੀਆਂ

ਕੇਂਟ ਨੇ ਇਕ ਅਧਿਕਾਰਤ ਬਿਆਨ 'ਚ ਕਿਹਾ ਕਿ ਉਨ੍ਹਾਂ ਨੇ 1999 'ਚ ਬਰਕਸ਼ਾਇਰ ਲਈ ਮਾਈਨਰ ਕਾਊਂਟੀ ਕ੍ਰਿਕਟ ਖੇਡਣ ਦੇ ਦੌਰਾਨ ਇਕ ਗ਼ੈਰ ਸਰਗਰਮ ਬ੍ਰੇਨ ਟਿਊਮਰ ਦੇ ਪਤਾ ਲੱਗਣ ਦੇ ਬਾਅਦ ਖੇਡ ਤੋਂ ਸੰਨਿਆਸ ਲੈ ਲਿਆ। ਇਲਾਜ ਦੇ ਦੌਰਾਨ ਉਨ੍ਹਾਂ ਨੇ ਬ੍ਰੇਨ ਟਿਊਮਰ ਚੈਰਿਟੀ ਲਈ ਹਜ਼ਾਰਾਂ ਪਾਊਂਡ ਇਕੱਠੇ ਕਰਨ ਲਈ ਬਹੁਤ ਕੋਸ਼ਿਸਾਂ ਕਰਨੀਆਂ ਪਈਆਂ ਜੋ ਵਿਸ਼ਵ ਪੱਧਰ 'ਚ ਬ੍ਰੇਨ ਟਿਊਮਰ 'ਚ ਰਿਸਚਰ ਦਾ ਸਭ ਤੋਂ ਸਮਰਪਤ ਫੰਡਰਾਈਜ਼ਰ ਸੀ ਤੇ ਇਕ ਸੰਗਠਨ ਜਿਸ ਦੇ ਉਹ ਸੰਰਖਿਅਕ ਸਨ।

ਨੋਟ  : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।