ਚੈੱਕ ਬਾਊਂਸ ਮਾਮਲੇ ''ਚ ਸਾਬਕਾ ਕ੍ਰਿਕਟਰ ਗ੍ਰਿਫਤਾਰ, ਜਾਰੀ ਹੋਇਆ ਸੀ ਗੈਰ-ਜ਼ਮਾਨਤੀ ਵਾਰੰਟ

ਨਾਗਪੁਰ— ਨਾਗਪੁਰ ਪੁਲਸ ਨੇ ਸਾਬਕਾ ਕ੍ਰਿਕਟਰ ਪ੍ਰਸ਼ਾਂਤ ਵੈਦਿਆ ਨੂੰ ਬੁੱਧਵਾਰ ਨੂੰ ਚੈੱਕ ਬਾਊਂਸ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਹੈ। ਪੁਲਸ ਨੇ ਇਹ ਕਾਰਵਾਈ ਉਸਦੇ ਖਿਲਾਫ ਜਾਰੀ ਗੈਰ ਜ਼ਮਾਨਤੀ ਵਾਰੰਟ 'ਤੇ ਕੀਤੀ ਹੈ। ਪੁਲਸ ਅਧਿਕਾਰੀ ਨੇ ਕਿਹਾ ਕਿ ਵੈਦਿਆ, ਜਿਸ ਨੇ 90 ਦੇ ਦਹਾਕੇ ਵਿੱਚ ਭਾਰਤੀ ਟੀਮ ਲਈ ਇੱਕ ਵਨਡੇ ਮੈਚ ਖੇਡਿਆ ਸੀ, ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿਸ ਨੇ ਉਸਨੂੰ ਨਿੱਜੀ ਮੁਚੱਲਕੇ 'ਤੇ ਰਿਹਾਅ ਕਰ ਦਿੱਤਾ।

ਬਜਾਜ ਨਗਰ ਥਾਣੇ ਦੇ ਇੰਸਪੈਕਟਰ ਵਿੱਠਲ ਸਿੰਘ ਰਾਜਪੂਤ ਨੇ ਕਿਹਾ, 'ਉਨ੍ਹਾਂ ਨੇ ਕਥਿਤ ਤੌਰ 'ਤੇ ਸਥਾਨਕ ਵਪਾਰੀ ਤੋਂ ਸਟੀਲ ਖਰੀਦਿਆ ਸੀ ਅਤੇ ਚੈੱਕ ਜਾਰੀ ਕੀਤਾ ਸੀ ਜੋ ਬਾਊਂਸ ਹੋ ਗਿਆ, ਜਿਸ ਤੋਂ ਬਾਅਦ ਕਾਰੋਬਾਰੀ ਨੇ ਨਵੇਂ ਭੁਗਤਾਨ ਦੀ ਮੰਗ ਕੀਤੀ।'

ਉਸ ਨੇ ਕਿਹਾ, "ਕ੍ਰਿਕਟਰ ਨੇ ਕਥਿਤ ਤੌਰ 'ਤੇ ਭੁਗਤਾਨ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਇਸ ਲਈ ਕਾਰੋਬਾਰੀ ਨੇ ਅਦਾਲਤ ਤੱਕ ਪਹੁੰਚ ਕੀਤੀ।" ਅਦਾਲਤ 'ਚ ਪੇਸ਼ੀ 'ਤੇ ਹਾਜ਼ਰ ਨਾ ਹੋਣ ਕਾਰਨ ਉਸ ਵਿਰੁੱਧ ਗੈਰ-ਜ਼ਮਾਨਤੀ ਵਾਰੰਟ ਜਾਰੀ ਕੀਤਾ ਗਿਆ ਸੀ। ਵੈਦਿਆ ਵਰਤਮਾਨ ਵਿੱਚ ਵਿਦਰਭ ਕ੍ਰਿਕਟ ਸੰਘ ਦੀ ਕ੍ਰਿਕਟ ਵਿਕਾਸ ਕਮੇਟੀ ਦੇ ਮੁਖੀ ਹਨ।