ਪੁਰਸ਼ਾਂ ਦੇ ਏ. ਐੱਫ. ਸੀ ਕੱਪ ਦੇ ਮੈਚ 'ਚ ਰੈਫਰੀ ਹੋਣਗੀਆਂ ਮਹਿਲਾਵਾਂ

ਸਪੋਰਟਸ ਡੈਸਕ— ਏਸ਼ੀਆਈ ਫੁੱਟਬਾਲ ਪਰਿਸੰਘ (ਏ. ਐੱਫ. ਸੀ) ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਪੁਰਸ਼ਾਂ ਦੇ ਮਹਾਦੀਪ ਦੇ ਮੁਕਾਬਲਿਆਂ 'ਚ ਪਹਿਲੀ ਵਾਰ ਸਾਰੇ ਰੈਫਰੀ ਮਹਿਲਾਵਾਂ ਹੋਣਗੀਆਂ। ਜਾਪਾਨ ਦੀ ਰੈਫਰੀ ਯੋਸ਼ਿਮੀ ਯਾਮਾਸ਼ਿਤਾ ਤੇ ਸਹਾਇਕ ਮਾਕੋਤੋ ਬੋਜੋਨੋ ਤੇ ਨਾਓਮੀ ਤੇਸ਼ਿਰੋਗੀ ਮਿਆਂਮਾ ਦੇ ਯਾਂਗੂਨ ਯੂਨਾਈਟਿਡ ਤੇ ਕੰਬੋਡਿਆ ਦੇ ਨਗੇ ਵਰਲਡ ਦੇ 'ਚ ਬੁੱਧਵਾਰ ਨੂੰ ਥੁਵੁਨਾ ਸਟੇਡੀਅਮ 'ਚ ਹੋਣ ਵਾਲੇ ਏ. ਐੱਫ. ਸੀ. ਕੱਪ ਮੈਚ 'ਚ ਆਪਣੀਆਂ ਸੇਵਾਵਾਂ ਦੇਣਗੀਆਂ। ਏ. ਐੱਫ. ਸੀ ਨੇ ਬਿਆਨ 'ਚ ਕਿਹਾ, '''ਇਹ ਪਹਿਲਾ ਮੌਕੇ ਹੋਵੇਗਾ ਜਦ ਕਿ ਤਿੰਨ ਮਹਿਲਾ ਰੈਫਰੀ ਏਸ਼ੀਆਈ ਫੁੱਟਬਾਲ ਪਰਿਸੰਘ ਦੇ ਕਲਬ ਮੈਚ 'ਚ ਆਪਣੀ ਸੇਵਾਵਾਂ ਦੇਣਗੀਆਂ। ਏਸ਼ੀਆਈ ਰੈਫਰਿੰਗ ਲਈ ਇਹ ਨਵੀਂ ਉਪਲਬੱਧੀ ਹੋਵੇਗੀ।